Kraumur óskar sigurvegurum Músíktilrauna 2012 til hamingju. Sigurvegararnir hafa tryggt sér sæti í Hljóðverssmiðju Kraums fyrir árið í ár.

1. sæti : RetRoBot
2. sæti : Þoka
3. sæti: Funk that Shit!

White Signal úr Reykjavík var svo valin hljómsveit fólksins.

Einnig voru veitt verðlaun fyrir hljóðfæraleik og söng. Reynir Snær Magnússon úr Funk that Shit! var valinn efnilegasti gítarleikari, Guðmundur Ingi Halldórsson úr Funk that Shit! efnilegasti bassaleikari, Heimir Klemenzson úr Þoku var kosinn efnilegasti hljómborðsleikari, Daði Freyr Pétursson úr RetRoBot var valinn rafheili Músíktilrauna 2012, Sólrún Mjöll Kjartansdóttir úr White Signal sem efnilegasti trommuleikari og Agnes Björgvinsdóttir úr Þoku sem efnilegasti söngvari Músíktilrauna. Það var svo Lena Mist Skaptadóttir úr Ásjón fékk viðurkenningu fyrir texta á íslensku.

Samstarf Kraums og Músíktilrauna er mjög farsælt og er þetta í fjórða sinn sem Kraumur verðlaunar sigur sveitir tilraunanna með handleiðslu í Hljóðverssmiðjum. Markmiðið með Hljóðverssmiðjunum er að styðja við grasrótina í íslensku tónlistarlífi, miðla reynslu og gefa ungum og upprennandi tónlistarmönnum tækifæri á að taka upp nýtt efni og læra að nýta þá mörgu möguleika sem gott hljóðver hefur upp á að bjóða.

Úrslitakvöld Músíktilrauna 2012 var haldið í Austurbæ. Rás 2 útvarpaði beint frá kvöldinu og allir landsmenn fengu tækifæri til að fylgjast með og kjósa í beinni símakosningu um hljómsveit fólksins. Verðlaun voru veitt fyrir 1.2. og 3. sæti, hljómsveit fólksins og einstaklingsverðlaun fyrir söngvara og hljóðfæraleikara Músíktilrauna 2012, einnig eru veitt ný verðlaun sem bera heitið rafheili Músíktilrauna. Fjölbreytni í tónlistarstefnum var mikil þetta kvöld og alls kepptu 10 bönd til úrslita í ár: White Signal, Icarus, The Lovely Lion, The Young and Carefree, Funk that Shit!, RetRobot, Aeterna, Glundroði, Þoka og Hindurvættir.

Árið 2009 fóru Hljóðverssmiðjur fyrst fram í Tankinum á Flateyri en síðan hafa þær verið haldnar í hljóðverinu Sundlaugin í Mosfellsbæ, en fjölmargir þekktir listamenn hafa unnið í hljóðverinu og má þar nefna Sigur Rós, Pétur Ben, Ólöf Arnalds, amiinu og Mugison.

Lost með RetRoBot

Músíktilraunir - heimasíða

Hljóðverssmiðjur Kraums

Ljósmynd: Brynjar Gunnarsson

Kraumur tónlistarsjóður verðlaunar sigursveitir Músíktilrauna 2011 með sæti í Hljóðverssmiðjum.

Kraumur óskar hljómsveitinni Samaris til hamingju með sigur í hinni árlegu tónlistarhátíð og hljómsveitakeppni Músíktilraunum. Með sigrinum hefur sveitin, ásamt hljómsveitunum Súr og The Wicked Strangers sem lentu í 2. og 3. sæti, tryggt sér sæti í Hljóðverssmiðju Kraums fyrir árið í ár.

Músikiltraunir hefur verið einn helsti vettvangur ungra íslenskra tónlistarmanna til að koma sér og tónlist sinni á framfæri í yfir 25 ár, og hefur samstarf Kraums og Músiktilrauna verið mjög farsælt. Listi hljómsveita og listamanna sem borið hafa sigur úr bítum á Músíktilraunum er langur. Meðal sigurvegara keppninar - sem haldin hefur verið árlega frá 1986 - eru; Greifanir, Kolrassa Krókríðandi/Bellatrix, Maus, Botnleðja, Stjörnukisi, Mínus, XXX Rottweiler, Mammút, Jakobínarína, Agent Fresco og nú síðast Of Monsters and Men sem léku á úrslitakvöldi Músíktilrauna í ár.

Úrlslitakvöld Músíktilrauna 2011 fór fram í Íslensku óperunni. Fólkið valdi Hljómsveit fólksins í símakosningu sveitina Primavera. Verðlaun fyrir íslenska textagerð hlaut hljómsveitin Askur Yggdrasils. Einstaklingsverðlaun þetta árið voru gítarleikari Músíktilrauna - Hafsteinn Þráinsson úr Postartica. Bassaleikari Músíktilrauna - Alexander Örn Númason úr Postartica. Hljómborðsleikari/Forritari músíktilrauna - Þórður Kári Steinþórsson úr Samaris. Trommuleikari Músíktilrauna - Jósep Helgason úr The Wicked Strangers. Söngvari Músíktilrauna - Gunnar Guðni Harðarson úr The Wicked Strangers.

Markmiðið með Hljóðverssmiðjunum er að styðja við grasrótina í íslensku tónlistarlífi, miðla reynslu og gefa ungum og upprennandi tónlistarmönnum tækifæri á að taka upp efni sem nýst getur við kynningu, t.a.m. dreifingar á netinu og til útvarpsstöðva, og sem byrjun á upptökum á breiðskífu.

