Kraumur og Aldrei fór ég suður standa fyrir tónlistarráðstefnu og fræðslunámskeiði á rokkhátíð alþýðunnar á Ísafirði um páskana. Opin öllum og engin aðgangseyrir.

Þriðja árið í röð stendur Kraumur tónlistarsjóður, í samvinnu við aðstandendur tónlistarhátíðarinnar Aldrei fór ég suður ,fyrir ráðstefnu og fræðunámskeiði á Ísafirði um páskana, 21.-23. apríl. Undanfarin tvö ár hefur verið farið um víðan völl á ráðstefnunum þar sem m.a. hefur verið komið inn á réttindi tónlistarmanna, tekjuleiðir og aðgengi almennings að tónlist á netinu.

Líkt og undanfarin ár munu hljómsveiti og listamenn sem koma fram á hátíðinni taka þátt í námskeiðinu. Meðal þeirra listamanna sem koma fram á hátíðinni í ár eru;

• Bjartmar Guðlaugsson og Bergrisarnir
• Ensími
• FM Belfast
• Grafík
• Jónas Sigurðsson og ritvélar framtíðarinnar
• Klassart
• Nýdönsk
• Páll Óskar
• Pétur Ben
• Prinspóló
• Valdimar
• … og fleiri

Frítt er inn á ráðstefnuna, og hún er öllum opin. Boðið upp á kaffi og með því. Sömuleiðis er ókeypis á hátíðina eins og undanfarin ár.

Tónlistarráðstefnur Kraums á Aldrei fór ég suður:

• Ég stend á skýi (2010)
• Hvar er draumurinn? (2009)

Tenglar
Heimasíða Aldrei fór ég Suður
Tónlistarráðstefna og námskeið Kraums á Aldrei fór ég suður

Kraumur tónlistarsjóður verðlaunar sigursveitir Músíktilrauna 2011 með sæti í Hljóðverssmiðjum.

Kraumur óskar hljómsveitinni Samaris til hamingju með sigur í hinni árlegu tónlistarhátíð og hljómsveitakeppni Músíktilraunum. Með sigrinum hefur sveitin, ásamt hljómsveitunum Súr og The Wicked Strangers sem lentu í 2. og 3. sæti, tryggt sér sæti í Hljóðverssmiðju Kraums fyrir árið í ár.

Músikiltraunir hefur verið einn helsti vettvangur ungra íslenskra tónlistarmanna til að koma sér og tónlist sinni á framfæri í yfir 25 ár, og hefur samstarf Kraums og Músiktilrauna verið mjög farsælt. Listi hljómsveita og listamanna sem borið hafa sigur úr bítum á Músíktilraunum er langur. Meðal sigurvegara keppninar - sem haldin hefur verið árlega frá 1986 - eru; Greifanir, Kolrassa Krókríðandi/Bellatrix, Maus, Botnleðja, Stjörnukisi, Mínus, XXX Rottweiler, Mammút, Jakobínarína, Agent Fresco og nú síðast Of Monsters and Men sem léku á úrslitakvöldi Músíktilrauna í ár.

Úrlslitakvöld Músíktilrauna 2011 fór fram í Íslensku óperunni. Fólkið valdi Hljómsveit fólksins í símakosningu sveitina Primavera. Verðlaun fyrir íslenska textagerð hlaut hljómsveitin Askur Yggdrasils. Einstaklingsverðlaun þetta árið voru gítarleikari Músíktilrauna - Hafsteinn Þráinsson úr Postartica. Bassaleikari Músíktilrauna - Alexander Örn Númason úr Postartica. Hljómborðsleikari/Forritari músíktilrauna - Þórður Kári Steinþórsson úr Samaris. Trommuleikari Músíktilrauna - Jósep Helgason úr The Wicked Strangers. Söngvari Músíktilrauna - Gunnar Guðni Harðarson úr The Wicked Strangers.

Markmiðið með Hljóðverssmiðjunum er að styðja við grasrótina í íslensku tónlistarlífi, miðla reynslu og gefa ungum og upprennandi tónlistarmönnum tækifæri á að taka upp efni sem nýst getur við kynningu, t.a.m. dreifingar á netinu og til útvarpsstöðva, og sem byrjun á upptökum á breiðskífu.

Þetta er í þriðja sinn sem Kraumur verðlaunar hljómsveitirnar sem lendar í fyrstu þrem sætunum á Músíktilraunum. Í kjölfar Músiktilrauna 2009 voru hljómsveitunum Bróðir Svartúlfs (#1 Músíktilraunir 2009), Ljósvaka (#2) og The Vintage (#3) boðin þátttaka í Hljóðverssmiðjum 2009 sem fram fóru í Tankinum á Ísafirði þar sem leiðbeinendur voru Mugison (Örn Elías Guðmundsson) tónlistarmaður, Páll Ragnar Pálsson tónlistarmaður með BA í Tónsmíði frá Listaháskóla Íslands og Önundur Hafsteinn Pálsson, tónlistarmaður, upptökumaður og tónlistarkennari á Ísafirði og Flateyri.

Hljóðverssmiðjur 2010 fóru fram í hljóðverinu Sundlaugin í Mosfellsbæ, en fjölmargir þekktir listamenn hafa unnið í hljóðverinu og má þar nefna Sigur Rós. Leiðbeinendur voru tónlistarmennirnir Mugison og Pétur Ben, ásamt Birgi Jón Birgissyni upptökustjóra. Þátttakendur voru hljómsveitirnar Monsters & Men (sæti #1 í Músíktilraunum 2010), The Assassin of a beautiful Brunette (#2) og Vulgate (#3).

Tenglar:
Músíktilraunir - heimasíða
Hljóðverssmiðjur Kraums

Rannsóknarmiðstöð skapandi greina hjá Viðskiptafræðistofnun Háskóla Íslands kynnti þann 13. mars árangursmat á starfsemi Hönnunarsjóðs Auroru og Kraums tónlistarsjóðs.

Góð mæting var í stofu 101 á Háskólatorgi þegar Viðskiptafræðistofnun Háskóla Íslands kynnti árangursmat sitt á starfsemi og styrkveitingum Kraums tónlistarsjóðs og systursjóðnum Hönnunarsjóðs Auroru. Báðir sjóðirnir voru stofnaðir af Auroru velgerðarsjóði, með árs millibili árin 2008 og 2009.

Markmið með gerð árangursmatsins var fyrst og fremst að aðstoða stjórnendur sjóðanna til að meta það starf sem á sér stað innan sjóðanna, hvaða áhrif það hefur á frama styrkþega og einnig hönnunar- og tónlistarsamfélagið í víðari skilningi. Einnig var árangursmatið hugsað sem lærdómur um það hvernig best er að standa að styrkveitingum, hvaða form gefur bestan árangur, hvaða aðferðarfræði hentar best þeim sem sækja um styrki og hvaða ásýnd svona sjóðir hafi gagnvart umsækjendum og samstarfsaðilum.
Höfundar skýrslunnar eru þau Margrét Sigrún Sigurðardóttir og Tómas Viktor Young
en þau kynntu helstu niðurstöður árangursmatsins.

Auður Einarsdóttir framkvæmdastjóri Auroru velgerðasjóðs, Hlín Helga Guðlaugsdóttir framkvæmdastjóri Hönnunarsjóðs Auroru og Eldar Ástþórsson framkvæmdastjóri Kraums tónlistarsjóðs fóru einnig yfir starfsemi sjóðanna en Kraumur og Hönnunarsjóður Auroru eru dóttursjóðir Auroru velgerðasjóðs.

Rannsóknin var byggð á á hálfopnum viðtölum við framkvæmdastjóra sjóðanna og styrkþega. Niðurstaða árangursmatsins leiddi í ljós almenna ánægju meðal styrkþega með sjóðina en umsóknarferlið þykir persónulegt og óformlegt. Vegna aukins fjölda umsókna benda höfundar skýrslunnar á að nauðsynlegt sé að gera umsóknarferlið formfastara. Í síðasta umsóknarferli fékk Kraumur 233 umsóknir en Hönnunarsjóður
Auroru 80 umsóknir sem er umsóknarmet síðan sjóðirnir hófu starfsemi sína.

Flestir styrkir úr Kraumi tónlistarsjóði hafa verið veittir í annað hvort plötuupptökur, útgáfu eða tónleikaferðalög innanlands og erlendis. Einnig hefur Kraumur styrkt verkefni til að standa straum af kynningarstarfi erlendis á plötuútgáfu, kynningu á klassískri tónlist í framhaldsskólum á Íslandi og fleira.

Styrkþegar voru allir sammála um að styrkurinn hafi hjálpað þeim mikið í framkvæmd verkefnisins sem sótt var um en hefðu samt sem áður framkvæmt verkefnin sín án styrksins. Þetta sýnir í raun að sjóðirnir eru á réttri leið með að styrkja verkefni sem eru með skýra framtíðarsýn og markmið og líklegri til að verða að veruleika.

Markmið sjóðanna er að veita styrki sem eru veglegri til fárra verkefna svo stuðningurinn skipti sköpum fyrir verkefnin. Rannsakendur benda á að þróun í átt að lægri styrkjum til stærri hóps sé ekki að þjóna markmiðum sjóðanna og minnki líkur á árangri fyrir styrkþegana sjálfa. Þessi hætta sé fyrir hendi þegar fjöldi góðra umsókna eykst og var þróun hjá sjóðunum á ákveðnum tímapunkti.

Niðurstaða árangurmatsins er því sú að styrkþegar eru ánægðari með að sjóðirnir veiti veglegri styrki á færri verkefni. Sjóðirnir hafa tekið það til sín og munu leitast við að framfylgja þeim markmiðum.

Framkvæmdastjórum sjóðanna ber saman um að gerð árangursmats sé mikilvægt framlag fyrir starfsemi sjóðanna. Hér sé á ferð rannsókn sem hjálpi til við mótun stefnu þeirra í styrkveitingum og almennri starfsemi. Góðar leiðbeiningar við hvernig má styrkja og efla starfsemina, viðhalda þeim verkþáttum sem virka hvað best – en gera breytingar þar sem umbóta er þörf. Starfsemi sjóðanna hafi verið í stöðugri þróun síðustu ár, enda sett upp sem tilraunaverkefni, og rannsókn sem þessi sé ekki aðeins gott veganesti fyrir komandi starfsár, heldur veki vonandi upp umræður um það sem betur má fara í styrkveitingum almennt.

Á mynd: Auður Einarsdóttir, framkvæmdastjóri Aurora velgerðarsjóðs, Eldar Ástþórsson, framkvæmdastjóri Kraums tónlistarsjóðs, Margrét Sigrún Sigurðardóttir, lektor við Viðskiptafræðistofun Háskóla Íslands og höfundur árangursmatsins, Tóms Viktor Young höfundur árangursmatsins, Hlín Helga Guðlaugsdóttir framkvæmdastjóri Hönnunarsjóðs Auroru.

Kraumur kynnir starfsemi sína á fræðslufundi Útón/IMX í Norræna húsinu.

Útflutningsskrifstofa íslenskrar tónlist (ÚTÓN/IMX) stendur fyrir fræðslukvöldi í Norræna húsinu þriðjudagskvöldið 9. nóvember. Þar verður fallað verður um gerð umsókna, raunhæfra fjárhagsáætlana, auk fleiri atriða sem skipta máli þegar sóst er eftir styrkjum. Auk þess verður fjallað um fjármögnunarleiðir eins og Pledge Music og Kickstarter og rætt við tónlistarfólkið Sunnu Gunnlaug djasspíanista og Guðfinn Sveinsson úr For a Minor Reflection sem hafa nýtt sér þessar leiðir með góðum árangri.

Eldar Ástþórsson framkvæmdastjóri Kraums mun kynna starfsemi sjóðsins, umsóknarferli og verkefni hans. Fulltrúar annara sjóða munu einnig kynna sína starfsemi, m.a. Signý Pálsdóttir, skrifstofustjóri menningarmála hjá Menningar- og ferðamálasviði Reykjavíkurborgar.

Námskeiðsgjald er 5.000 krónur (3.000 krónur fyrir félagsmenn FTT, TÍ, FÍH, FÍT og FHF). Innifalið í námskeiðsgjaldi eru námskeiðsgögn og létt hressing. Nauðsynlegt er að skrá sig fyrirfram. Skráning er hjá greta@islandsstofa.is. Nánari upplýsingar veitir Kamilla Ingibergsdóttir hjá kamilla@icelandmusic.is og í síma 511 4000.

Hlekkir
www.uton.is
www.icelandmusic.is

Tónlistarráðstefna og fræðsla Kraums á Aldrei fór ég suður 2010 – rokkhátíð alþýðunnar á Ísafirði

Kraumur tónlistarsjóður og aðstandendur tónlistarhátíðarinnar Aldrei fór ég suður héldu í sameiningu ráðstefnu og fræðslunámskeið um íslenska tónlist, þróun hennar og væntingar föstudaginn 2. apríl á Ísafirði. Þetta er í annað sinn sem Kraumur og skipuleggjendur hátíðarinnar leggja krafta sína saman með þessum hætti og líkt og í fyrra skiptið fór viðburðurinn fram í Edinborgarhúsinu samhliða hátíðinni.

