Kraumslistinn 2009,  viðurkenning Kraums til þeirra verka sem þótt hafa framúrskarandi og spennandi í íslenskri plötuútgafu á árinu, verður kynntur þann 16. desember. Dómnefnd Kraumslistans hefur nú valið og birt úrvalslista yfir 20 plötur.

Kraumslistinn, sem kallaður var Kraumsverðlaunin í fyrra, verður kynntur annað árið í röð miðvikudaginn 16. desember. Dómnefnd Kraumslistans hefur nú komist að niðurstöðu um 20 hljómplötur sem skipa úrvalista ársins Hann er kynntur hér og nú. Þann 16. desember verður svo tilkynnt um Kraumslistann 2009, þær fimm breiðskífur hljóta viðurkenningu og stuðning Kraums.

Kraumslistanum er ætlað að styðja við plötuútgáfu íslenskra hljómsveita og listamanna - með því að verðlauna og vekja sérstaka athygli á þeim verkum sem skara fram úr í gæðum, metnaði og frumleika. Kraumslistinn er ekki bundinn neinni ákveðinni tónlistarstefnu og honum fylgja engir undirflokkar.

Hugmyndin á bakvið Kraumslistann er að halda umgjörð í lágmarki, en beina kröftunum þess í stað í að styðja við og vekja athygli á þeim þeim plötum sem dómnefnd velur á Kraumslistann. Það er jafnframt von aðstandenda að valið veki athygli á flottri og fjölbreyttri íslenskri plötuútgáfu, nú þegar jólagjafaflóðið er við það að skella á.

Framkvæmd Kraumslistans er með þeim hætti að sérstök dómnefnd velur 5 plötur sem gefnar hafa verið út á árinu. Kraumur mun styðja við titlana, og jafnframt reyna auka við möguleika listamannanna bakvið þær til að koma verkum sínum á framfæri utan landsteinana, með því að kaupa ákveðinn fjölda af plötunum og dreifa til ýmissa starfsmanna tónlistarbransans erlendis (tónlistarhátíðir, plötuútgáfur, umboðsskrifstofur o.s.frv.), í samvinnu við Útflutningskrifstofu íslenskrar tónlistar (ÚTÓN).

Árið 2008 sá dómnefnd sérstaka ástæðu til að verðlauna fleiri en fimm plötur, en samkvæmt reglum Kraumslistans hefur dómnefnd leyfi til að auka við fjölda verðlaunaplatna, ef sérstakt tilefni þykir til.

Dómnefnd Kraumslistans er skipuð 16 aðilum sem hafa reynslu af að fjalla um og spila íslenska tónlist á ýmsum sviðum fjölmiðlunar, í dagblöðum, útvarpi og á netinu. Formaður dómnefndar er Árni Matthíasson. (sjá lista yfir alla meðlimi dómnefndar hér að neðan).

Óhætt að segja að árið í ár sé öflugt hvað plötuútgáfu varðar, enda fjölmargir spennandi titlar sem ekki komast á úrvalslista Kraumslistans 2009. Dómnefnd vinnur nú það erfiða starf að velja af listanum þær 5 plötur sem Kraumur verðlaunar. Kraumslistinn 2009 verður kynntur til leiks miðvikudaginn 16. desember.

Frekari upplýsingar:
Um Kraumslistann
Markmið og verðlaun
Dómnefnd og reglur

Kraumslistinn 2008:

• Agent Fresco - Lightbulb Universe
• FM Belfast - How to Make Friends
• Hugi Guðmundsson - Apocrypha
• Ísafold - All Sounds to Silence Come
• Mammút - Karkari
• Retro Stefson - Montaña

Kraumslistinn 2009 - Úrvalslisti (í stafrófsröð)

• Anna Guðný Guðmundsdóttir - Vingt regards sur l’enfant-Jésus
• Árni Heiðar Karlsson - Mæri
• Bloodgroup - Dry Land
• Bróðir Svartúlfs - Bróðir Svartúlfs EP
• Dikta - Get it together
• Egill Sæbjörnsson - Egill S
• Feldberg - Don’t Be A Stranger
• Helga Rós Indriðadóttir og Guðrún Dalía - Jórunn Viðar, Sönglög
• Helgi Hrafn Jónsson - For the Rest of my Childhood
• Hildur Guðnadóttir - Without Sinking
• Hjaltalin - Terminal
• Kimono - Easy Music for Difficult People
• Lights on the highway - Amanita Muscaria
• Morðingjarnir - Flóttinn mikli
• múm - Singa Along to Songs that You Don’t Know
• Pascal Pinon - Pascal Pinon
• Ruxpin - Where Do We Float From Here
• Sudden Weather Change - Stop! Handgrenade In The Name Of Crib Death’understand?
• The Deathmetal Supersquad - Dead Zeppelin
• Víkingur Heiðar - Debut

Stuttmynd Stuart Rogers um Kraumsverðlaunin 2008 birt nýjum video-vef SPIN Magazine.