Þetta er í þriðja sinn sem Kraumur verðlaunar hljómsveitirnar sem lendar í fyrstu þrem sætunum á Músíktilraunum. Í kjölfar Músiktilrauna 2009 voru hljómsveitunum Bróðir Svartúlfs (#1 Músíktilraunir 2009), Ljósvaka (#2) og The Vintage (#3) boðin þátttaka í Hljóðverssmiðjum 2009 sem fram fóru í Tankinum á Ísafirði þar sem leiðbeinendur voru Mugison (Örn Elías Guðmundsson) tónlistarmaður, Páll Ragnar Pálsson tónlistarmaður með BA í Tónsmíði frá Listaháskóla Íslands og Önundur Hafsteinn Pálsson, tónlistarmaður, upptökumaður og tónlistarkennari á Ísafirði og Flateyri.

Hljóðverssmiðjur 2010 fóru fram í hljóðverinu Sundlaugin í Mosfellsbæ, en fjölmargir þekktir listamenn hafa unnið í hljóðverinu og má þar nefna Sigur Rós. Leiðbeinendur voru tónlistarmennirnir Mugison og Pétur Ben, ásamt Birgi Jón Birgissyni upptökustjóra. Þátttakendur voru hljómsveitirnar Monsters & Men (sæti #1 í Músíktilraunum 2010), The Assassin of a beautiful Brunette (#2) og Vulgate (#3).

Tenglar:
Músíktilraunir - heimasíða
Hljóðverssmiðjur Kraums

Hljóðverssmiðjur Kraums fara fram dagana 4.-7. febrúar.

Föstudaginn 4. febrúar hefjast Hljóðverssmiðjur Kraums þar sem þrjár ungar og efnilegar hljómsveitir verður gefin kostur á að fá fræðslu og taka upp undir leiðsögn reyndari tónlistarfólks í hljóðverinu Sundlauginni í Mosfellsbæ. Fjölmargir þekktir listamenn hafa tekið upp í Sundlauginni, m.a. Sigur rós sem áttu hljóðverið um nokkura ára skeið.

Markmiðið með hljóðverssmiðjunum er að styðja við grasrótina í íslensku tónlistarlífi, miðla reynslu og gefa þeim tækifæri á að taka upp efni sem nýst gæti hljómsveitinni við kynningu, t.a.m. dreifingar á netinu og til útvarpsstöðva, og/eða sem byrjun á upptökum á breiðskífu.

Meðal leiðbeinanda í ár eru tónlistarmennirnir Mugison og Pétur Ben.

Þær þrjár hljómsveitir sem lenda í þremur efstu verðlaunasætunum á  hinum árlegu Músíktilraunum er boðin þátttaka í Hljóðverssmiðjunum. Í ár eru það hljómsvetiirnar Of Monsters & Men (sæti #1), The Assassin of a beautiful Brunette (#2) og Vulgate (#3).

Hljómsveitakeppnin og tónlistarhátíðin Músíktilraunir hefur verið einn helsti vettvangur ungra íslenskra tónlistarmanna til að koma sér og tónlist sinni á framfæri í yfir 25 ár. Listi hljómsveita og listamanna sem stigið hafa á svið á þessum árlega tónlistarviðburði er langur, en meðal sigurvegara síðustu ára eru hljómsveitirnar Jakobínarína, Mammút og Agent Fresco.

Rúmum tíu milljónum var veitt til 22 verkefna á sviði íslenskrar tónlistar. Kraumur tónlistarsjóður kynnti á fimmtudag (15. apríl) fyrstu úthlutanir sínar og stuðning við íslenskt tónlistarlíf, tónlistarmenn og hljómsveitir fyrir árið 2010.

Tuttugu listamenn og hljómsveitir hljóta beinan stuðning frá Kraumi og samstarf við verkefni sín á árinu; Bang Gang, Bloodgroup, Bryndís Jakobsdóttir, Daníel Bjarnason, Einar Scheving, Feldberg, FM Belfast, Hafdís Bjarnadóttir, Kammerkórinn Carmina, K-tríó, Leaves, Mammút, Ourlives, Ólöf Arnalds, Retro Stefson, Samúel Jón Samúelsson Big Band, Seabear, Sólstafir, Trúbatrix hópurinn og Víkingur Heiðar Ólafsson. Kraumur mun jafnfram halda áfram með eigin verkefni; m.a. að styðja við íslenska plötuútgáfu verðlauna framúrskarandi árangur á því sviði með Kraumslistanum - sem og halda Hljóðverssmiðjur í sumar með ungum og upprennandi hljómsveitum og listamönum.

Samtals er nú verið að veita 10,8 milljónum til margvíslegra verkefna á sviði íslenskrar tónlistar. Alls bárust 208 umsóknir í nýliðnu umsóknarferli. Yfir 180 umsóknir hlutu ekki styrk eða stuðning Kraums, og ljóst að mikill fjöldi flottra og verðugra verkefna hlutu ekki stuðning að þessu sinni. Yfirlýst stefna sjóðsins er að styrkja tiltölulega fá verkefni/listamenn, en gera það þannig að stuðningurinn sé afgerandi.