Þátttakendur að þessu sinni voru um 60 manns, aðallega tónlistarmenn sem komu fram á Aldrei fór ég suður hátíðinni en auk þeirra voru margir áhugamenn um íslenska tónlist, heimamenn og gestir sem tóku virkan þátt í umræðunum.

Í ár voru málefni um hagsmuni tónlistarmanna mjög hugleikin, tónlistarútgáfa og það umhverfi sem menn búa við í dag! Utan um dagskrána hélt einn skipuleggjenda Aldrei fór ég suður, Kristján Freyr Halldórsson. Dagskráin var byggð af þremur meginpallborðum og voru 3 manns boðaðir í hvert pallborð. Umræðurnar voru opnar í báðar áttir og tóku allir mikinn þátt í skemmtilegum umræðum. Ráðstefnan og námskeiðið var í ár undir yfirskriftinni “Ég stend á skýi” sem flestum fannst viðeigandi…!

Dagskráin:

1. ALLIR ERU Í FÍNU FORMI

   Fyrsta umræðuefni dagsins var hin stafræna útgáfa sem tröllríður öllu. Er stafræn útgáfa fullgild útgáfa? Til að ræða þetta efni og reyna að svara þessum stóru spurningum voru fengin þau Haukur Viðar Alfrðsson  (í hljómsveitinni Morðingjum), María Rut Reynisdóttir (frá Gogoyoko) og Örn Elías (Mugison).

   Yfirskriftin var “Allir eru í fínu formi” og þar vitnað í Stuðmenn og Björgvin Halldórsson.

   Er stafræn útgáfa að verða viðurkennd útgáfa?
   Mugison reið á vaðið og sagði frá sinni reynslu en hann hóf að selja síðustu stóru plötu sína á netinu og bauð þar uppá niðurhal og fisíska útgáfan kæmi í framhaldi í pósti. Hann vildi meina að það hafi farið fram úr björtustu vonum, hann hafði talið að fáir þyrðu að nota netið á þennan hátt. Staðreyndin væri einfaldlega sú að miðlarnir hafa breyst svo hratt og iPod orðinn t.a.m. mjög eðlileg eign fólks.

   Haukur Morðingi taldi sinn áhangendahóp alls ekki að versla þeirra stöff á netinu, ekki vegna vankunnáttu frekar vegna þess að annar vettvangur hentar betur. Hann sjálfur notar vefinn ekki mikið til að kaupa tónlist.

   María Rut frá Gogoyoko upplýsti ráðstefnugesti um starfsemi Gogoyoko sem vakið hefur gríðarlega athygli. Vefurinn hefur vaxið gríðarlega og voru um 12.000 skráðir notendur á þessum tíma. Salan er að aukast og má segja að um 85% virkra tónlistarmanna séu með efni á vefnum. Að sama skapi er að aukast notkun vefjarins í Skandinavíu.

   Úr sal bárust spurningar um iTunes og hvers vegna sú þjónusta sé ekki í boði hér á landi. Hér eru IP tölur blokkaðar og forsjármenn tala um lítið markaðssvæði. Ráðstefnugestir töldu frekar að hagsmunamálin séu að flækja frekar og orsaka ekkert aðgengi hér.

   - Mugison hefur auðvitað selt gríðarmagn af plötum á netinu en peningarnir liggi alls ekki þar. Það er frekar að selja plötur og annan varning á tónleikum sem telur mun frekar.

   - Kristján Freyr skýtur því inn hvort það sé ekki áhyggjuatriði að ungt fólk í dag þekki ekki annað en að fá tónlist fría á netinu, margir nota frítt niðurhal á lagi í markaðssetningu sinni. Í framhaldi er spurt hvort mögulegt sé að “stór plata” sé að verða úrelt fyrirbæri og fólk hlusti bara á lag og lag hér og þar.

   - María segir ljóst að ungt fólk sé reiðubúið að greiða fyrir tónlist ef það veit að greiðslan skili sér til tónlistarmannsins. Einnig segir hún að unglingar séu ekki eini hópurinn sem er á vefnum, það kom glöggt í ljós þegar Hjálmar gáfu út plötu fyrir jólin. Þar sást líka að vefsalan kom ekki í veg fyrir að salan á plötunni sjálfri gengi vel. Á síðasta ári dróst sala á plötum á Íslandi um 4% á meðan netsala jókst umfram fisíska sölu á Bretlandi.

   - Haukur kom með þá hugmynd að menn gæfu út plötur sínar sem aðeins eitt lag (1 track) og kemst þá enginn upp með að stela bara einu lagi.

   - Mugisonsagðist hafa prófað að gefa allt stöffið sitt frítt í gegnum netið og þáði í staðinn netföng til að byggja upp tengslanet. Þar liggja mikil verðmæti. Mikilvægt að byggja upp gott samband við áhangendur sína.

   - María nefndi að tími svokallaðra stórstjarna í tónlist sé liðin og fleiri eigi uppá pallborðið, það se einmitt netinu að þakka. En þó að vefurinn sé þetta sterkur þá er jafnmerkilegt að vínillinn sé orðinn mjög vinsæll aftur.

   Þarna mynduðust gríðarlega áhugaverðar umræður og vakti inngrip Gríms Atlasonar mikla athygli. Hann benti á að símafyrirtækin fengju alltof miklar tekjur af allri þeirri tónlist sem fólk nálgast á netinu, það eru þessi fyrirtæki sem raunverulega eru að græða á tónlist í dag. Réttast væri að þau gæfu til baka á einhvern hátt og einnig ættu þau kannski að sjá til þess að opna megi fyrir aðgengi á Itunes og þau rukki þá fyrir notkunina.

   Útgangspunktur þessarar umræðu var kannski sá að við lifum á millibilstímum þar sem ekki er búið að fullslípa hvernig sölu á tónlist á internetinu skuli vera háttað. Hún er þó að þróast í rétta átt og öll form tónlistar færast nær miðjunni.

2. HVAR ERU PENINGARNIR MÍNIR?

   Hvernig er hagsmunum tónlistarmanna varið? Mikið hefur verið skeggrætt í minni hópum hvort þrfi að hrista upp í verkalýðsbaráttunni. Til að tæpa örlítið á þessum málum fengum við Högna Egilsson (Hjaltalín), Hall Jónsson (Bloodgroup) og Steinþór Helga (útgefanda og umboðsmann Hjaltalín).

   Hvar eru peningarnir mínir, kvað skáldið Einar Örn Benediktsson Sykurmola úr Ghostigital.

   - Kristján Freyr spurði hvort sú þráláta mýta sem væri uppi um að takmarkaður hópur valinkunnra poppara væru áskrifendur af stórum summum svokallaðra STEF-gjalda og fjárúthlutana annarra félaga ætti við rök að styðjast. Eða eru tónlistarmenn almennt illa upplýstir og þess vegna ekki að nýta rétt sinn?!

   - Steinþór taldi hvort tveggja vera rétt. Annars vegar er kerfið afar flókið og  alls ekki aðgengilegt, sérstaklega fyrir þá sem hafa ekki mikla reynslu.

   Útvarpsstöðvar skila inn til STEFS svokölluðum spilunarlistum en þar er á reiki hvort allt sé að koma þangað inn. Er það einungis partur af dagskrárgerð RÚV og Bylgjunnar og lítið annað?! Það virtist koma fram í máli Ólafs Páls Gunnarssonar á Rás 2 , á ráðstefnukvöldi ÚTÓN  á dögunum, að  alls ekki allt sem spilað er hjá þeim skli sér inn til STEFS.

   - Högni vill meina að yngri tónlistarmenn geri ekki of mikið í því að sækja rétt sín og kjör. Þeir eru jafnvel miklu virkari í spilamennsku en fá ekkert greitt. Þar kemur inn í dæmið að tónlistarmenn fylli ekki út tónleikaskýrslur eftir tónleika sína. Á móti kemur að staðirnir þurfi að greiða gjöld inn til STEFS en enginn sækir þá. Hvað verður um þessa peninga er ekki nógu skýrt. Svo virðist sem til sé samningur en svo er til “betri” samningur.

   - Hallur benti á að STEF væri auðvitað hagsmunafélag tónlistarmanna en félagið væri því miður ekki nægilega aðgengilegt, heimasíðan afar flókin og kerfið á allan hátt óskiljanlegt. Þar eru rangar áherzlur.

   - Steinþór ræddi um öll þessi félög hér á landi og önnur aðildarfélög: STEF, FTT, FÍH, NCG, ASCAP, SESAC, PRS, PPL… Svo er Samtónn hattur yfir öll félögin. Þetta væri of mikið og brýnt að skerpa línurnar. Svo vantar inn í dæmið félag sem heldur utan um flutningsrétt.

   - Grímur Atlason benti á úr sal að áherslurnar væru vissulega rangar. T.a.m. fengju lítil sveitarfélög úti á landi það oft óþvegið frá félaginu og þyrfti að borga himinháar fjárhæðir fyrir litlar uppákomur.

   - Kristján benti líka á að staðir af öllu tagi fengju orðsendingu frá STEFI ef  þeir auglýstu uppákomu einhvers staðar. Hinsvegar fengju tónlistarmenn aldrei áminningu um að skila inn tónleikaskýrslum, þá er þær uppákomur mjög oft auglýstar í blöðum.

   - Högni benti á að eitthvað væri gruggugt við þessar úthlutanir. Sér til stuðnings nefndi hann lag með Sprengjuhöllinni sem var vinslæasta lagið á Íslandi um langa hríð en hafi ekki skilað nema smárri upphæð í vasa höfundana.

   Lóst var að hægt var að ræða þessi mál endalaust og mönnum var heitt í hamsi þó svo að umræðan hafi aldrei farið á háa C-ið.

3. VIÐ GERUM OKKAR, GERUM OKKAR, GERUM OKKAR, GERUM OKKAR BESTA!

   Í þriðja og síðasta umræðugrundvelli okkar þennan dag ræddum við saman um hvernig landslag tónlistariðnaðurinn hefur skapað sér á Íslandi. Það er ljóst að tónlist skipar stórt hlutverk hér á landi og út a við. Talið er t.a.m. að það sem erlendir ferðamenn sækja hingað til lands sé einna helst landslagið eða auðnin og í öðru sæti er það tónlist og menning hverskonar. En hvernig er að „vinna“ við tónlist á Íslandi?

   Til þess að svara þessu fengum við Grím Atlason (sveitastjóra í Dalabyggð og umboðsmann FM Belfast og Retro Stefson), Birgi Örn Sigurjónsson (Bigga Bix tónlistarmann) og Láru Rúnars (tónlistarmann og innkaupastjóra Skífunnar)

   - Biggi sem býr á Ísafirði var að gefa út sína fyrstu plötu á dögunum. Hann getur ekki ímyndað sér né hefur hann væntingar um að vinna við tónlist. Fæstir gera það hér á landi og hafa það frekar sem sitt tómstundagaman.

   - Lára bætir við að ungir listamenn hendi sér oftar en ekki út í djúpu laugina og reyna að svamla að bakkanum án þess að vita réttu leiðina endilega.

   - Kristján bætir því við að það sé hugsanlega kostir og gallar við þá staðreynd. Það borgar sig alltaf að hafa leiðsögn en hinsvegar er það örugglega ástæðan fyrir því hversu framarlega við erum í menningu og listum sú staðreynd að við erum ekki að velta hlutunum mikið fyrir okkur, gerum bara!

   - Biggi er spurður hvernig það er að sinna tónlistinni á landsbyggðinni en ekki á höfuðborgarsvæðinu. Hann segir það engum vandkvæðum bundið, hann er nýbúinn að gefa út plötu og fékk henni dreift hjá útgáfu í Reykjavík og svo noti hann ferðir sínar suður til að spilaog kynna sig með einhverju móti. Svo er það auðvitað internetið sem er til staðar í dag en var ekki áður, það hefur minnkað heiminn.

   - Kristján Freyr spyr Grím Atlason hvort við getum borið okkur saman við nágrannaþjóðir og hvernig tónlistarumhverfið er í þeim samanburði.

   - Grímur hefur ferðast mikið uppá síðkastið og kynnst því umhverfi sem er í boði í Evrópu og Skandinavíu. Grímur skrifaði mjög fína grein á bloggsíðu sína á Eyjunni um þessi mál, greinin nefnist „Lifi tónlistin og Evrópa“ 04. Mars 2010, http://blog.eyjan.is/grimuratlason/2010/03/04/lifi-tonlistin-og-evropa/.

   Þar segir m.a. „..Út um alla Evrópu eru tónleikastaðir sem taka á móti listamönnum með gistingu, mat, góðum aðbúnaði og launum fyrir spilamennskuna. Hljómsveitir, sem eru að byrja í bransanum, njóta styrkja þannig að þær geti flutt sköpun sína og gert eitthvað uppbyggilegt. Hið vonda Evrópusamband styrkir spilastaðina þannig að þeir getir starfað árið um kring. Þeir eru ekki aðeins í stóru borgunum heldur líka í minni bæjum og jafnvel úr leið. Það er nefnilega skilningur á því að menning er hluti lífsgæða sem eru manneskjunni jafn mikilvæg og saltfiskur og skyr.”