Myndband Stuart Rogers um Kraumsverðlaunin 2008 og afhendingu verðlaunanna í fyrra var nýverið birt á nýjum video-vef bandaríska tímaritsins SPIN Magazine sem kallast SPIN Earth.

Meðal þeirra sem koma fram í myndbandinu sem eru; hljómsveitirnar Agent Fresco, FM Beflast, Mammút, Retro Stefson, Árni Rúnar Hlöðversson (FM Belfast), Katrína Mogensen og Arnar Pétursson (Mammút), Daníel Bjarnason (Ísafold), Unnsteinn Stefánsson (Retro Stefson), Eldar Ástþórsson (framkvæmdastjóri Kraums), Árni Mattíasson (blaðamaður á Morgunblaðinu og formaður dómnefndar Kraumsverðlaunanna), Halla Steinunn Stefánsdóttir (þáttagerðarmaður á Rás 1 og dómnefndarliði Kraumsverðlaunanna) og Ólafur Páll Gunnarsson (tónlistarstjóri Rásar 2 og dómnefndarliði Kraumsverðlaunanna).

Myndbandið er rúmlega 13 mínútur að lengd og má finna hér:

• SPIN Earth: Iceland’s Kraumur Awards 2008 Documentary
• Kraumur @ LoFiTV

Kraumur og Aldrei fór ég suður með námskeið og pallborðsumræður á Ísafirði þann 10. apríl. Öllum opin. Engin aðgangseyrir.

Kraumur tónlistarsjóður og aðstandendur Aldrei fór ég suður standa fyrir námskeiðum fyrir tónlistarmenn, sem og aðra áhugamenn um íslenska tónlist, á meðan á tónlistarhátíðinni Aldrei fór ég suður stendur á Ísafiriði.

Fjölmargir reynsluboltar úr íslensku tónlistarlífi munu þar taka þátt og deila reynslu sinni með ungum og upprennandi listamönnum frá Vestfjörðum sem og annarstaðar af landinu. Má þar nefna Mugison, Óttar Proppé úr Dr. Spock, Árna Rúnar Hlöðversson úr FM Belfast, Katrín Mogensen úr Mammút og Gunnar Örn Tynes og Örvar Þóreyjarson Smárason úr múm.

Fjölbreytt dagskrá verður í boði sem meðal annars kemur inn á textagerð, hvernig best er að koma sér og tónlist sinni á framfæri - og að sjálfsögðu hvernig á að slá í gegn. Násmskeiðin og smiðjurnar fara fram í Edinborgarhúsinu, Bryggjusal föstudaginn 10. apríl, 11:00-17:00, og eru öllum opnar. Engin aðgangseyrir. Og boðið upp á frítt kaffi.

DAGSKRÁ:

Birt með fyrirvara um breytingar.

Gerðu það sjálfur, sjálfbær tónlistarþróun

Hvernig er best að skipuleggja sig og sinn vinnutíma í tónlist?

• Jóhann Fr. Jóhannsson (701)
• Árna Rúnar Hlöðversson (FM Belfast)
• Gunnar Örn Tynes (múm)
• Örn Elías Guðmundsson (Mugison)

Bölmóðssýki og brestir, eltir lagið textann eða er það öfugt?

Hversu mikilvægur er textinn, þarftu að segja eitthvað með honum, er nóg að hugsa á íslensku? Textagerð frá öllum ýmsum sjónarhornu.

• Örvar Þóreyjarson Smárason (múm)
• Óttarr Proppé (Dr. Spock)
• Þröstur Jóhannesson (Þröstur og þúfutittlingarnir)
• Katrín Mogensen (Mammút)

Hvar er draumurinn? Hverjar eru væntingarnar í tónlistarsköpun?

Hvar er draumalandið, hvers vegna að skapa tónlist? Rætt gagnvirkt um tónlistariðnaðinn og væntingar tónlistarmanna.

• Logi Höskuldsson (Sudden weather change)
• Eygló (Vicky)
• Arnór Dan (Agent Fresco)
• Benjamín Bent (Klikkhausarnir)

Slá í gegn, hvernig siglir maður á móti straumnum í bransanum?

Hvernig stígur maður næstu skref, í hvaða átt á að stefna? Hvernig á að bera sig að í að styrkja ferilinn og rækta?