Áhersla er lögð á kynningu á íslenskri tónlist og verkum íslenskra listamanna á erlendri grundu í stuðningi Kraums að þessu sinni - auk stuðning við starfsemi listamanna og hljómsveita hérlendis; allt frá vinnu við lagasmíðar og upptökur á eigin verkum, til námskeiða og tónleikahalds á landsbyggðinni.

Kynningin og úthlutunin fór fram fimmtudaginn 15. apríl á Kaffi Rósenberg, einum helsta tónleikastað Reykjavíkurborgar. Þórunn Sigurðardóttir stjórnarformaður Kraums bauð fólk velkomið og greindi jafnframt frá því að vegna anna væri hún að hætta í stjórninni, eftir að rúmlega tveggja ára farsælt starf fyrir sjóðinn og hafa átt stóran þátt í að koma honum á laggirnar og leggja línurnar í starfsemi hans.  Pétur Grétarsson varaformaður tók við stjónarformennskunni. Eldar Ástþórsson framkvæmdastjóri Kraums greindi frá verkefnum sjóðsins og úhlutunum. Loks tóku Retro Stefson og Feldberg lagið við góðar undirtektir viðstaddra.

KYNNING Á ÍSLENSKRI TÓNLIST Á ERLENDUM VETTVANGI
Stærstu samstarfsstyrkina að þessu sinni fá hljómsveitin FM Belfast, við tónleikahald og kynningu á verkum sínum erlendri gundu, og tónskáldið Daníel Bjarnason við eftirfylgni og kynningarstarf á breiðskífu sinni Processions á alþjóðvettvangi. Kraumur styður bæði verkefnin um 1.000.000 króna hvort. Kraumur efnir sömuleiðis til samstarfs og stuðnings við Feldberg, Mammút, Ourlives, Ólöf Arnalds, Seabear, Samúel Jón Samúelsson Big Band og Sólstafir við að koma sér og verkum sínum á framfæri erlendis.

Daníel Bjarnason er klassískt tónskáld sem verið hefur iðinn við að brjóta niður þá múra sem tengjast slíkri nafnbót. Það má segja að Daníel sé að sumu leyti að feta nýja slóð fyrir klassísk tónskáld á okkar tímum og koma klassískri tónlist til breiðari hóps áheyranda. Procession er þegar farin að fá góða dóma og viðtökur á alþjóðavettvangi og með frekari kynningu og tónleikahaldi nær hún vonandi eyrum enn fleiri.

Hljómsveitin FM Belfast er á öðrum enda tónlistarlitrófsins, leikur dans- og popptónlist, og hefur vaxið gríðarlega sem tónleikasveit síðan hún kom fyrst fram á Iceland Airwaves hátíðinni árið 2006. Sveitin gerði og gaf út sína fyrstu breiðskífu, How to Make Friends, með stuðningi Kraums árið 2008 og síðan hefur orðspor sveitarinnar farið langt út fyrir landsteinana. Árið 2010 ætlar sveitin að leggja áherslu á útlönd og mun sveitin m.a. koma fram á tónlistarhátíðum og bransasamkomum víð um Evrópu, m.a. Hróaskeldu og SPOT.

Íslenskir listamenn hafa í áraraðir unnið gríðarlega mikilvægt starf við að kynna Ísland og íslenska menningu á erlendri grundu. Markaðir í Skandinavíu, annarstaðar í Evrópu og Bandaríkjunum eru mikilvægir íslenskum listamönnum við að skapa sér tekjur af verkum sínum og þar eru margvísleg sóknarfæri fyrir íslenska listamenn. Kraumur vill hlúa að og styðja við útrás íslenskra listamanna og hljómsveita - og vonar að stuðningurinn nýtist þessum listamönnum til að koma sér og sínum afurðum enn frekar á framfæri, skapi þeim aukin tækifæri - sem og íslenska tónlist almennt - á erlendum vettvangi.

PLÖTUGERÐ OG INNLEND VERKEFNI
Kraumur heldur áfram að styðja við verkefni listamanna og hljómsveita hérlendis við að lagasmíðar, upptökur og við að útgáfu á verkum sínum. Kraumur efnir til samstarfs og stuðnings við Bang Gang, Bryndísi Jakobsdóttir, Einar Scheving, Hafdísi Bjarnadóttir, Leaves, Retro Stefson og Víking Heiðar Ólafsson við verkefni sín á sviði lagasmíða, vinnu, útgáfu og/eða kynningu á eigin verkum. Allir þessir listamenn stefna á að gefa út nýjar breiðskífur á árinu.

Kraumur heldur Innrásinni - stuðningi sínum við tónleikahald innanlands - áfram á árinu. Markmið Innrásarinnar er að auka við möguleika listamanna til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni. Fjölmargir listamenn og hljómsveitir hafa lagt land undir fót og haldið tónleika víðsvegar um landið síðustu tvö ár undir merkjum Innrásarinnar og má þar nefna tónleika; Amiina, Árstíðir, Benni Hemm Hemm, Dr. Spock, Elfa Rún Kristinsdóttir, Melkorka Ólafsdóttir, Momentum, Muck, Nögl, Reykjavík!, Sign, Skátar, Sudden Weathar Change, Svavar Knúts Kristinssonar og fjölda annarra.

Innrás Kraums mun styðja við tónleika og tónleikaferð Kammerkórsins Carmina, K-tríó, Trúbatrix hópsins (Myrra Rós Þrastardóttir, Miss Mount, Elín Ey, Elíza, Pascal Pinon, Mysterious Marta og fjöldi annara tónlistarkvenna) og Bloodgroup í Reykjavík og á landsbyggðinni. Blodgroup mun sömuleiðis standa fyrir tónleikum í Færeyjum með stuðningi Kraums. Tími til komin að þakka Færeyjingum fyrir hjálpina með því að færa þeim frábæra tónlist frá Íslandi.