   Okkur Íslendingum hefur ekki gengið vel í útrás með margt annað en menninguna. Bókmenntir voru okkar helstu afurðir hér áður en síðustu tvo áratugi hefur tónlistin skilað okkur meiri verðmætum en flestir gera sér grein fyrir. Hér er líka verið að tala um peningaleg verðmæti. Þrátt fyrir þetta leggjum við nær ekkert til þessarar greinar. Hljómsveitir sem eru að reyna að hasla sér völl hérlendis og erlendis njóta engra eða smánarlega lágra styrkja. Tónleikastaðir í Reykjavík skipta flestir um kennitölur á nokkurra missera fresti. Tónleikar á landsbyggðinni eru sjaldgæfur munaður og meistarar eins og Haukur á Græna hattinum eru upp á náð og miskunn leigusalanna komnir“.

   Grímur segir það skjóta skökku við að margar aðrar greinar skuli fá meira fjármagn en menning og listir, t.a.m. landbúnaður sem skilar ekki eins miklum tekjum og tónlist og menning. Hann segir jafnframt grátlegt á meðan hljómsveitir, jafnvel óþekktar, skuli ávallt fá greiðslur fyrir spilamennsku á stöðum í Evrópu þurfi íslenskar hljómsveitir að punga út greiðslum til að fá að spila á sumum stöðum. Oft þurfi jafnan að útvega hljóðkerfi og slíkt einnig. Í Danmörku sé virkur sjóður þar sem skemmtistaðir fá jafnan úthlutað úr til að greiða hljómsveitum fyrir spilamennsku.

   - Lára hefur unnið í Skífunni í nokkur ár og séð um innkaup fyrir þær verslanir. Nú sé hinsvegar að draga til tíðinda því Skífan mun loka verslun sinni við Laugaveg í sumar. Sú verslun er sú stærsta á Íslandi og það sé eflaust mikið reiðarslag fyrir tónlistarmenn og framleiðendur. Lára segir að tónlistarmenn þurfi enn frekar að vera á tánum til að lifa af eða að geta sinnt listinni. Menn þurfi að spila mikið til að kynna sig, selja inn á tónleika, selja ýmiskonar markaðsefni, boli og slíkt og reiða sig síður á mikla plötusölu. Enda ekki mikil plötusala í dag. Annars finnst Láru ekki vera mætt nógu vel á tónleika hér á landi.

   - Kristján vill meina að við megum vera heppin hér. Bæði er fólk duglegt að kaupa íslenska tónlist og það hafi virkilega aukist að fólk mæti á tónleika sérstaklega eftir efnahagshrunið.

   - Birgir tekur undir með tónleikamenningu. Fólk kunni vel að meta að það sé margt í boði. Biggi vill einnig undirstrika það að tónlistarmenn megi ekki gleyma því að ferðast út á land. Það sé mikilvægt að kynna tónlist sína allan hringinn en ekki bara í miðborg Reykjavíkur.

   - Grímur vill að menntamálaráðuneytið stuðli að því að Félagsheimilin verði nýtt betur í því samhengi. Rekstraraðilar þeirra húsa eiga að fá stærri fjárframlög til að reka þau hús með myndarskap, láta þau ekki grotna niður og geta aukinheldur gert vel við þá skemmtikrafta sem vilja heimsækja þessa staði.

   - Kristján tekur undir orð Gríms og segir mikilvægt fyrir alla byggð á landinu að geta tekið þátt í menningartengdri ferðamennsku. Félagsheimilin eru kannski undirstaðan að því öllu. Að lokum minnir hann einnig á að samkoman sem hann ávarpar sé stödd á hátíð sem spratt fram af einstaklingsfrumkvæði sem hefur gert mikið fyrir tónlist og menningu á Vestfjörðum.

4. SAMANTEKT

   Það var vel mætt á þessa ráðstefnu og námskeið okkar í ár. Bæði barst hróður síðasta málþings fyrir ári síðan og einnig hafði þetta verið vel kynnt í bænum. Það var því góð blanda af bæjarbúum, tónlistarmönnum sem spiluðu á hátíðinni og öðrum gestum. Allir þeir sem sátu í sal tóku virkan þátt í umræðunum frá byrjun, enda ítrekaði fundarstjóri það strax að þetta ætti ekki að vera formleg fundarsköp með þungum fyrirlestrum.

   Málefnin sjálf voru stór og því ekki mörg. Þau þurftu líka mikla umræðu og margar skoðanir komu fram. Stafræna útgáfan er auðvitað mjög hugleikin öllum í þessum iðnaði og morgunljóst að við lifum á miklum umbrotatímum í tónlistarútgáfu. Einnig fengum við fróðlega yfirferð á hagsmunabaráttunni. Menn hafa greinilega fengið mikla og aukna fræðslu í kjölfar fyrirlestrarkvölda hjá Útflutningsráði íslenskrar tónlistar. Fundarmenn höfðu það að orði.

   Það sem sat einna helst í mönnum eftir fundinn voru þeir punktar sem komu fram um stafrænt niðurhal og símafyrirtækin. Flestir voru mjög heitir í kjölfar þeirrar umræðu. Einnig hafði grein Gríms og hans úttekt á tónlistarlífinu í Evrópu mikil áhrif á mannskapinn.

   Á meðan fundi stóð fengu fundarstjóri og Örn Elías þau tíðindi að flugvél sem innihélt stóran hluta þeirra tónlistarmanna sem áttu að skemmta seinna um kvöldið hafi ekki farið af stað. Það fór um fundargesti því hátíðin var í húfi. Það var því ljóst að menn myndu yfirgefa fundarsalinn til þess að mæta á krísufund vegna slæms veðurs.

   Þegar fundi var slitið var öllum fundargestum boðið í plokkfiskveislu í Tjöruhúsið í Neðstakaupstað og fóru því flestir fagnandi úr salnum beint upp í rútu. Þess má einnig geta að krísufundurinn fór vel og Hjálmar, Ingó og veðurguðir mættu á sínum fjallabílum seinna um kvöldið og náðu að spila. Hinsvegar komust Pollapönk aldrei vestur.

   Lokaorðin hljóta að innihalda þakkarorð til þeirra sem lögðu hönd á plóg fyrir þetta málþing, sem bar yfirskriftina “Ég stend á skýi” og er þar auðvitað vitnað í ísfirðinginn Helga Björnsson sem svo sannarlega lét sig ekki vanta á hátíðina í ár sem endranær. Skipuleggjendum Aldrei fór ég suður, öllum sem tóku þátt í pallborðunum, öllum þátttakendum í sal og síðast en ekki síst samstarfs- og stuðningsaðilanum Kraumi-tónlistarsjóði sem hafði veg og vanda að því að gera okkur þetta kleift.

   Benjamín Mark Stacey og Kristján Freyr Halldórsson rituðu samantekt.

Tónlistarhátíðin Eistnaflug fer fram í Neskaupsstað dagana 8.-10. júlí þar sem yfir 30 hljómsveitir koma fram, auk þess sem boðið verður upp á vinnusmiðjur og tónleika utan hefðbundnar dagskrár í fyrsta sinn í sögu hátíðarinnar.

“Ef að þú manst eftir Eistnaflugi - þá varstu ekki þar”
- Guðmundur Óli Pálmason

“Eistnaflug? Betra en Arnarflug!”
- Magnús “Zombie”

Búast má við að íbúafjöldi Neskaupsstaðar tvöfaldist dagana 8.-10. júlí þegar tónlistarhátíðin Eistnaflug fer fram í bænum. Hátíðin hefur verið haldin árlega frá árinu 2005 og vaxið með hverju árinu. Nú er svo komið að Eistnaflug er orðin ein helsta tónlistarhátíð landsins. Yfir 30 hljómsveitir koma fram á Eistnaflugi um helgina, auk þess sem boðið verður upp á vinnusmiðjur og tónleika utan hefðbundnar dagskrá í fyrsta sinn í sögu hátíðarinnar.

Kraumur tónlistarsjóður styður við vinnusmiðjur og tónleikahald íslenskra sveita á Eistnaflugi 2010. Stuðningurinn og samstarfið er hluti af Innrásar-átaki sjóðsins til stuðnings tónleikahaldi innanlands. Fjölmargar hljómsveitir og listamenn hafa notið stuðnings og samstarfs í tengslum við Innrásina frá árinu 2008, má þar nefna; Amiina, Árstíðir, Benni Hemm Hemm, Benny Crespo’s Gang, Bloodgroup, Borko, Dr. Spock, Elfa Rún Kristinsdóttir, Elín Ey, Elíza Geirsdóttir Newman, Fabúla, FM Belfast, Melkorka Ólafsdóttir, Momentum, Morðingjarnir, Mógil, Mysterious Marta, Myrra, Njútón, Nögl, Pascal Pinon, Reykjavík!, Sign, Skátar, Svavar Knútur og Sykur.

Eistnaflug var fyrst haldin árið 2005 þegar Stefán Magnússon, sem leiddist rokkleysið eftir að hafa flutt til Neskaupstaðar, skipulagði tónleika með 14 hljómsveitum og bauð vinum sínum til Neskaupstaðar í lok sumarsins. Árið eftir var hátíðin haldin aðra helgina í júlí og sú hefð hefur haldist síðan. Eistnaflug hefur vaxað og dafnað með árunum, og getið sér góðs orðspor hérlendis sem erlendis. Eistnaflug byrjaði sem lítil metal-rokkhátíð er í dag 3-daga tónlistarhátíð sem samanstendur af ýmsum tónlistarstraumum og stefnum - þó rokktónlist af harðari gerðinni sé enn aðalsmerki hennar.

Fyrsta hátíðin stóð yfir eina kvöldstund og mættu um  50 manns, 300 manns mættu árið eftir þegar hátíðin stækkaði í 2-daga festival og árið 2008 tók hátíðin nokkrum stakkaskiptum þegar hún stóð í fyrsta sinn yfir í 3 daga og erlend hljómsveit (Contradiktion frá Þýskalandi) spilaði þar í fyrsta sinn. Gestir það árið voru 800 manns og í fyrra náði gestafjöldi nýjum hæðum þegar um 1.000 manns sóttu hátíðina. Í ár er búist við svipuðum fjölda og í fyrra, og þar sem einhverjir miðalausir gestir fylgja alltaf með í bæinn má búast við að íbúafjöldi Neskaupsstaðar (sem er um 1.400) nærri tvöfaldist því þessa helgi.

Yfir 30 hljómsveitir koma fram á Eistnaflugi 2010. Má þar nefna Dr. Spock, Mínus, Reykjavík!, Cliff Clavin, Saktmóðigur, In Memorium, Fortíð, Beneath, Momentum, Celestine, Sólstafir sem léku á nýafstaðinni Hróaskelduhátíð, Sororicide sem koma saman á ný og Kolrassa Krókríðandi sem snýr aftur eftir langt hlé með með Elízu Newman í fararbroddi. Erlendir gestir í dagskrá hátíðarinnar er eitt af flaggskipum þungarokksins; engir aðrir en Napalm Death frá Englandi.

Eistnaflug hefur getið sér gott orð fyrir vinalegt andrúmsloft og góða stemmningu. Hátíðin er haldin í Neskaupstað, hjarta Austurlands, nánar tiltekið í Egilsbúð. Gistiaðstaða er á tveimur tjaldsvæðum; hinu svokallaða ‘djammstæði’ við enda bæjarins og á fjölskyldutjaldstæðinu í hlíðinni ofan við miðbæinn. 18 ára aldurstakmark er á hátíðina sjálfa.

Forsala miða á midi.is og í verslunum Skífunnar og er verð í forsölu er aðeins 6.666 krónur. Miðar eru einnig seldir á Nesk 7.500 á Neskaupsstað.

Hlekkir
Vefsíða Eistnaflugs - www.eistnaflug.is
Facebook síða Eistnaflugs - www.facebook.com/pages/Eistnaflug

Rúmum tíu milljónum var veitt til 22 verkefna á sviði íslenskrar tónlistar. Kraumur tónlistarsjóður kynnti á fimmtudag (15. apríl) fyrstu úthlutanir sínar og stuðning við íslenskt tónlistarlíf, tónlistarmenn og hljómsveitir fyrir árið 2010.

Tuttugu listamenn og hljómsveitir hljóta beinan stuðning frá Kraumi og samstarf við verkefni sín á árinu; Bang Gang, Bloodgroup, Bryndís Jakobsdóttir, Daníel Bjarnason, Einar Scheving, Feldberg, FM Belfast, Hafdís Bjarnadóttir, Kammerkórinn Carmina, K-tríó, Leaves, Mammút, Ourlives, Ólöf Arnalds, Retro Stefson, Samúel Jón Samúelsson Big Band, Seabear, Sólstafir, Trúbatrix hópurinn og Víkingur Heiðar Ólafsson. Kraumur mun jafnfram halda áfram með eigin verkefni; m.a. að styðja við íslenska plötuútgáfu verðlauna framúrskarandi árangur á því sviði með Kraumslistanum - sem og halda Hljóðverssmiðjur í sumar með ungum og upprennandi hljómsveitum og listamönum.