• Fulltrúi Dikta (Dikta)
• Gís Von Ice (Umboðsmaður)
• Haukur Sigurbjörn (Reykjavík!)
• Sigurlaug Gísladóttir (Mr. Silla / múm)

Samantekt, leystum við lífsgátuna, sömdum við lag, hver var tilgangurinn?

Fundarstjóri dregur saman helstu atriðin og mækinn verður opinn!

• Kristján Freyr Halldórsson heldur utan um samantekinga og í samvinnu við ráðstefnugesti tekur saman helstu atriði sem komu fram.

Frekari upplýsingar veita: www.aldrei.is

Kraumur verðlaunar hljómsveitirnar sem lenda í fyrstu þrem sætunum á Músíktilraunum 2009 með plássi í Hljóðverssmiðjum Kraums og Tanksins á Flateyri.

Hljómsveitakeppnin og tónlistarhátíðin Músíktilraunir hefur verið einn helsti vettvangur ungra íslenskra tónlistarmanna til að koma sér og tónlist sinni á framfæri í yfir 25 ár. Listi hljómsveita og listamanna sem stigið hafa á svið á þessum árlega tónlistarviðburði er langur, en meðal sigurvegara síðustu ára eru hljómsveitirnar Jakobínarína, Mammút og Agent Fresco.

Kraumur styður við sigurvegara Músíktilrauna 2009 og sveitirnar sem lenda í 2. og 3. sæti með plássi í Hljóðverssmiðjum Kraums og Tanksins á Flateyri [mynd]. Um er að ræða eina vika í hljóðverinu, samtals 70 upptökutíma með hljóðmanni, auk leiðbeininga og kennslu frá reyndari listamamönnum. Gisting innifalin.

Markmiðið með hljóðverssmiðjunum er að styðja við grasrótina í íslensku tónlistarlífi, miðla reynslu og gefa þeim tækifæri á að taka upp efni sem nýst gæti hljómsveitinni við kynningu, t.a.m. dreifingar á netinu og til útvarpsstöðva, og/eða sem byrjun á upptökum á breiðskífu.

Undankvöld Músíktilrauna fara fram í Íslensku Óperunni, Ingólfsstræti 2a, 101 Rvk. Undankvöldin verða á eftirfarandi dögum: 27.mars, 28.mars, 29.mars og 30.mars og hefjast öll kl. 19.00.

Úrslitakvöldið verður haldið laugardaginn 4.apríl í Listasafni Reykjavíkur, og opnar húsið kl 17. Rás 2 mun vera með beina útsendingu frá kvöldinu. Miðasala er hafin í Hinu Húsinu,Pósthússtræti 3-5. Aðgangseyrir er 1000 kr.

Vefur Músíktilrauna: www.musiktilraunir.is
Vefur Tanksins: www.tankurinn.com

Kraumsverðlaunin 2008. Nýtt myndband Stuart Rogers um verðlaunin og Kraum komið á Kraumur TV @ LoFi.TV. Horfa má á myndbandið hér að neðan, einnig á Facebook og það er til niðurhals hér.

Meðal þeirra sem koma fram í myndbandinu eru; Agent Fresco, FM Beflast, Mammút, Retro Stefson, Árni Rúnar Hlöðversson (FM Belfast), Katrína Mogensen og Arnar Pétursson (Mammút), Daníel Bjarnason (Ísafold), Unnsteinn Stefánsson (Retro Stefson), Eldar Ástþórsson (framkvæmdastjóri Kraums), Árni Mattíasson (blaðamaður á Morgunblaðinu og formaður dómnefndar Kraumsverðlaunanna), Halla Steinunn Stefánsdóttir (þáttagerðarmaður á Rás 1 og meðlimur dómnefndar Kraumsverðlaunanna) og Ólafur Páll Gunnarsson (tónlistarstjóri Rásar 2 og meðlimur dómnefndar Kraumsverðlaunanna).

Kraumur Awards 2008 documentary from lofi.tv on Vimeo.

Smiðjustígur All-Star Jam með meðlimum múm, FM Belfast, Borko, Seabear, Skakkamanage, Arnljótur og vinir, Agent Fresco og Retro Stefson…

Myndband ástralska New York búans Stuart Rogers sem sýnir eftirköst verðlaunaafhendingar Kraumsverðlaunanna föstudaginn 28. nóvember. Eftirpartýið. Allsherjar ófyrirsjáanlegt ‘Jam Session’ þar sem meðlimir FM Belfast, múm, Borko, Agent Fresco og fleiri sameina krafta sína.