KRAUMSLISTINN OG STARFSEMIN 2010
Kraumur hefur það sem af er þessu ári staðið fyrir námskeiði og opinni ráðstefnu fyrir tónlistarmenn og tónlistaráhugamenn á og í samvinnu við Aldrei fór ég suður, staðið fyrir Leit að ungum tónskáldum í samstarfi við Við djúpið og Rás 1 og sem einn samstarfsaðila Músíktilrauna í mars valið þrjár hljómsveitir til þátttöku í Hljóðverssmiðjum Kraums - þar sem ungum og upprennandi hljómsveitir fá fræðslu, handleiðslu og aðstöðu til að taka upp eigð efni með aðstoð fagmanna.

Kraumur hefur sömuleiðis keypt (100 stk af hverjum titli) og kynnt þær sex hljómplötur sem hlutu viðurkenningu Kraumslistans 2009 (áður Kraumsverðlaun) - meðal annars með útsendingum á tónleikahaldara, plötuútgáfur og tengiliði erlendis. Plöturnar eru; Anna Guðný Guðmundsdóttir - Vingt regards sur l’enfant-Jésus, Bloodgroup - Dry Land, Helgi Hrafn Jónsson - For the Rest of my Childhood, Hildur Guðnadóttir - Without Sinking, Hjaltalin - Terminal og Morðingjarnir - Flóttinn mikli. Kraumslistinn 2010 verður kynntur í desember í ár og mun Kraumur veita þeim plötum sem hljóta viðurkenningu samskonar stuðning.

KRAUMUR OG NÚVERANDI ÚTHLUTUN
Kraumur er sjálfstætt starfandi sjóður og starfsemi á vegum Auroru velgerðarsjóðs sem hefur það að meginhlutverk að efla íslenskt tónlistarlíf, fyrst og fremst með stuðningi við unga listamenn, auðvelda þeim að vinna að listsköpun sinni og koma verkum sínum á framfæri innanlands sem utan. Markmiðið er að styrkja stöðu ungra tónlistarmanna á Íslandi með beinum styrkjum, faglegri aðstoð og samstarfi af ýmsu tagi. Starfsemin, og stuðningurinn við listamenn og hljómsveitir, samanstendur því af bæði fjárhagslegum stuðning sem og faglegri aðstoð, aðgang að tengslaneti og hjálp við að koma verkum sínum og verkefnum í framkvæmd.

Kraumur tónlistarsjóður er á sínu þriðja starfsári, en starfsemin var sett á laggirnar í upphafi árs 2008. Á síðastliðnum 2 árum hefur Kraumur unnið með og stutt fjölda listamanna og hljómsveita með ýmsum hætti. Má þar nefna; Amiina, Benny Crespo’s Gang, Bloodgroup, Dikta, Dr. Spock, Celestine, Elfa Rún Kristinsdóttir, FM Belfast, For a Minor Refleciton, Helgi Valur, Hjaltalín, Lay Low, Melkorka Ólafsdóttir, Mugison, Morðingjarnir, Momentum, Mógil, Nordic Affect, Njútón, Nögl, Ólöf Arnalds, Ólafur Arnalds, Reykjavík!, Seabear, Sin Fang Bous, Sign, Skakkamanage, Skátar, Sudden Weather Change, Svavar Knútur, Sykur, Trúbatrix, Víkingur Heiðar Ólafsson og fjölmargir fleiri.

Kraumur kynnir að þessu stuðning alfarið ný samstarfsverkefni við listamenn, ef frá er talin stuðningur við FM Belfast og Ólöfu Arnalds - en Kraumur hefur áður stutt við plötugerð viðkomandi listamanna og tekur nú þátt í kynningu á verkum þeirra á erlendum vettvangi. Trúbatrix hópurinn fékk stuðning í fyrra við tónleikahald og Bloodgroup hlaut árið 2008 stuðning við tónleikahald ásamt fleiri hljómsveitum. Kraumur telur mikilvægt að fá inn ný verkefni - en jafnframt að vinna áfram með hluta þeirra listamanna sem hlotið hafa stuðning að verkum þeirra og stefnir á að gera það áfram.

Alls bárust 208 umsóknir í umsóknarferli sjóðsins sem nú er nýliðið. Yfir 180 umsóknir hlutu ekki styrk eða stuðning Kraums, og er ljóst að mikill fjöldi flottra og verðugra verkefna hlutu ekki stuðning að þessu sinni. Stjórn Kraums er hins vegar ánægð með þann stuðning og þau flottu verkefni sem tilkynnt er um nú sem sjóðurinn mun standa með og á bakvið. Yfirlýst stefna sjóðsins er að styrkja tiltölulega fá verkefni/listamenn, en gera það þannig að stuðningurinn sé afgerandi.

—————————————————————————————————————————————————
—————————————————————————————————————————————————

YFIRLIT

ÚTRÁS
Stuðningur og samstarf við listamenn og hljómsveitir við að koma sér og verkum sínum á framfæri á erlendum vettvangi.

INNRÁS
Stuðningur og samstarf við listamenn og hljómsveitir við tónleikahald innanlands.