Samtals er nú verið að veita 10,8 milljónum til margvíslegra verkefna á sviði íslenskrar tónlistar. Alls bárust 208 umsóknir í nýliðnu umsóknarferli. Yfir 180 umsóknir hlutu ekki styrk eða stuðning Kraums, og ljóst að mikill fjöldi flottra og verðugra verkefna hlutu ekki stuðning að þessu sinni. Yfirlýst stefna sjóðsins er að styrkja tiltölulega fá verkefni/listamenn, en gera það þannig að stuðningurinn sé afgerandi.

Áhersla er lögð á kynningu á íslenskri tónlist og verkum íslenskra listamanna á erlendri grundu í stuðningi Kraums að þessu sinni - auk stuðning við starfsemi listamanna og hljómsveita hérlendis; allt frá vinnu við lagasmíðar og upptökur á eigin verkum, til námskeiða og tónleikahalds á landsbyggðinni.

Kynningin og úthlutunin fór fram fimmtudaginn 15. apríl á Kaffi Rósenberg, einum helsta tónleikastað Reykjavíkurborgar. Þórunn Sigurðardóttir stjórnarformaður Kraums bauð fólk velkomið og greindi jafnframt frá því að vegna anna væri hún að hætta í stjórninni, eftir að rúmlega tveggja ára farsælt starf fyrir sjóðinn og hafa átt stóran þátt í að koma honum á laggirnar og leggja línurnar í starfsemi hans.  Pétur Grétarsson varaformaður tók við stjónarformennskunni. Eldar Ástþórsson framkvæmdastjóri Kraums greindi frá verkefnum sjóðsins og úhlutunum. Loks tóku Retro Stefson og Feldberg lagið við góðar undirtektir viðstaddra.

KYNNING Á ÍSLENSKRI TÓNLIST Á ERLENDUM VETTVANGI
Stærstu samstarfsstyrkina að þessu sinni fá hljómsveitin FM Belfast, við tónleikahald og kynningu á verkum sínum erlendri gundu, og tónskáldið Daníel Bjarnason við eftirfylgni og kynningarstarf á breiðskífu sinni Processions á alþjóðvettvangi. Kraumur styður bæði verkefnin um 1.000.000 króna hvort. Kraumur efnir sömuleiðis til samstarfs og stuðnings við Feldberg, Mammút, Ourlives, Ólöf Arnalds, Seabear, Samúel Jón Samúelsson Big Band og Sólstafir við að koma sér og verkum sínum á framfæri erlendis.

Daníel Bjarnason er klassískt tónskáld sem verið hefur iðinn við að brjóta niður þá múra sem tengjast slíkri nafnbót. Það má segja að Daníel sé að sumu leyti að feta nýja slóð fyrir klassísk tónskáld á okkar tímum og koma klassískri tónlist til breiðari hóps áheyranda. Procession er þegar farin að fá góða dóma og viðtökur á alþjóðavettvangi og með frekari kynningu og tónleikahaldi nær hún vonandi eyrum enn fleiri.

Hljómsveitin FM Belfast er á öðrum enda tónlistarlitrófsins, leikur dans- og popptónlist, og hefur vaxið gríðarlega sem tónleikasveit síðan hún kom fyrst fram á Iceland Airwaves hátíðinni árið 2006. Sveitin gerði og gaf út sína fyrstu breiðskífu, How to Make Friends, með stuðningi Kraums árið 2008 og síðan hefur orðspor sveitarinnar farið langt út fyrir landsteinana. Árið 2010 ætlar sveitin að leggja áherslu á útlönd og mun sveitin m.a. koma fram á tónlistarhátíðum og bransasamkomum víð um Evrópu, m.a. Hróaskeldu og SPOT.

Íslenskir listamenn hafa í áraraðir unnið gríðarlega mikilvægt starf við að kynna Ísland og íslenska menningu á erlendri grundu. Markaðir í Skandinavíu, annarstaðar í Evrópu og Bandaríkjunum eru mikilvægir íslenskum listamönnum við að skapa sér tekjur af verkum sínum og þar eru margvísleg sóknarfæri fyrir íslenska listamenn. Kraumur vill hlúa að og styðja við útrás íslenskra listamanna og hljómsveita - og vonar að stuðningurinn nýtist þessum listamönnum til að koma sér og sínum afurðum enn frekar á framfæri, skapi þeim aukin tækifæri - sem og íslenska tónlist almennt - á erlendum vettvangi.

PLÖTUGERÐ OG INNLEND VERKEFNI
Kraumur heldur áfram að styðja við verkefni listamanna og hljómsveita hérlendis við að lagasmíðar, upptökur og við að útgáfu á verkum sínum. Kraumur efnir til samstarfs og stuðnings við Bang Gang, Bryndísi Jakobsdóttir, Einar Scheving, Hafdísi Bjarnadóttir, Leaves, Retro Stefson og Víking Heiðar Ólafsson við verkefni sín á sviði lagasmíða, vinnu, útgáfu og/eða kynningu á eigin verkum. Allir þessir listamenn stefna á að gefa út nýjar breiðskífur á árinu.

Kraumur heldur Innrásinni - stuðningi sínum við tónleikahald innanlands - áfram á árinu. Markmið Innrásarinnar er að auka við möguleika listamanna til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni. Fjölmargir listamenn og hljómsveitir hafa lagt land undir fót og haldið tónleika víðsvegar um landið síðustu tvö ár undir merkjum Innrásarinnar og má þar nefna tónleika; Amiina, Árstíðir, Benni Hemm Hemm, Dr. Spock, Elfa Rún Kristinsdóttir, Melkorka Ólafsdóttir, Momentum, Muck, Nögl, Reykjavík!, Sign, Skátar, Sudden Weathar Change, Svavar Knúts Kristinssonar og fjölda annarra.

Innrás Kraums mun styðja við tónleika og tónleikaferð Kammerkórsins Carmina, K-tríó, Trúbatrix hópsins (Myrra Rós Þrastardóttir, Miss Mount, Elín Ey, Elíza, Pascal Pinon, Mysterious Marta og fjöldi annara tónlistarkvenna) og Bloodgroup í Reykjavík og á landsbyggðinni. Blodgroup mun sömuleiðis standa fyrir tónleikum í Færeyjum með stuðningi Kraums. Tími til komin að þakka Færeyjingum fyrir hjálpina með því að færa þeim frábæra tónlist frá Íslandi.

KRAUMSLISTINN OG STARFSEMIN 2010
Kraumur hefur það sem af er þessu ári staðið fyrir námskeiði og opinni ráðstefnu fyrir tónlistarmenn og tónlistaráhugamenn á og í samvinnu við Aldrei fór ég suður, staðið fyrir Leit að ungum tónskáldum í samstarfi við Við djúpið og Rás 1 og sem einn samstarfsaðila Músíktilrauna í mars valið þrjár hljómsveitir til þátttöku í Hljóðverssmiðjum Kraums - þar sem ungum og upprennandi hljómsveitir fá fræðslu, handleiðslu og aðstöðu til að taka upp eigð efni með aðstoð fagmanna.

Kraumur hefur sömuleiðis keypt (100 stk af hverjum titli) og kynnt þær sex hljómplötur sem hlutu viðurkenningu Kraumslistans 2009 (áður Kraumsverðlaun) - meðal annars með útsendingum á tónleikahaldara, plötuútgáfur og tengiliði erlendis. Plöturnar eru; Anna Guðný Guðmundsdóttir - Vingt regards sur l’enfant-Jésus, Bloodgroup - Dry Land, Helgi Hrafn Jónsson - For the Rest of my Childhood, Hildur Guðnadóttir - Without Sinking, Hjaltalin - Terminal og Morðingjarnir - Flóttinn mikli. Kraumslistinn 2010 verður kynntur í desember í ár og mun Kraumur veita þeim plötum sem hljóta viðurkenningu samskonar stuðning.

KRAUMUR OG NÚVERANDI ÚTHLUTUN
Kraumur er sjálfstætt starfandi sjóður og starfsemi á vegum Auroru velgerðarsjóðs sem hefur það að meginhlutverk að efla íslenskt tónlistarlíf, fyrst og fremst með stuðningi við unga listamenn, auðvelda þeim að vinna að listsköpun sinni og koma verkum sínum á framfæri innanlands sem utan. Markmiðið er að styrkja stöðu ungra tónlistarmanna á Íslandi með beinum styrkjum, faglegri aðstoð og samstarfi af ýmsu tagi. Starfsemin, og stuðningurinn við listamenn og hljómsveitir, samanstendur því af bæði fjárhagslegum stuðning sem og faglegri aðstoð, aðgang að tengslaneti og hjálp við að koma verkum sínum og verkefnum í framkvæmd.

Kraumur tónlistarsjóður er á sínu þriðja starfsári, en starfsemin var sett á laggirnar í upphafi árs 2008. Á síðastliðnum 2 árum hefur Kraumur unnið með og stutt fjölda listamanna og hljómsveita með ýmsum hætti. Má þar nefna; Amiina, Benny Crespo’s Gang, Bloodgroup, Dikta, Dr. Spock, Celestine, Elfa Rún Kristinsdóttir, FM Belfast, For a Minor Refleciton, Helgi Valur, Hjaltalín, Lay Low, Melkorka Ólafsdóttir, Mugison, Morðingjarnir, Momentum, Mógil, Nordic Affect, Njútón, Nögl, Ólöf Arnalds, Ólafur Arnalds, Reykjavík!, Seabear, Sin Fang Bous, Sign, Skakkamanage, Skátar, Sudden Weather Change, Svavar Knútur, Sykur, Trúbatrix, Víkingur Heiðar Ólafsson og fjölmargir fleiri.

Kraumur kynnir að þessu stuðning alfarið ný samstarfsverkefni við listamenn, ef frá er talin stuðningur við FM Belfast og Ólöfu Arnalds - en Kraumur hefur áður stutt við plötugerð viðkomandi listamanna og tekur nú þátt í kynningu á verkum þeirra á erlendum vettvangi. Trúbatrix hópurinn fékk stuðning í fyrra við tónleikahald og Bloodgroup hlaut árið 2008 stuðning við tónleikahald ásamt fleiri hljómsveitum. Kraumur telur mikilvægt að fá inn ný verkefni - en jafnframt að vinna áfram með hluta þeirra listamanna sem hlotið hafa stuðning að verkum þeirra og stefnir á að gera það áfram.

Alls bárust 208 umsóknir í umsóknarferli sjóðsins sem nú er nýliðið. Yfir 180 umsóknir hlutu ekki styrk eða stuðning Kraums, og er ljóst að mikill fjöldi flottra og verðugra verkefna hlutu ekki stuðning að þessu sinni. Stjórn Kraums er hins vegar ánægð með þann stuðning og þau flottu verkefni sem tilkynnt er um nú sem sjóðurinn mun standa með og á bakvið. Yfirlýst stefna sjóðsins er að styrkja tiltölulega fá verkefni/listamenn, en gera það þannig að stuðningurinn sé afgerandi.

—————————————————————————————————————————————————
—————————————————————————————————————————————————

YFIRLIT

ÚTRÁS
Stuðningur og samstarf við listamenn og hljómsveitir við að koma sér og verkum sínum á framfæri á erlendum vettvangi.

INNRÁS
Stuðningur og samstarf við listamenn og hljómsveitir við tónleikahald innanlands.

PLÖTUGERÐ OG INNLEND VERKEFNI
Stuðningur og samstarf við listamenn og hljómsveitir á sviði lagasmíða, plötugerðar og kynningar.

EIGIN VERKEFNI KRAUMS
Eigin verkefni og samstarfsverkefni Kraums tónlistarsjóðs.

—————————————————————————————————————————————————
—————————————————————————————————————————————————

Kraumur óskar hljómsveitinni Of Monsters and Men til hamingju með sigur í Músíktilraunum 2010 og býður sveitinni sæti í Hljóðverssmiðjur Kraums.

Hljómsveitinni Of Monsters and Men bar sigur úr bítum í hinni árlegu tónlistarhátíð og hljómsveitakeppni Músiktilraunir 2010. Sem sigursveit keppninar mun hún, ásamt Vulgate, sem lenti í 2. sæti, og The Assassin of a Beautiful Brunette, sem lenti í 3. sæti, fá sæti í HljóðverssmiðjumKraums í sumar.

Markmiðið með Hljóðverssmiðjunum er að styðja við grasrótina í íslensku tónlistarlífi, miðla reynslu og gefa ungum og upprennandi tónlistarmönnum tækifæri á að taka upp efni sem nýst getur við kynningu (t.a.m. dreifingar á netinu og til útvarpsstöðva) og/eða sem byrjun á upptökum á breiðskífu.