Myndbandið má sjá hér:

Untitled from lofi.tv on Vimeo.

Kraumsverðlaunin 2008 afhent og tilkynnt í æfingahúsnæði að Smiðjustíg 4A.

Verðlaunin hlutu; Agent Fresco fyrir Lightbulb Universe, FM Belfast fyrir How to Make Friends, Hugi Guðmundsson fyrir Apocrypha, Ísafold fyrir All Sounds to Silence Come, Mammút fyrir Karkara og Retro Stefson fyrir Montaña. Frekari upplýsingar um verðlaunaplötur og tilnefningar má nalgast hér.

>> Fleiri myndir frá Kraumsverðlaunapartýinu og afhendingunni.

Kraumsverðlaunin 2008: Retro Stefson

Kraumsverðlaunin 2008: Agent Fresco fagna!

Kraumsverðlaunin 2008: Mammút

kraumsverðlaunin 200: Retro Stefson / FM Belfast

Kraumsverðlaunahafar 2008

Kraumsverðlaunin 2008 hljóta; Agent Fresco fyrir Lightbulb Universe, FM Belfast fyrir How to Make Friends, Hugi Guðmundsson fyrir Apocrypha, Ísafold fyrir All Sounds to Silence Come, Mammút fyrir Karkara og Retro Stefson fyrir Montaña.

Í dag, föstudaginn 28. nóvember, var tilkynnt um tilnefningar og verðlaunaplötur fyrstu Kraumsverðlaunanna.

Óhætt að segja að árið í ár sé öflugt hvað íslenska plötuútgáfu varðar, enda dómnefnd Kraumsverðlaunanna búin að hafa nóg að gera síðustu vikur og fjöldi spennandi titla sem komist hafa á blað í starfi hennar. Tilkynnt var um úrvalslista Kraumsverðlaunanna í síðustu viku og í dag á Smiðjustíg 4A var tilkynnt um 20 breiðskífur sem valdar hafa verið og tilnefndar til verðlaunanna - og af þeim, þær sex breiðskífur sem hljóta Kraumverðlaunin 2008.

Samkvæmt reglum Kraumsverðlaunanna er gert ráð fyrir að dómnefndin velji og verðlauni fimm breiðskífur sem koma út á árinu, þó með þeim fyrirvara að hægt sé að fjölga í þeim hópi ef sérstakt tilefni sé til. Í ár er tilefni, Kraumsverðlaunaplöturnar eru sex talsins.

Kraumsverðlaunin snúast ekki um eina einstaka verðlaunaplötu, heldur að viðurkenna og verðlauna fleiri titla. Umgjörð verðlaunanna er haldið í lágmarki, og frekar reynt að einbeita sér að því að styðja og setja pening í að kaupa verðlaunaplöturnar. Vinninghafarnir hljóta ekki verðlaunagrip, heldur eru verðlaunin fyrst og fremst fólgin í viðurkenningu, kynningu - og plötukaupum Kraums á verðlaunatitlunum.

Kraumur mun styðja við verðlaunaplöturnar, og jafnframt auka við möguleika listamannanna bakvið þær til að koma verkum sínum á framfæri utan landsteinana, með því að kaupa ákveðinn fjölda af plötunum og dreifa til starfsmanna tónlistarbransans erlendis (tónlistarhátíðir, plötuútgáfur, umboðsskrifstofur o.s.frv.), í samvinnu við Útflutningskrifstofu íslenskrar tónlistar (ÚTÓN).

Kraumsverðlaunin 2008 hljóta;
Agent Fresco - Lightbulb Universe
FM Belfast - How to Make Friends
Hugi Guðmundsson - Apocrypha
Ísafold - All Sounds to Silence Come
Mammút - Karkari
Retro Stefson - Montaña

Tilnefningar til verðlaunanna hljóta;
Agent Fresco - Lightbulb Universe
Celestine - At the Borders of Arcadia
Dísa - Dísa
Dr. Spock - Falcon Christ
Emiliana Torrini - Me and Armini
FM Belfast - How to Make Friends
Hugi Guðmundsson - Apocrypha
Introbeats - Tívólí chillout
Ísafold - All Sounds to Silence Come
Klive - Sweaty Psalms
Lay Low - Farewell Good Night’s Sleep
Mammút - Karkari
Morðingjarnir - Áfram Ísland
Múgsefjun - Skiptar skoðanir
Ólafur Arnalds - Variations of Static
Retro Stefson - Montaña
Reykjavík! - The Blood
Sigur Rós - Með suð í eyrum við spilum endalaust
Sin Fang Bous - Clangour
Skakkamanage - All Over the Face