PLÖTUGERÐ OG INNLEND VERKEFNI
Stuðningur og samstarf við listamenn og hljómsveitir á sviði lagasmíða, plötugerðar og kynningar.

EIGIN VERKEFNI KRAUMS
Eigin verkefni og samstarfsverkefni Kraums tónlistarsjóðs.

—————————————————————————————————————————————————
—————————————————————————————————————————————————

Kraumur óskar hljómsveitinni Of Monsters and Men til hamingju með sigur í Músíktilraunum 2010 og býður sveitinni sæti í Hljóðverssmiðjur Kraums.

Hljómsveitinni Of Monsters and Men bar sigur úr bítum í hinni árlegu tónlistarhátíð og hljómsveitakeppni Músiktilraunir 2010. Sem sigursveit keppninar mun hún, ásamt Vulgate, sem lenti í 2. sæti, og The Assassin of a Beautiful Brunette, sem lenti í 3. sæti, fá sæti í HljóðverssmiðjumKraums í sumar.

Markmiðið með Hljóðverssmiðjunum er að styðja við grasrótina í íslensku tónlistarlífi, miðla reynslu og gefa ungum og upprennandi tónlistarmönnum tækifæri á að taka upp efni sem nýst getur við kynningu (t.a.m. dreifingar á netinu og til útvarpsstöðva) og/eða sem byrjun á upptökum á breiðskífu.

Þetta er í annað sinn sem Kraumur verðlaunar hljómsveitirnar sem lendar í fyrstu þrem sætunum á Músíktilraunum. Í kjölfar Músiktilrauna 2009 var Bróðir Svartúlfs, Ljósvaga og The Vintage boðin þátttaka í Hljóðverssmiðjum 2009 sem fram fóru í Tankinum á Ísafirði þar sem leiðbeinendur voru Mugison (Örn Elías Guðmundsson) tónlistarmaður, Páll Ragnar Pálsson tónlistarmaður með BA í Tónsmíði frá Listaháskóla Íslands og Önundur Hafsteinn Pálsson, tónlistarmaður, upptökumaður og tónlistarkennari á Ísafirði og Flateyri.

Músikiltraunir hefur verið einn helsti vettvangur ungra íslenskra tónlistarmanna til að koma sér og tónlist sinni á framfæri í yfir 25 ár, og hefur samstarf Kraums og Músiktilrauna verið mjög farsælt. Listi hljómsveita og listamanna sem borið hafa sigur úr bítum á Músíktilraunum er langur. Meðal sigurvegara keppninar - sem haldin hefur verið árlega frá 1986 - eru; Greifanir, Kolrassa Krókríðandi/Bellatrix, Maus, Botnleðja, Stjörnukisi, Mínus, XXX Rottweiler, Mammút, Jakobínarína, Agent Fresco og nú síðast Bróðir Svartúlfs.

Kraumur styður við sigurvegara Músíktilrauna 2009 og sveitirnar sem lenda í 2. og 3. sæti með plássi í Hljóðverssmiðjum Kraums og Tanksins á Flateyri [mynd]. Um er að ræða eina vika í hljóðverinu, samtals 70 upptökutíma með hljóðmanni, auk leiðbeininga og kennslu frá reyndari listamamönnum. Gisting innifalin.

Tenglar:
Músíktilraunir - heimasíða
Hljóðverssmiðjur Kraums

Kraumur hefur í samvinnu við listamenn og hljómsveitir unnið að, og stutt við, mikinn fjölda tónleika innanlands um allt land í sumar.

Starfsemi Kraums undanfarna mánuði hefur að stórum hluta snúist um stuðning, samstarf og ráðgjöf á sviði tónleikahald innanlands. Innrásin, sérstakt átak Kraums til stuðning tónleikahalds á landsbyggðinni, var sett á laggirnar í fyrra og átakið hélt áfram í ár með fjölda tónleika.

Markmið Innrásarinnar er að auka við möguleika listamanna og hljómsveita til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni. Hér fyrir neðan má sjá yfirlit yfir Innrásar-tónleika ársins.

Rás 2 hefur verið sérstakur samstarfsaðili átaksins og stutt við tónleikana með kynningum og auglýsingum.

Mikil fjölbreytni hefur einkennt tónleikana þar sem listamenn og hljómsveitir hafa komið úr öllum áttum tónlistar. Árið 2008 studdi Kraumur meðal annars við tónleika Elfu Rún Kristinsdóttur, Melkorku Ólafsdóttur, Benna Hemm Hemm, tónlistarhópsins Njútón, Sign, Dr. Spock, Skáta og Bloodgroup. Meðal þeirra sem komið hafa fram á tónleikum í samstarfi og með stuðningi Kraums í vor og sumar eru;

• Mógil
• Árstíðir
• Svavar Knútur
• Árstíðir [á mynd]
• Helgi Valur [á mynd]
• FM Belfast
• Reykjavík!
• Miri
• Swords of Chaos
• Skakkamanage
• Nögl
• Gordon Riots
• Celestine
• Momentum
• Bróðir Svartúlfs
• Ljósvaki
• Fabúla
• Elíza Newman Geirsdóttir
• Þórunn Antónía
• Mysterious Marta
• Pascal Pinon
• Auk fjöldi annarra tónlistarmanna og hljómsveita…

Amiina við sjávarsíðuna

Tónleikasería þar sem aðgangur var ókeypis og leikið var í tveimur vitum, hvalasafni og Bláu kirkjunni á Seyðisfirði. (vísun)