Þetta er í annað sinn sem Kraumur verðlaunar hljómsveitirnar sem lendar í fyrstu þrem sætunum á Músíktilraunum. Í kjölfar Músiktilrauna 2009 var Bróðir Svartúlfs, Ljósvaga og The Vintage boðin þátttaka í Hljóðverssmiðjum 2009 sem fram fóru í Tankinum á Ísafirði þar sem leiðbeinendur voru Mugison (Örn Elías Guðmundsson) tónlistarmaður, Páll Ragnar Pálsson tónlistarmaður með BA í Tónsmíði frá Listaháskóla Íslands og Önundur Hafsteinn Pálsson, tónlistarmaður, upptökumaður og tónlistarkennari á Ísafirði og Flateyri.

Músikiltraunir hefur verið einn helsti vettvangur ungra íslenskra tónlistarmanna til að koma sér og tónlist sinni á framfæri í yfir 25 ár, og hefur samstarf Kraums og Músiktilrauna verið mjög farsælt. Listi hljómsveita og listamanna sem borið hafa sigur úr bítum á Músíktilraunum er langur. Meðal sigurvegara keppninar - sem haldin hefur verið árlega frá 1986 - eru; Greifanir, Kolrassa Krókríðandi/Bellatrix, Maus, Botnleðja, Stjörnukisi, Mínus, XXX Rottweiler, Mammút, Jakobínarína, Agent Fresco og nú síðast Bróðir Svartúlfs.

Kraumur styður við sigurvegara Músíktilrauna 2009 og sveitirnar sem lenda í 2. og 3. sæti með plássi í Hljóðverssmiðjum Kraums og Tanksins á Flateyri [mynd]. Um er að ræða eina vika í hljóðverinu, samtals 70 upptökutíma með hljóðmanni, auk leiðbeininga og kennslu frá reyndari listamamönnum. Gisting innifalin.

Tenglar:
Músíktilraunir - heimasíða
Hljóðverssmiðjur Kraums

Kraumur tónlistarsjóður stendur annað árið í röð fyrir námskeiði og fyrirlestrum fyrir tónlistarmenn, og allt áhugafólk um tónlist, á Aldrei fór ég suður á Ísafirði - rokkhátíð alþýðunnar um páskana.

Tónlistarhátíðin Aldrei fór ég suður fer fram í níunda sinn dagana 1.-4. apríl 2010. Kraumur tónlistarsjóður, í samvinnu við aðstandendur hátíðarinnar, stendur annað í röð fyrir ráðstefnu eða málþingi fyrir tónlistarmenn, sem og allra aðra áhugamenn um íslenska tónlist, á meðan á hátíðinni stendur.

Yfirskrift ráðstefnunnar í fyrra var Hvar er draumurinn? þar sem ýmsir reynsluboltar úr íslensku tónlistarlífi létu gamminn geysa. Fjölbreytt dagskrá varí boði þar sem meðal annars var komið inn á textagerð, hvernig best er að koma sér og tónlist sinni á framfæri - og að sjálfsögðu hvernig á að slá í gegn.

Ráðstefnan var vel sótt, bæði af tónlistarmönnum og tónlistarunnendum, jafnt heimamönnum sem fólki sem annarstaðar af landinu.

Ráðstefnan í ár mun koma inn ýmis viðfangsefni sem íslenskir tónlistarmenn og íslenskt tónlistarlíf er að fást við. Meðal spurninga sem varpað verður fram og unnið nánar með eru;

• Er stafræn útgáfa, fullgild útgáfa?
• Hvernig er landslagið í tónlistarheiminum í dag, er Ísland á kortinu
• Er hægt að lifa af músíkinni einni saman?
• Hver eru áhrif minnkunar opinbers stuðnings til tónlistar?

Násmskeiðin og smiðjurnar fara fram í Edinborgarhúsinu, Bryggjusal. Engin aðgangseyrir. Og boðið upp á frítt kaffi.

Frekari upplýsingar og dagskrá verður birt innan skamms.

Tenglar
Hvar er draumurinn 2009 - Kraumur.is
Heimasíða Aldrei fór ég suður - www.aldrei.is

Vel heppnuð vinnusmiðja um hvernig tónlistarmenn geta komið tónlist sinni á framfæri á netinu haldin á skrifstofu Kraums tónlistarsjóðs í Vonarstræti.

Hópur tónlistamanna sótti vinnusmiðju á vegum Útflutningsráðs íslenskrar tónlistar (ÚTÓN / IMX) um hvernig koma megi sér og tónlist sinni á framfæri á netinu. Hópurinn hefur síðustu vikur sótt námskeið með sama markmiði, sem endaði á þessari smiðju.

Ariel Hyatt fjölmiðlaplöggari frá Cyber PR í New York hafði umsjón með smiðjunni, en hún hefur víðtæka reynslu af markaðssetningu á netinu og hefur á síðustu 13 árum verið fulltrúi yfir 1400 tónlistarmanna.

Vinnusmiðjan fór fram í gær, þriðjudaginn 3. nóvember, í nýju skrifstofurými Kraums og Hönnunarsjóðs Auroru, í kjallaranum að Vonarstræti 4B.

Hlekkir:
Útflutningsskrifstofa íslenskrar tónlistar (ÚTÓN / IMX)
Arial Publicity, Cyber PR
Arial Hyatt music blog
Ariel Hyatt Talks About Her New Book “Music Success in 9 Weeks” (video)

Kraumur fræðir íslenska tónlistarmenn um möguleika markaðssetningar á alþjóðavettvangi og netinu með vinnusmiðjunni ‘A World Without Borders’ og þáttöku í You Are in Control ráðstefnunni.

Ráðstefnan You Are in Control, sem fór fram í Reykjavík dagana 23.-24. september, þóttist takast með eindæmum vel. Þetta er í þriðja sinn sem Útflutningsskrifstofa íslenskrar tónlist (ÚTÓN / IMX) stendur fyrir ráðstefnunni, sem aldrei hefur verið stærri og jafn vel sótt af íslesnkum tónlistarmönnum og hljómsveitum.

Kraumur tónlistarsjóður er samstarfs- og stuðningsaðili You Are in Control og sá um sérstakra vinnusmiðju sem bar heitið ‘A World WIthout Borders’ þar sem íslenskum tónlistarmönnum voru kynntir möguleikar í markaðsetningu á tónlist sinni erlendis, sem og leiðir í stafræni dreifingu og kynningu á tónlist sinni á internetinu.

You are in Control fjallar um nýjungar í stafrænni menningarmiðlun, markaðssetningu og útgáfu í skapandi greinum. Tónlist skipar hvað veigamestan þátt í ráðstefnunni sem í ár samanstóð af fyrirlestrum, panelum og vinnusmiðjum sem fóru fram í mismunandi rýmum á Hótel Nordica.

Meðal fyrirlesara í ár voru Paul Bennett (IDEO Chief Creatives), Gerfried Stocker (Ars Electronica XX ), Guðjón Már Guðjónsson (Ministry Of Ideas), Serena Wilson (Nile On PR) og Remi Harris (Association of Independent Music).

Nokkrir íslenskir tónlistarmenn léku á ráðstefnunni og má þar nefna Ólöfu Arnalds [mynd] og Rökkurró. Óhætt er að mæla með bloggsíðu ráðstefnunnar þar sem má finna myndbönd frá ráðstefnunni, viðtöl og fleira.

Kraumur hefur í ár með ýmsum hætti unnið að því fræða íslenska listamenn um þá möguleika netið býður upp í markaðsetningu og sölu á tónlistar. Internetið var eitt af viðfangsefnunum í Hljóðverssmiðjum Kraums sem haldnar voru á Flateyri og einnig á  námskeiðinu Hvar er draumurinn? á tónlistarhátíðinni Aldrei fór ég suður á Ísafirði. Vinnusmiðjan á You Are in Control er þó stærsta skref Kraums í þessum málaflokki og fyrirhugað að leggja honum enn frekar lið á næstunni.

Hlekkur:
Iceland Music Export - You Are in Control 2009
You Are in Control blogg

Djasskvartetinn Reginfirra, sem tóku þátt í Jazzmiðjum Jazzhátíðar Reykjavíkur og Kraums, í fyrsta sæti á Norðurlandamóti ungra djassara.

Íslendingar urðu í fyrsta sæti í Norrænni keppni ungra djassleikara (Young Nordic Jazz Comets) sem fram fór í Osló þann 12. september. Fulltrúar Íslands í keppnninni voru þeir Ingimar Andersen á saxófón, Kristján Martinsson á hljómborð, Daníel Friðrik Böðvarsson á gítar og Magnús Tryggvason Elíassen á trommu.

Meðlimir sveitarinnar tóku virkan þátt í Jazzsmiðjum Jazzhátíð Reykjavíkur og Kraums. Þeir tóku þátt í keppninni í Osló undir nafninu Kvartett Ingimars Andersens, en ganga öllu jafna undir nafninu Reginfirra.

Hlekkir:
Jazzsmiðjur á Jazzhátíð í Reykjavík
Jazzhátíð í Reykjavík
Jazz-smiðjur á Jazzhátíð í Reykjavík, dagskrá

Kraumur hefur í samvinnu við listamenn og hljómsveitir unnið að, og stutt við, mikinn fjölda tónleika innanlands um allt land í sumar.

Starfsemi Kraums undanfarna mánuði hefur að stórum hluta snúist um stuðning, samstarf og ráðgjöf á sviði tónleikahald innanlands. Innrásin, sérstakt átak Kraums til stuðning tónleikahalds á landsbyggðinni, var sett á laggirnar í fyrra og átakið hélt áfram í ár með fjölda tónleika.

Markmið Innrásarinnar er að auka við möguleika listamanna og hljómsveita til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni. Hér fyrir neðan má sjá yfirlit yfir Innrásar-tónleika ársins.

Rás 2 hefur verið sérstakur samstarfsaðili átaksins og stutt við tónleikana með kynningum og auglýsingum.

Mikil fjölbreytni hefur einkennt tónleikana þar sem listamenn og hljómsveitir hafa komið úr öllum áttum tónlistar. Árið 2008 studdi Kraumur meðal annars við tónleika Elfu Rún Kristinsdóttur, Melkorku Ólafsdóttur, Benna Hemm Hemm, tónlistarhópsins Njútón, Sign, Dr. Spock, Skáta og Bloodgroup. Meðal þeirra sem komið hafa fram á tónleikum í samstarfi og með stuðningi Kraums í vor og sumar eru;

• Mógil
• Árstíðir
• Svavar Knútur
• Árstíðir [á mynd]
• Helgi Valur [á mynd]
• FM Belfast
• Reykjavík!
• Miri
• Swords of Chaos
• Skakkamanage
• Nögl
• Gordon Riots
• Celestine
• Momentum
• Bróðir Svartúlfs
• Ljósvaki
• Fabúla
• Elíza Newman Geirsdóttir
• Þórunn Antónía
• Mysterious Marta
• Pascal Pinon
• Auk fjöldi annarra tónlistarmanna og hljómsveita…

Amiina við sjávarsíðuna

Tónleikasería þar sem aðgangur var ókeypis og leikið var í tveimur vitum, hvalasafni og Bláu kirkjunni á Seyðisfirði. (vísun)

24. júlí - Bláa kirkjan á Seyðisfirði
25. júlí - Dalatangaviti
26. júlí - Hvalasafnið á Húsavík í samstarfi við Mærudaga
27. júlí - Sauðanesviti

———————————

Molestin á Eistnaflugi tónlistarhátíð

Hljómsveitirnar Momentum, Muck, Ask the Slave, Skítur, Myra, Plastic Gods og Celestine leika á tónlistarhátíðinni Eistnaflug á Neskaupsstað 9.-12. júlí með stuðningi Kraums. (vísun)

9.-12. júlí - Eistnaflug, Neskaupsstaður

———————————

Sumargleði Kimi Records

Fram komu hljómsveitirnar Sudden Weather Change, Reykjavík!, Swords of Chaos, Skakkamanage, FM Belfast, Miri, Létt á bárunni, Prins Póló, Hellvar og Björtu. (vísun)

15. júlí - Paddy’s, Keflavík
16. júlí - Pakkhúsið, Höfn á Hornafirði
17. júlí - Herðubreið, Seyðisfirði (LungA listahátíð)
18. júlí - Mikligarður, Vopnafirði
19. júlí - Gamli Baukur, Húsavík
22. júlí - Kaffi 59, Grundarfirði
23. júlí - Edinborgarhúsið, Ísafirði
24. júlí - Café Síróp, Hvammstanga
25. júlí - Sódóma, Reykjavík (ásamt Swords of Chaos)

———————————

Rokk Innrásin

Hljómsveitirnar Nögl, Endless Dark, At Dodge City og Gordon Riots fóru Rokk Innrás um landið dagana 25. júní-4. júlí í samstarfi við og með stuðningi Kraums. Tónleikaferðin heppnaðist það vel að haldið var af stað að nýju og fleiri tónleikum bætt við 9.-18. júlí. Leikið í félagsheimilum, íþróttahúsum, veitingastöðum og börum. (vísun)

25. júní - Dillon, Reykjavík
26. júní - Kaffi 59, Grundarfjörður
27. júní - Gamla íþróttahúsið, Ísafjörður
2. júlí - Paddy’s, Keflavík
3. júlí - Mælifell, Sauðárkrókur
4. júlí - Sláturhúsið, Egilsstaðir
—
9. júlí - Sódóma, Reykjavík
11. júlí - Prófasturinn, Vestmannaeyjar
15. júlí - Molinn, Kólpavogur
16. júlí - Gamli vínbarinn (Hansen), Hafnarfjörður
17. júlí - Lukkuláki, Grindavík
18. júlí - 800 bar, Selfoss