24. júlí - Bláa kirkjan á Seyðisfirði
25. júlí - Dalatangaviti
26. júlí - Hvalasafnið á Húsavík í samstarfi við Mærudaga
27. júlí - Sauðanesviti

———————————

Molestin á Eistnaflugi tónlistarhátíð

Hljómsveitirnar Momentum, Muck, Ask the Slave, Skítur, Myra, Plastic Gods og Celestine leika á tónlistarhátíðinni Eistnaflug á Neskaupsstað 9.-12. júlí með stuðningi Kraums. (vísun)

9.-12. júlí - Eistnaflug, Neskaupsstaður

———————————

Sumargleði Kimi Records

Fram komu hljómsveitirnar Sudden Weather Change, Reykjavík!, Swords of Chaos, Skakkamanage, FM Belfast, Miri, Létt á bárunni, Prins Póló, Hellvar og Björtu. (vísun)

15. júlí - Paddy’s, Keflavík
16. júlí - Pakkhúsið, Höfn á Hornafirði
17. júlí - Herðubreið, Seyðisfirði (LungA listahátíð)
18. júlí - Mikligarður, Vopnafirði
19. júlí - Gamli Baukur, Húsavík
22. júlí - Kaffi 59, Grundarfirði
23. júlí - Edinborgarhúsið, Ísafirði
24. júlí - Café Síróp, Hvammstanga
25. júlí - Sódóma, Reykjavík (ásamt Swords of Chaos)

———————————

Rokk Innrásin

Hljómsveitirnar Nögl, Endless Dark, At Dodge City og Gordon Riots fóru Rokk Innrás um landið dagana 25. júní-4. júlí í samstarfi við og með stuðningi Kraums. Tónleikaferðin heppnaðist það vel að haldið var af stað að nýju og fleiri tónleikum bætt við 9.-18. júlí. Leikið í félagsheimilum, íþróttahúsum, veitingastöðum og börum. (vísun)

25. júní - Dillon, Reykjavík
26. júní - Kaffi 59, Grundarfjörður
27. júní - Gamla íþróttahúsið, Ísafjörður
2. júlí - Paddy’s, Keflavík
3. júlí - Mælifell, Sauðárkrókur
4. júlí - Sláturhúsið, Egilsstaðir
—
9. júlí - Sódóma, Reykjavík
11. júlí - Prófasturinn, Vestmannaeyjar
15. júlí - Molinn, Kólpavogur
16. júlí - Gamli vínbarinn (Hansen), Hafnarfjörður
17. júlí - Lukkuláki, Grindavík
18. júlí - 800 bar, Selfoss

———————————

Mógil á hringferð um landið

Hljómsveitin Mógil, sem vakið hefur verðskuldaða athygli hérlendis sem erlendis fyrir sinn einstaka þjóðlaga-skotna hljóm, lék á fernum tónleikum víðasvegar um landið í samvinnu við og með stuðningi Innrásar-átaks Kraums. (vísun)

27. júní - Sólheimum í Grímsnesi
30. júní - Fríkirkjunni í Reykjavík
1. Júlí - Þjóðlagahátið á Siglufirði
2. júlí - Deiglan á Akureyri

———————————

Hver á sér fegra föðurland

Hljómsveitin Árstíðir og trúbadorarnir Svavar Knútur og Helgi Valur gerðu víðreist um fósturjörðina og komu við í helstu bæjum og sveitum hringinn í kringum landið undir nafninu “Hver á sér fegra föðurland?” (vísun)

25. júní - Hveragerðiskirkja, Hveragerði
26. júní - 800 Bar, Selfossi
27. júní - Stykkishólmskirkja, Stykkishólmi
27. júní - Ólafsvíkurkirkja, Ólafsvík
28. júní - Flateyjarkirkja, Flatey
29. júní - Sjóræningjasafnið á Patreksfirði
30. júní - Tálknafjarðarkirkja, Tálknafirði
1. júlí - Hlaðan í Arnardal við Ísafjarðardjúp
2. júlí - Hólmavíkurkirkja, Hólmavík
3. júlí föstudagur - Félagsheimilið Höfðaborg, Hofsósi
Tónleikar hefjast kl. 20
4. júlí - Siglufjörður (Þjóðlagahátíð)
Hljómsveitirnar heimsækja Siglufjörð og njóta þjóðlagahátíðarinnar þar í bæ.
5. júlí - Félagsheimilið, Grímsey
7. júlí - Gamli baukur, Húsavík
8. júlí - Egilsstaðakirkja, Egilsstöðum
9. júlí - Neskaupstaður (Eistnaflug)
Hljómsveitirnar njóta rokkhátíðarinnar Eistnaflugs á Neskaupstað
10. júlí - Úlfaldi úr Mýflugu, Hlaða í Mývatnssveit
11. júlí - Græni Hatturinn, Akureyri
12. júlí - Café Rósenberg, Reykjavík

———————————

Hljóðverssmiðjur á Flateyri

Hljóðverssmiðjur Kraums í Tankinum á Flateyri í samvinnu við Músíktilraunir, með Mugison og fleiri leiðbeinendum. Þátttakendur eru Bróðir Svartúlfs, Ljósvaki og The Vintage sem skipuðu þrjú efstu sætin á Músíktilraunum 2009, þeir leika óvænt á tónleikum á Flateyri meðan á Smiðjunum stendur. (vísun)