———————————

Mógil á hringferð um landið

Hljómsveitin Mógil, sem vakið hefur verðskuldaða athygli hérlendis sem erlendis fyrir sinn einstaka þjóðlaga-skotna hljóm, lék á fernum tónleikum víðasvegar um landið í samvinnu við og með stuðningi Innrásar-átaks Kraums. (vísun)

27. júní - Sólheimum í Grímsnesi
30. júní - Fríkirkjunni í Reykjavík
1. Júlí - Þjóðlagahátið á Siglufirði
2. júlí - Deiglan á Akureyri

———————————

Hver á sér fegra föðurland

Hljómsveitin Árstíðir og trúbadorarnir Svavar Knútur og Helgi Valur gerðu víðreist um fósturjörðina og komu við í helstu bæjum og sveitum hringinn í kringum landið undir nafninu “Hver á sér fegra föðurland?” (vísun)

25. júní - Hveragerðiskirkja, Hveragerði
26. júní - 800 Bar, Selfossi
27. júní - Stykkishólmskirkja, Stykkishólmi
27. júní - Ólafsvíkurkirkja, Ólafsvík
28. júní - Flateyjarkirkja, Flatey
29. júní - Sjóræningjasafnið á Patreksfirði
30. júní - Tálknafjarðarkirkja, Tálknafirði
1. júlí - Hlaðan í Arnardal við Ísafjarðardjúp
2. júlí - Hólmavíkurkirkja, Hólmavík
3. júlí föstudagur - Félagsheimilið Höfðaborg, Hofsósi
Tónleikar hefjast kl. 20
4. júlí - Siglufjörður (Þjóðlagahátíð)
Hljómsveitirnar heimsækja Siglufjörð og njóta þjóðlagahátíðarinnar þar í bæ.
5. júlí - Félagsheimilið, Grímsey
7. júlí - Gamli baukur, Húsavík
8. júlí - Egilsstaðakirkja, Egilsstöðum
9. júlí - Neskaupstaður (Eistnaflug)
Hljómsveitirnar njóta rokkhátíðarinnar Eistnaflugs á Neskaupstað
10. júlí - Úlfaldi úr Mýflugu, Hlaða í Mývatnssveit
11. júlí - Græni Hatturinn, Akureyri
12. júlí - Café Rósenberg, Reykjavík

———————————

Hljóðverssmiðjur á Flateyri

Hljóðverssmiðjur Kraums í Tankinum á Flateyri í samvinnu við Músíktilraunir, með Mugison og fleiri leiðbeinendum. Þátttakendur eru Bróðir Svartúlfs, Ljósvaki og The Vintage sem skipuðu þrjú efstu sætin á Músíktilraunum 2009, þeir leika óvænt á tónleikum á Flateyri meðan á Smiðjunum stendur. (vísun)

14. júní - Vagninn, Flateyri

———————————

Trúbatrixur á hringerð um landið

Trúbatrixur fagna grósku íslenskra tónlistarkvenna með safndisk og tónleikaferð um landið - í samstarfi við Innrásarverkefni Kraums og Rás 2. Fram koma Fabúla, Elíza Geirsdóttir Newman, Þórunn Antónía, Elín Ey, Mysterious Marta, Pascal Pinon og fleiri. (vísun)

2. júní - Trúbatrix Album Launch @ Café Rósenberg, Reykjavík
3. júní - Kaffi 59, Grundarfjörður
4. júní - Græni Hatturinn,Akureyri
5. júní - Kaffi Sæli, Tálknafjörður
6. júní - Edinborg, Ísafjörður
11. júní -  Draugasetrið, Stokkseyri
12. júní - Pakkhúsið, Höfn í Hornafirði
13. júní - Hótel Aldan, Seyðisfjörður

———————————

Hvar er draumurinn?

Samstarf við tónlistarhátíðina Aldrei fór ég suður. Fjölmargir reynsluboltar úr íslensku tónlistarlífi deildu reynslu sinni á námskeiði Kraums og Aldrei fór ég suður. (vísun)

10-11. apríl - Aldrei fór ég suður, Ísafjörður

———————————

Hlekkir:
Innrásin á Wikipedia
Innrásin á Kraumur.is

Kraumur fræðir íslenska tónlistarmenn um mikilvægi stafrænnar markaðssetningar á netinu.

Kraumur tónlistarsjóður er samstarfs- og stuðningsaðili sérstakrar vinnusmiðju sem miðar að því að kynna fyrir íslenskum tónlistarmenn mikilvægi, möguleika og leiðir í stafræni markaðssetningu á tónlist sinni.

Vinnusmiðjan ber hetiið ‘Digital Presence for Artists - Commercial outlets, Arts and Marketing’ og er hluti af hinnar alþjóðlegu You Are in Control ráðstefnu Útflutningsráðs íslenskrar tónlistar (Iceland Music Export), sem fram fer í Reykjavík dagana 23. og 24. september.

Í ár hefur Kraumur með ýmsum hætti unnið að því fræða íslenska listamenn um þá möguleika netið býður upp í markaðsetningu og sölu á tónlistar, m.a. á Hljóðverssmiðjum Kraums á Flateyri og námskeiðinu Hvar er draumurinn? á tónlistarhátíðinni Aldrei fór ég suður á Ísafirði. Þessi vinnusmiðja er þó stærsta skref Kraums í þessum málaflokki og fyrirhugað er að leggja honum enn frekar lið á næstunni.

Hlekkur:
Iceland Music Export - You Are in Control 2009
Iceland Music Export - Conference Programme

Kraumur er samstarfsaðili að Jazz-smiðjum á Jazzhátíð í Reykjavík, vettvangur ungra jazzlistamanna sem eru við það að hasla sér völl á tónleikasviðinu.

Jazzhátíð fer fram í Reykjavík í tuttugasta sinn nú í ágúst. Í tilefni þess að 20 ár eru liðin frá fyrstu Jazzhátíðinni hefur verið sett saman dagskrá sem nær yfir 20 daga, frá 13. ágúst til 1. september. Gera má ráð fyrir hartnær 50 atburðum sem spanna allt frá einleiksatburðum til stórsveitarkvölda.

Kraumur styður við, og er samstarfaðili að Jazz-smiðjum á hátíðinni, ásamt Listasafns Reykjavíkur og Tónlistarskóla FÍH. Smiðjunni er ætlað að vera vettvangur þeirra ungu jazzlistamanna sem eru við það að hasla sér völl á tónleikasviðinu. Þar njóta þeir leiðsagnar alþjóðlegra listamanna úr fremstu röð.

Jazz-smiðjur á jazzhátíð Reykjavíkur: Dagskrá

Dagur 1-Mánudagur 17. ágúst

• 9.30 Morgunverðarfundur í FíH - Allir
• 10-12 Gerðuberg - Trommuleikarinn Jim Black og Reginfirra vinna saman.
• 10-12 Fíh - Gítarleikarinn Hilmar Jensson og bassaleikarinn John Estes stjórna æfingum tveggja
hljómsveita sem samanstanda af meðlimum kvartetts Leifs og Transkvintett.
• 12-12.30 Tónleikar Reginfirru í Gerðubergi
• 12.30 Hádegismatur í Gerðubergi
• 14-16 Kjarvalsstaðir - Hljómsveitirnar spila hver fyrir aðra og gesti Kjarvalsstaða á meðan Jim Black veitir
tilsögn og stjórnar umræðum.
• 16-17 Jim Black segir frá tónlist sinni.

Dagur 2 -Þriðjudagur 18. ágúst

• 10-12 Gerðuberg - Hilmar Jensson og Kvartett Leifs Gunnarssonar vinna saman.
• 10-12 FÍH - Jim Black og Olivier Manoury stjórna æfingum tveggja hljómsveita sem samanstanda af
meðlimum Reginfirru og Transkvintetts
• 12 Tónleikar Leifs Gunnarssonar og félaga í Gerðubergi
• 12.30 Hádegismatur í Gerðubergi
• 14-16 Kjarvalsstaðir - Hljómsveitirnar spila hver fyrir aðra og gesti Kjarvalsstaða á meðan Hilmar veitir
tilsögn og stjórnar umræðum.
• 16-17 Hilmar Jensson segir frá tónlist sinni

Dagur 3 -Miðvikudagur 19. ágúst

• 10-12 Gerðuberg - Benjamin Koppel og Transkvintett
• 10-12 FÍH - Hilmar Jensson og Jim Black stjórna æfingum tveggja hljómsveita sem samanstanda af
Kvartetti Leifs og Reginfirru.
• 12-12.30 Tónleikar Transkvintetts í Gerðubergi
• 12.30 Hádegismatur í Gerðubergi
• 14-16 Kjarvalsstaðir - Hljómsveitirnar spila hver fyrir aðra og gesti Kjarvalsstaða á meðan Benjamin Koppel
veitir tilsögn og stjórnar umræðum.
• 16-17 Benjamin Koppel segir frá tónlist sinni.
• 18 Hljóðprufa á Rósenberg
• 19 Matur og umræður um námsskeiðið á Rósenberg.
• 21 Tónleikar á Rósenberg

Hlekkir:
Jazzhátíð í Reykjavík
Jazz-smiðjur á Jazzhátíð í Reykjavík, dagskrá

Kraumur styður tónlistarhátíð unga fólksins sem haldin verður í annað sinn dagana 4.-16. ágúst í Tónlistarskóla Kópavogs, Molanum Salnum í Kópavog.

Tónlistarhátíð unga fólksins verður haldin verður í annað skipti 4.-16.ágúst næstkomandi. Hátíðin var haldin í fyrsta skipti á síðasta ári í Salnum í Kópavogi, Tónlistarskóla Kópavogs og Molanum. Markmið hátíðarinnar er að skapa vettvang þar sem tónlistarnemendur á hinum ýmsu stigum náms geta komið saman og lært af frábærum listamönnum.

Hátíðin er tvískipt. Annars vegar eru námskeið fyrir tónlistarnema á öllum aldri og hins vegar er tónleikaröð í Salnum í Kópavogi. Á tónleikunum koma fram listamenn á heimsmælikvarða frá hinum ýmsu löndum t.d. Víkingur Heiðar Ólafsson píanóleikari og Michael Rauter sellóleikari. Tímasetning námskeiðanna er engin tilviljun. Þessum tveimur seinustu vikum er ætlað að verða nemendum sem vítamínsprauta í byrjun skólaárs og gefa þeim tækifæri til að vinna hérlendis með framúrskarandi tónlistarfólki.

Tónlistarhátíðin vakti mikla athyggli í fyrra og sótti mikill fjöldi fólks tónleikana og námskeiðin. Í ár hafa nú þegar 80 manns skráð sig á námskeið og munu yfir 100 tónlistarmenn koma fram á vegum hátíðarinnar. Búist er við fjölda fólks á tónleikana í Salnum sem eru sjö talsins.

Kraumur styður við Tónlistarhátíð unga fólksins.

Hlekkir
Tónlistarhátíð unga fólksins - heimasíða
Tónlistarhátíð unga fólksins - salurinn.is

Hljóðverssmiðjur Kraums haldnar í fyrsta sinn á Flateyri.

Hljóðverssmiðjur Kraums voru haldnar í hljóðverinu Tankinum á Flateyri dagana 11.-18. júní. Mikil ánægja var með hvernig til tókst, bæði meðal þátttakenda sem og þeirra sem tóku að sér kennslu að vinna með hljómsveitunum.

Nokkur lög voru kláruð í hljóðverinu og vel heppnað námskeið um upptökur, lagasmíðar og fyrstu skrefin í tónlistarbransanum haldið. Óvæntir tónleikar voru svo haldnir á Flateyri meðal listamannanna laugardagskvöldið 13. júní.

Hljómveitirnar sem tóku þátt í smiðjunum voru Bróðir Svartúlfs [mynd], Ljósvaki og The Vintage - sem skipuðu þrjú efstu sætin á Músíktilraunum 2009, en meðal verðlauna á Músíktilraunum í ár var þáttaka í smiðjunum.

Leiðbeinendur voru Mugison (Örn Elías Guðmundsson) tónlistarmaður, Páll Ragnar Pálsson tónlistarmaður með BA í Tónsmíði frá Listaháskóla Íslands og er að ljúka mastersnámi í vor frá Estonian Academi of Music og Tanks-foringinn Önundur Hafsteinn Pálsson, tónlistarmaður, upptökumaður og tónlistarkennari á Ísafirði og Flateyri.

Markmiðið með Hljóðverssmiðjum Kraums er að styðja við grasrótina í íslensku tónlistarlífi, miðla reynslu og gefa hljómsveitunum tækifæri á að taka upp efni sem nýst gæti við kynningu á sér og sinni tónlist. Í smiðjunum gefst jafnframt tækifæri til að semja ný lög og vinna saman.