14. júní - Vagninn, Flateyri

———————————

Trúbatrixur á hringerð um landið

Trúbatrixur fagna grósku íslenskra tónlistarkvenna með safndisk og tónleikaferð um landið - í samstarfi við Innrásarverkefni Kraums og Rás 2. Fram koma Fabúla, Elíza Geirsdóttir Newman, Þórunn Antónía, Elín Ey, Mysterious Marta, Pascal Pinon og fleiri. (vísun)

2. júní - Trúbatrix Album Launch @ Café Rósenberg, Reykjavík
3. júní - Kaffi 59, Grundarfjörður
4. júní - Græni Hatturinn,Akureyri
5. júní - Kaffi Sæli, Tálknafjörður
6. júní - Edinborg, Ísafjörður
11. júní -  Draugasetrið, Stokkseyri
12. júní - Pakkhúsið, Höfn í Hornafirði
13. júní - Hótel Aldan, Seyðisfjörður

———————————

Hvar er draumurinn?

Samstarf við tónlistarhátíðina Aldrei fór ég suður. Fjölmargir reynsluboltar úr íslensku tónlistarlífi deildu reynslu sinni á námskeiði Kraums og Aldrei fór ég suður. (vísun)

10-11. apríl - Aldrei fór ég suður, Ísafjörður

———————————

Hlekkir:
Innrásin á Wikipedia
Innrásin á Kraumur.is

Hljóðverssmiðjur Kraums haldnar í fyrsta sinn á Flateyri.

Hljóðverssmiðjur Kraums voru haldnar í hljóðverinu Tankinum á Flateyri dagana 11.-18. júní. Mikil ánægja var með hvernig til tókst, bæði meðal þátttakenda sem og þeirra sem tóku að sér kennslu að vinna með hljómsveitunum.

Nokkur lög voru kláruð í hljóðverinu og vel heppnað námskeið um upptökur, lagasmíðar og fyrstu skrefin í tónlistarbransanum haldið. Óvæntir tónleikar voru svo haldnir á Flateyri meðal listamannanna laugardagskvöldið 13. júní.

Hljómveitirnar sem tóku þátt í smiðjunum voru Bróðir Svartúlfs [mynd], Ljósvaki og The Vintage - sem skipuðu þrjú efstu sætin á Músíktilraunum 2009, en meðal verðlauna á Músíktilraunum í ár var þáttaka í smiðjunum.

Leiðbeinendur voru Mugison (Örn Elías Guðmundsson) tónlistarmaður, Páll Ragnar Pálsson tónlistarmaður með BA í Tónsmíði frá Listaháskóla Íslands og er að ljúka mastersnámi í vor frá Estonian Academi of Music og Tanks-foringinn Önundur Hafsteinn Pálsson, tónlistarmaður, upptökumaður og tónlistarkennari á Ísafirði og Flateyri.

Markmiðið með Hljóðverssmiðjum Kraums er að styðja við grasrótina í íslensku tónlistarlífi, miðla reynslu og gefa hljómsveitunum tækifæri á að taka upp efni sem nýst gæti við kynningu á sér og sinni tónlist. Í smiðjunum gefst jafnframt tækifæri til að semja ný lög og vinna saman.

Kraumur tónlistarsjóður stendur fyrir Hljóðverssmiðjum í upptökuverinu Tankinum við Önundafjörð á Flateyri, dagana 11.-18. júní.

Í dag, fimmtudaginn 11. júní, hefjast Hljóðverssmiðjur Kraums í Tankinum á Flateyri. Hljómsveitirnar sem taka þátt í smiðjunum eru Bróðir Svartúlfs [mynd], Ljósvaki og The Vintage - sem skipuðu þrjú efstu sætin á Músíktilraunum 2009. Meðal verðlauna á Músíktilraunum í ár var þáttaka í smiðjunum.

Markmiðið með Hljóðverssmiðjum Kraums er að styðja við grasrótina í íslensku tónlistarlífi, miðla reynslu og gefa hljómsveitunum tækifæri á að taka upp efni sem nýst gæti við kynningu á sér og sinni tónlist. Upptökurnar nýta hljómsveitirnar eftir hentugleika, t.a.m. til dreifingar á netinu eða til útvarpsstöðva, eða sem byrjun fyrir sína fyrstu breiðskífu. Í smiðjunum gefst jafnframt tækifæri til að semja ný lög og vinna saman

Leiðbeinendur á smiðjunum eru; Mugison (Örn Elías Guðmundsson) tónlistarmaður sem hefur víðtæka reynslu af vinnu í hljóðverum, Páll Ragar Pálsson sem er þekktur úr rokkinu sem gítarleikari Maus, er með BA í Tónsmíði frá Listaháskóla Íslands og er að ljúka mastersnámi í vor frá Estonian Academi of Music og Önundur Hafsteinn Pálsson, slagverskleikari, upptökumaður, tónlistarkennari á Ísafirði og Flateyri og frumkvöðull við að koma hljópðverinu Tankinum á laggirnar á Flateyri.

Tankurinn var reistur árið 1925 til geymslu á lýsi en var breytt í atvinnuhúsnæði árið 1980. Ýmis starfsemi hefur verið í Tankinum síðan þá, m.a. bátasmiðja, trésmíðaverkstæði og nú síðast beitningaraðstaða. Eftir miklar endurbætur var aðstaðan orðin boðleg til að taka upp tónlist. Múgsefjun var fyrsta hljómsveitin til að taka upp í Tankinum vorið 2007, en breiðskífa þeirra ‘Skiptar skoðanir’ er að fullu tekin upp í hljóðverinu. Síðan hafa ýmsir listamenn tekið upp í Tankinum og franska hljómsveitin Klezmer Chaos tók þar upp um páskana.