Kraumur tónlistarsjóður stendur fyrir Hljóðverssmiðjum í upptökuverinu Tankinum við Önundafjörð á Flateyri, dagana 11.-18. júní.

Í dag, fimmtudaginn 11. júní, hefjast Hljóðverssmiðjur Kraums í Tankinum á Flateyri. Hljómsveitirnar sem taka þátt í smiðjunum eru Bróðir Svartúlfs [mynd], Ljósvaki og The Vintage - sem skipuðu þrjú efstu sætin á Músíktilraunum 2009. Meðal verðlauna á Músíktilraunum í ár var þáttaka í smiðjunum.

Markmiðið með Hljóðverssmiðjum Kraums er að styðja við grasrótina í íslensku tónlistarlífi, miðla reynslu og gefa hljómsveitunum tækifæri á að taka upp efni sem nýst gæti við kynningu á sér og sinni tónlist. Upptökurnar nýta hljómsveitirnar eftir hentugleika, t.a.m. til dreifingar á netinu eða til útvarpsstöðva, eða sem byrjun fyrir sína fyrstu breiðskífu. Í smiðjunum gefst jafnframt tækifæri til að semja ný lög og vinna saman

Leiðbeinendur á smiðjunum eru; Mugison (Örn Elías Guðmundsson) tónlistarmaður sem hefur víðtæka reynslu af vinnu í hljóðverum, Páll Ragar Pálsson sem er þekktur úr rokkinu sem gítarleikari Maus, er með BA í Tónsmíði frá Listaháskóla Íslands og er að ljúka mastersnámi í vor frá Estonian Academi of Music og Önundur Hafsteinn Pálsson, slagverskleikari, upptökumaður, tónlistarkennari á Ísafirði og Flateyri og frumkvöðull við að koma hljópðverinu Tankinum á laggirnar á Flateyri.

Tankurinn var reistur árið 1925 til geymslu á lýsi en var breytt í atvinnuhúsnæði árið 1980. Ýmis starfsemi hefur verið í Tankinum síðan þá, m.a. bátasmiðja, trésmíðaverkstæði og nú síðast beitningaraðstaða. Eftir miklar endurbætur var aðstaðan orðin boðleg til að taka upp tónlist. Múgsefjun var fyrsta hljómsveitin til að taka upp í Tankinum vorið 2007, en breiðskífa þeirra ‘Skiptar skoðanir’ er að fullu tekin upp í hljóðverinu. Síðan hafa ýmsir listamenn tekið upp í Tankinum og franska hljómsveitin Klezmer Chaos tók þar upp um páskana.

Fjölmargir reynsluboltar úr íslensku tónlistarlífi deildu reynslu sinni á námskeiði Kraums og Aldrei fór ég suður.

Rúmlega 60 tónlistarmenn, frá Vestfjörðum sem og annarstaðar af landinu, tóku þátt í vel heppnuðu námskeiði og pallborðsumræðum Kraums og Aldrei fór ég suður, Hvar er draumurinn?, sem fram fór í Edinborgarhúsinu á Ísafirði þann 10. apríl. Markmiðið var m.a. að miðla reynslu, styðja tónlistarlíf á Vestfjörðum og aðstoða unga og upprennandi listamenn við tónlistarferil sinn.

Fjölbreytt dagskrá var í boði sem kom inn á íslenska textagerð, sjálfbæra tónlistarþróun og hvernig best er að koma sér og tónlist sinni á framfæri. Námskeiðin voru öllum opin og engin aðgangseyrir.

Meðal þátttakenda voru Örn Elías Guðmundsson (Mugison), Óttar Proppé (Dr. Spock), Árni Rúnar Hlöðversson (FM Belfast), Katrín Mogensen (Mammút), Gunnar Örn Tynes og Örvar Þóreyjarson Smárason (múm). Kristján ‘Krissi Rokk’ Freyr Halldórsson sá um fundarstjórn og stóð sig með miklum sóma.

Kraumur þakkar aðstandendum Aldrei fór ég suður, Kristjáni Frey og öllum sem lögðu hönd á plóg kærlega fyrir samstarfið.

Kraumur og Aldrei fór ég suður með námskeið og pallborðsumræður á Ísafirði þann 10. apríl. Öllum opin. Engin aðgangseyrir.

Kraumur tónlistarsjóður og aðstandendur Aldrei fór ég suður standa fyrir námskeiðum fyrir tónlistarmenn, sem og aðra áhugamenn um íslenska tónlist, á meðan á tónlistarhátíðinni Aldrei fór ég suður stendur á Ísafiriði.

Fjölmargir reynsluboltar úr íslensku tónlistarlífi munu þar taka þátt og deila reynslu sinni með ungum og upprennandi listamönnum frá Vestfjörðum sem og annarstaðar af landinu. Má þar nefna Mugison, Óttar Proppé úr Dr. Spock, Árna Rúnar Hlöðversson úr FM Belfast, Katrín Mogensen úr Mammút og Gunnar Örn Tynes og Örvar Þóreyjarson Smárason úr múm.

Fjölbreytt dagskrá verður í boði sem meðal annars kemur inn á textagerð, hvernig best er að koma sér og tónlist sinni á framfæri - og að sjálfsögðu hvernig á að slá í gegn. Násmskeiðin og smiðjurnar fara fram í Edinborgarhúsinu, Bryggjusal föstudaginn 10. apríl, 11:00-17:00, og eru öllum opnar. Engin aðgangseyrir. Og boðið upp á frítt kaffi.

DAGSKRÁ:

Birt með fyrirvara um breytingar.

Gerðu það sjálfur, sjálfbær tónlistarþróun

Hvernig er best að skipuleggja sig og sinn vinnutíma í tónlist?

• Jóhann Fr. Jóhannsson (701)
• Árna Rúnar Hlöðversson (FM Belfast)
• Gunnar Örn Tynes (múm)
• Örn Elías Guðmundsson (Mugison)

Bölmóðssýki og brestir, eltir lagið textann eða er það öfugt?

Hversu mikilvægur er textinn, þarftu að segja eitthvað með honum, er nóg að hugsa á íslensku? Textagerð frá öllum ýmsum sjónarhornu.

• Örvar Þóreyjarson Smárason (múm)
• Óttarr Proppé (Dr. Spock)
• Þröstur Jóhannesson (Þröstur og þúfutittlingarnir)
• Katrín Mogensen (Mammút)

Hvar er draumurinn? Hverjar eru væntingarnar í tónlistarsköpun?

Hvar er draumalandið, hvers vegna að skapa tónlist? Rætt gagnvirkt um tónlistariðnaðinn og væntingar tónlistarmanna.

• Logi Höskuldsson (Sudden weather change)
• Eygló (Vicky)
• Arnór Dan (Agent Fresco)
• Benjamín Bent (Klikkhausarnir)

Slá í gegn, hvernig siglir maður á móti straumnum í bransanum?

Hvernig stígur maður næstu skref, í hvaða átt á að stefna? Hvernig á að bera sig að í að styrkja ferilinn og rækta?

• Fulltrúi Dikta (Dikta)
• Gís Von Ice (Umboðsmaður)
• Haukur Sigurbjörn (Reykjavík!)
• Sigurlaug Gísladóttir (Mr. Silla / múm)

Samantekt, leystum við lífsgátuna, sömdum við lag, hver var tilgangurinn?

Fundarstjóri dregur saman helstu atriðin og mækinn verður opinn!

• Kristján Freyr Halldórsson heldur utan um samantekinga og í samvinnu við ráðstefnugesti tekur saman helstu atriði sem komu fram.

Frekari upplýsingar veita: www.aldrei.is

Kraumur verðlaunar hljómsveitirnar sem lenda í fyrstu þrem sætunum á Músíktilraunum 2009 með plássi í Hljóðverssmiðjum Kraums og Tanksins á Flateyri.

Hljómsveitakeppnin og tónlistarhátíðin Músíktilraunir hefur verið einn helsti vettvangur ungra íslenskra tónlistarmanna til að koma sér og tónlist sinni á framfæri í yfir 25 ár. Listi hljómsveita og listamanna sem stigið hafa á svið á þessum árlega tónlistarviðburði er langur, en meðal sigurvegara síðustu ára eru hljómsveitirnar Jakobínarína, Mammút og Agent Fresco.

Kraumur styður við sigurvegara Músíktilrauna 2009 og sveitirnar sem lenda í 2. og 3. sæti með plássi í Hljóðverssmiðjum Kraums og Tanksins á Flateyri [mynd]. Um er að ræða eina vika í hljóðverinu, samtals 70 upptökutíma með hljóðmanni, auk leiðbeininga og kennslu frá reyndari listamamönnum. Gisting innifalin.

Markmiðið með hljóðverssmiðjunum er að styðja við grasrótina í íslensku tónlistarlífi, miðla reynslu og gefa þeim tækifæri á að taka upp efni sem nýst gæti hljómsveitinni við kynningu, t.a.m. dreifingar á netinu og til útvarpsstöðva, og/eða sem byrjun á upptökum á breiðskífu.

Undankvöld Músíktilrauna fara fram í Íslensku Óperunni, Ingólfsstræti 2a, 101 Rvk. Undankvöldin verða á eftirfarandi dögum: 27.mars, 28.mars, 29.mars og 30.mars og hefjast öll kl. 19.00.

Úrslitakvöldið verður haldið laugardaginn 4.apríl í Listasafni Reykjavíkur, og opnar húsið kl 17. Rás 2 mun vera með beina útsendingu frá kvöldinu. Miðasala er hafin í Hinu Húsinu,Pósthússtræti 3-5. Aðgangseyrir er 1000 kr.

Vefur Músíktilrauna: www.musiktilraunir.is
Vefur Tanksins: www.tankurinn.com

Víkingur Heiðars Ólafsson, píanóleikari, og Árni Heimir Ingólfsson, tónlistarfræðingur, kynna framhaldsskólanemum fyrir heim klassískrar tónlistar.

Víkingur Heiðar og Árni Heimir heimsóttu framhaldsskóla höfuðborgarsvæðisins í annað sinn í síðasta mánuði og fluttu tónlistarkynningu sína í fjórum skólum daganna 17.-20. febrúar. Í skólunum hafa þeir kynnt fyrir hlustendum heim klassískrar tónlistar með tónleikum og kynningu sem samanstendur af spjalli um tónskálind og verk þeirra.

Dagskráin var vel sótt í öllum fjórum skólunum, en þeir að þessu sinni voru heimsóttir; Flensborg, Menntaskólinn í Hamrahlíð, Kvennaskólinn í Reykjavík (dagskrá fór fram í Listasafni Íslands) og Menntaskólinn í Reykjavík (dagskrá fór fram í Háskólabíó).

“Þetta gekk frábærlega og ég hef nú þegar heyrt af afspurn að þetta hafi vakið mikla lukku, m.a. frá nemendum og kennurum” segir Víkingur Heiðar um dagskránna og viðtökurnar við henni. “Ég gæti ekki verið ánægðari og ég vona að við getum haldið áfram með slík verkefni í einhverjum farvegi á komandi misserum.”

Þetta í annað sinn sem Víkingur og Árni heimsækja framhaldsskóla á höfuðborgarsvæðinu, en í nóvember var húsfyllir á dagskrá þeirra í Flensborg, Menntaskólinn við Hamrahlíð, Menntaskólanum í Reykjavík (dagskrá í Háskólabíó), Háskólanum í Reykjavík (dagskrá í Borgarleikhúsinu) og Háskóla Íslands. Þá var boðið upp á kynningu á verkum 19. aldarinnar - en að þessu sinni snérist efnisskráin um tónlist 20. aldarinnar.

Eftir kynningarnar í nóvember sagði Víkingur í samtali við Fréttablaðið; “Oft setur fólk sig í sérstakar stellingar þegar það hugsar um klassískar listir. Við reynum að losa þessar stellingar og vekja athygli á því að best sé að upplifa tónlistina á sínum eigin forsendum. Það hefur gengið vel og orkan úr salnum er mjög góð.”

Dagskráin er styrkt af Kraumi, en Víkingur og Árni voru með þeim fyrstu til að hljóta stuðning frá tónlistarsjóðnum vorið 2008.

Víkingur Heiðar Ólafsson, píanóleikari, og Árni Heimir Ingólfsson, tónlistarfræðingur, kynna heim klassískrar tónlistar í framhalds- og háskólum á höfuðborgarsvæðinu í febrúar.

Skólarnir sem heimsóttir verða eru; Flensborg í Hafnarfirði, Menntaskólinn við Hamrahlíð, Menntaskólinn í Reykjavík, Háskólinn í Reykjavík og Háskóli Íslands. Tilkynnt verður um staðfesta dagskrá og dagsetningar á næstunni.

Þetta er í annað sinn sem Víkingur Heiðar og Árni Heimir heimsækja skóla með tónlistarkynningu, en húsfyllir var á dagskrá þeirra í nóvember. Þá var á ferð önnur efniskrá, en að þessu sinni snýst kynningin um tónlist 20. aldarinnar: Bartók, Stravinskí og Ligeti.

Dagskráin er styrkt af Kraumi, en Víkingur og Árni voru með þeim fyrstu til að hljóta stuðning frá tónlistarsjóðnum í vor. Stuðningur Kraums hefur gert Víkingi og Árna kleift að vinna að tónleikakynningunni og bjóða skólunum og nemendum upp á hana.

Húsfyllir hefur verið á dagskrá Víking Heiðars Ólafssonar, píanóleikara, og Árna Heimis Ingólfssonar, tónlistarfræðings, sem síðustu daga hafa heimsótt fimm framhalds- og háskóla á höfuðborgarsæðinu.

Í skólunum hafa þeir kynnt fyrir hlustendum heim klassískrar tónlistar með tónleikum og kynningu sem samanstendur af spjalli um tónskálind og verk þeirra. Dagskráin er styrkt af Kraumi, en Víkingur og Árni voru með þeim fyrstu til að hljóta stuðning frá tónlistarsjóðnum í vor.

Skólarnir sem tóku þátt í dagskránni, sem og nemendur þeirra, hafa tekið framtakinu frábærlega. “Viðtökur voru framar öllum vonum og nemendur jafnt sem skólastjórnendur létu í ljós mikla og almenna ánægju með framtakið” segir Árni Heimir. Skólarnir sem um ræðir eru; Flensborg, Menntaskólinn við Hamrahlíð, Menntaskólinn í Reykjavík (dagskrá fór fram í Háskólabíói), Háskólinn í Reykjavík (dagskrá fram í Borgarleikhúsinu) og Háskóli Íslands.

“Oft setur fólk sig í sérstakar stellingar þegar það hugsar um klassískar listir” segir Víkingur Heiðar í samtali við Fréttablaðið. “Við reynum að losa þessar stellingar og vekja athygli á því að best sé að upplifa tónlistina á sínum eigin forsendum. Það hefur gengið vel og orkan úr salnum er mjög góð.”

Framhald verður á tónleikakynningunni á næsta ári, að öllum líkindum í febrúar. Þá verði sömu skólar heimsóttir, en með aðra efnisskrá sem snýst um tónlist 20. aldarinnar.

Fyrstu verkefni Kraums sem og stuðningur hins nýja sjóðs við tónlistarmenn og hljómsveitir voru kynnt síðdegis í dag, 1. apríl, í æfingahúsnæði nokkurra hljómsveita að Smiðjustíg 4B.

Kraumur, nýr sjálfstætt starfandi sjóður og starfsemi sem hefur það að markmiði að efla íslenskt tónlistarlíf, hefur kynnt sín fyrstu verkefni og stuðning við unga íslenska tónlistarmenn og hljómsveitir. Á yfirstandandi starfsári mun Kraumur meðal annars greiða leið tónlistarmanna til tónleikahalds á landsbyggðinni, sem og styðja við metnaðarfull verkefni tónlistarmanna með beinum hætti.

Stærstu framlög Kraums til listamanna að þessu sinni fara í stuðning við Mugison, Víking Heiðar Ólafssona og Amiinu og metnaðarfull verkefni þeirra á árinu. Tónlistarmennirnir Elfa Rún Kristinsdóttir og Ólöf Arnalds og hljómsveitirnar Dikta, FM Belfast, Celestine og Skakkamanage (sem er ein þeirra sveita sem hafa æfingaðstöðu á Smiðjustíg 4B) hljóta jafnramt fjárhagsstuðning og ráðgjöf í tengslum við gerð nýrra hljómplatna á árinu.

Eldar Ástþórsson, framkvæmdarstjóri Kraums, kynnti einnig til leiks þrjú eigin verkefni Kraums sem sjóðurinn mun vinna að á yfirstandandi starfsári; Innrásina – sem hefur það að markmiði að auðvelda ungu tónlistarfólki tónleikahald á landsbyggðinni, Hljóðverssmiðjur til að efla grasrótina og gefa hljómsveitum og listamönnum færi á að taka upp sín fyrstu lög undir ráðgjöf reyndari listamanna og Kraumsverðlaunin til stuðnings plötuútgáfu og auka tækifæri listamanna kringum útgáfu á tónlist sinni.

Meðal viðstaddra við athöfnina voru Þorgerður Katrín Gunnarsdóttir mennamálaráðherra, sem talaði um mikilvægi stuðnings við íslenskt tónlistarlíf, Þórunn Sigurðardóttir, formaður stjórnar Kraums og stjórnarmaður í Auroru velgerðarsjóði, sem gerði grein fyrir markmiðum sjóðsins og Eldar Ástþórsson, framkvæmdarstjóri Kraums, sem kynnti fyrstu verkefni hans og stuðning. Einnig voru viðstödd hjónin Ingibjörg Kristjánsdóttur landslagsarkitekt og Ólafur Ólafsson stjórnarformaður Samskipa, en stofnun Kraums byggir á samþykkt stjórnar velgerðasjóð þeirra Auroru, sem fjármagnar starfsemi Kraums.

Kraumur er nýr sjálfstætt starfandi sjóður sem settur var á laggirnar í upphafi árs af Aurora velgerðasjóði. Sjóðurinn og starfsemi hans hefur það meginhlutverk að efla íslenskt tónlistarlíf, fyrst og fremst með stuðningi við unga listamenn, auðvelda þeim að vinna að listsköpun sinni og koma verkum sínum á framfæri innanlands sem utan.

Kraumur - tónlistarsjóður er þriggja ára tilraunaverkefni sem stofnaður var í ársbyrjun og samkvæmt núverandi áætlun lýkur í lok árs 2010. Aurora lagði nýja sjóðnum til 20 milljónir króna árið 2008, 15 milljónir króna 2009 og aftur 15 milljónir króna 2010 eða alls 50 milljónir króna.

Beinn stuðningur við listamenn

Kraumur styður eftirfarandi listamenn til góðra verka á árinu. Stuðningur er í formi fjárhagslegs styrks ásamt tilheyrandi ráðgjöf og aðstoð þar sem því er komið við. Framkvæmdastjóri Kraums er listamönnum til halds og trausts og annast tengsl sjóðsins við samstarfsaðila og fylgir því eftir að markmiðum samstarfs og stuðnings sé náð.

Mugison
Tónleikahald og útrás á erlendum vettvangi
Örn Elías Guðmundsson, Mugison, uppskar laun erfiðisins með útgáfu á meistaraverkinu Mugiboogie í fyrra. Hljómplatan toppaði bæði sölulista og árslista tónlistarspekúlanta hérlendis, og nú hyggur meistari Mugison á frekari landvinninga með púkann. Útgáfa er fyrirhuguðu í Evrópu og Norður-Ameríku í vor, þar sem tónleikhald gegnir lykilhlutverki í kynningu. Kraumur mun styðja við Mugison og útrás hans með myndarlegum hætti.

Í tengslum við útgáfu á Moogiboogie á alþjóðlegum vettvangi hyggur Mugison á tónleika víðsvegar á Norðurlöndunum (m.a. Hróaskelduhátíðinni), Þýskalandi, Frakkland, Ítalíu og víðar í Evrópu, Bandaríkin og Kanada (tónleikaferð með Queens of the Stone Age). Stuðningur miðast við að gera tónleikana mögulega með beinum stuðningi við Mugison og hljómsveit hans. Meðlimir í hljómsveit Mugison eru; Arnar Gíslasson trommur, Guðni Finnson bassi, Pétur Þór Ben gítar og Davíð Þór Jónsson hammond/píanó.
Upphæð: 4.000.000,- kr

Víkingur Heiðar Ólafsson
Tónleikahald, kennsla og kynning í framhaldsskólum
Víkingur Heiðar er að ljúka framhaldsnámi við Julliard tónlistarháskólann og hefur hlotið einstaka dóma fyrir leik sinn. Stuðningurinn við tónlistarferil Víking Heiðars miðar jafnframt að því að gefa framhaldsskólanemum tækifæri á að kynnast og komast í tæri við tónlistarfluttning hans. Gert er ráð fyrir nokkrum tónleikum og samstarfi við framhaldsskóla um framkvæmd þeirra - en að öðru leyti er stuðningur Kraums við Víking og meðleikara meginstoð verkefnisins. Auk þess sem Víkingur leikur á píanóið mun Árni Heimir Ingólfsson, tónlistarfræðingur og tónlistarstjóri Sinfóníuhljómsveitar Íslands, útskýra verkin og opna nemendum leiðir að því að njóta klassískrar tónlistar.
Upphæð: 1.500.000,- kr

Amiina
Tónleikahald á landsbyggðinni
Það eru spennandi tímar framundan hjá Amiinu. Eftir að hafa gefið út sína fyrstu hljómplötu, hina einstöku Kurrr, bæði hérlendis og á alþjóðavettvangi í fyrra, tekur nú við áframhaldandi vinna og kynning á plötunni, gerð kvikmyndatónlistar fyrir myndir John Crowley og Kit Hui og tónleikaferðir með Sigur Rós. Telja má tónleika Amiinu hérlendis á fingrum annarar handar. Breyting verður á því í ár, því með stuðningi Kraums er sveitinni m.a. gert kleift að gera að veruleika áætlanir sínar um tónleikaferð um Ísland. Amiina eru; Hildur Ársælsdóttir, Edda Rún Ólafsdóttir, Maria Huld Markan Sigfúsdóttir og Sólrún Sumarliðadóttir.
Upphæð: 1.200.000,- kr

Celestine / Dikta / Elfa Rún Kristinsdóttir
/ FM Belfast / Skakkamanage / Ólöf Arnalds
Framkvæmda- og vinnustuðningur tengd hljómplötugerð
Þrátt fyrir að tilheyra ólíkum tónlistarstefnum og straumum eiga þessir tónlistarmenn og hljómsveitir það sameiginlegt að vera vinna að nýjum hljómplötum í ár. Á meðan Celestine, Dikta, Skakkamanage og Ólöf Arnalds eru með sína aðra plötu smíðum eru Elfa Rún Kristinsdóttir og FM Belfast að vinna að sínum fyrstu hljómplötum. Það er von Kraums að þessi stuðningur nýtist viðkomandi listamönnum vel við þá vinnu sem fylgir lagasmíðum, æfingum og upptökum. Auk fjárframlags verður listamönnunum veitt stuðningur í formi ráðgjar og samvinnu þar sem því verður komið við. Ekki loku skotið fyrir áframhaldandi samstarf við þessa listamenn á næsta ári.
Upphæð: 500.000,- kr hver hljómsveit / listamaður (samtals 3.000.000)

Kraumsverkefni

Eigin verkefni Kraums:

Innrásin – Tónleikastuðningur Kraums
Verkefnið miðar að því að ýta undir og efla tónleikahald á landsbyggðinni og öfugt. Hugmyndin að baki þessu starfi er m.a. sú staðreynd að stundum virðist auðveldara fyrir listamenn og hljómsveitir að spila erlendis, en hérlendis – t.a.m. í Kaupmannahöfn frekar en á Egilstöðum. Lítill stuðningur er í dag við þá sem vilja reyna fyrir sér með tónleikhald á landsbyggðinni. Markmiðið með Innrásinni er að brúa þetta bil – og auka við fjölbreytni og möguleika ungra listamanna til tónleikahalds. Stuðningurinn verður í formi æfingastyrkja, ferða- og græjustuðnings.  Jafnframt verður stefnt á að búa til gagnagrunn yfir tengiliði sem nýst geta listamönnum við skipulagningu tónleika úti á landi. Markmiðið er stuðningur við tónlistarlíf í landinu og við listamennina beint með því að auka við tækifæri þeirra við útbreiðslu listar sinnar, fjölbreytni í tónleikahaldi og tekjumöguleikum.

Hljóðverssmiðjur
Stuðningur við grasrótina. Upprennandi listamönnum gert kleift að komast í stúdíó með faglegri upptökustjórn og ráðgjöf reyndari listamanna. Framkvæmd er þannig háttað að listamanni/hljómsveit er gefið tækifæri á þátttöku og veru í stúdíó í tiltekin tíma. Hugmyndir eru uppi að upptökuferlið fari fram á landsbyggðinni. Afraksturinn yrði fullklárað efni sem listamaðurinn á sjálfur og getur nýtt eftir hentugleika, t.d. til útgáfu (t.d. á netinu), nýtt kynningarskyni eða dreift á útvarpsstöðvar.

Kraumsverðlaunin
Það er gamall og góður siður að velja bestu plötur ársins. Með Kraumsverðlaununum er þessi leið farin, en með það að markmiði að styðja við útgáfur ungra íslenskra hljómsveita og listamanna og auka við möguleika þeirra í kjölfar útgáfunnar. Hvernig? Kraumur mun skuldbinda sig til að versla 100 stk af öllum plötum sem útnefndar verða til verðlaunana (sem því miður er í sumum tilvikum hátt hlutfall heildarsölu). Þessi eintök mun sjóðurinn sjá um að senda út og dreifa á starfsmenn tónlistarbransans erlendis eins og tónlistarhátíðir, umboðsskrifstofur, plötuútgáfur o.s.frv. Með þessu er verið að auka við möguleika viðkomandi listamanns á alþjóðavettvangi. Verðlaunin munu ná til allrar tegundir tónlist, en hafa það að markmiði að verðlauna það sem er nýtt og spennandi í íslenskri tónlist.