Glæsilegar Músíktilraunir að baki; Skagfirska rokkrappsveitin Bróðir Svartúlfs sigur úr býtum.

Úrslitakvöld Músíktilrauna Hins hússins fóru fram í Listasafni Reykjavíkur - Hafnarhúsi þann 4. apríl. Þar mættu til leiks þær 11 ljómsveitir sem höfðu komist áfram á undanúrslitakvöldunum í Íslensku óperunni og má með sanni segja að þarna hafi verið slegin botninn í virkilega vel heppnaðar Músíktilraunir ársins í ár.

Skagfirska rokkrappsveitin Bróðir Svartúlfs sigur úr býtum, tónlistarmaðurinn Leifur Eiríksson eða Ljósvaki hreppti annað sætið og hljómsveitin The Vintage í því þriðja.  Hljómsveitin Blanco var valin Hljómsveit fólksins, en þau verðlaun veita áheyrendur í sal og hlustendur Rásar 2 um land allt.

Einstaklingsverðlaun hlutu eftirfarandi:
Gítarleikari Músíktilrauna 2009 - Óskar Logi Ágústsson í The Vintage
Bassaleikari Músíktilrauna 2009 - Jón Atli Magnússon í Bróðir Svartúlfs
Trommuleikari Músíktilrauna 2009 - Bergur Einar Dagbjartsson í Flawless Error
Söngvari Músíktilrauna 2009 - Almar Freyr Fannarsson í Earendel
Forritari Músíktilrauna 2009 - Leifur Eiríksson Ljósvaki
Viðurkenning fyrir textagerð á íslensku - Arnar Freyr Frostason í Bróðir Svartúlfs

Kraumur styður við sigurvegara Músíktilrauna 2009 og sveitirnar sem lenda í 2. og 3. sæti með plássi í Hljóðverssmiðjum Kraums og Tanksins á Flateyri [mynd]. Um er að ræða eina vika í hljóðverinu, samtals 70 upptökutíma með hljóðmanni, auk leiðbeininga og kennslu frá reyndari listamamönnum. Gisting innifalin.

Markmiðið með hljóðverssmiðjunum er að styðja við grasrótina í íslensku tónlistarlífi, miðla reynslu og gefa þeim tækifæri á að taka upp efni sem nýst gæti hljómsveitinni við kynningu, t.a.m. dreifingar á netinu og til útvarpsstöðva, og/eða sem byrjun á upptökum á breiðskífu.

Kraumur tónlistarsjóður kynnti í dag á Boston, Laugavegi, fyrstu úthlutanir sínar og stuðning við íslenskt tónlistarlíf, tónlistarmenn og hljómsveitir árið 2009.

Áhersla er lögð á innlend verkefni og starfsemi listamanna og hljómsveita hérlendis í stuðningi Kraums í ár, allt frá plötugerð til námskeiða- og tónleikahalds á landsbyggðinni.

Meðal þeirra listamanna sem Kraumur mun styðja og vinna með á árinu eru Hjaltalín, Lay Low, Sindri Már Sigfússon (Sin Fang Bous / Seabear), Ólafur Arnalds, Ólöf Arnalds, Mógil, For a Minor Reflection og Nordic Affect.

Kraumur mun jafnframt styðja við tónleika fjölda ungra listamanna á Stofutónleikum Listahátíðar í Reykjavík, námskeið og vinnusmiðjur á tónlistarhátíðinni Aldrei fór ég suður á Ísafirði, Tónlistarhátíð unga fólksins í Kópavogi og Reykjavik Jazz Performance vinnusmiðjur fyrir unga og upprennandi listamenn.

Kraumur mun  standa fyrir Hljóðverssmiðjum í Tankinum á Flateyri með verðlaunasveitum Músíktilrauna 2009 og þátttöku reyndari tónlistarmanna. Innrásin, átak Kraums til stuðnings tónleikahaldi á landsbyggðinni, heldur áfram af fullum krafti á árinu og að þessu sinni er kynntur stuðningur við hljómsveitirnar; Sudden Weather Change, Árstíðir, Nögl, Molestin o.fl. í tengslum við Innrásina, sem m.a. munu koma fram á tónlistarhátíðunum Eistnaflugi á Neskaupsstað og Lunga á Egilsstöðum.

Kraumur mun jafnframt styðja við Trúbatrix, nýtt tengslanet og tónlistarhóp sem samanstendur af íslenskum tónlistarkonum sem flytja frumsamda Íslenska tónlist, til tónleikahalds innanlands.

Alls hefur tæpum 11 milljónum nú verið úthlutað í beinan stuðing til listamanna og hljómsveita, eigin verkefna Kraums og samstarfsverkefna sjóðsins.

YFIRLIT ÚTHUTANA OG VERKEFNA

Samstarf og beinn stuðningur  við listamenn (4.700.000 kr)

• Hjaltalín (Plötugerð, tónleikahald & önnur starfsemi) 1.200.000 kr
• Nordic Affect (Plötugerð) 500.000 kr
• Sindri Már Sigfússon / Sin Fang Bous (Plötugerð) 500.000 kr
• Ólöf Arnalds (Plötugerð) 500.000 kr
• Ólafur Arnald (Plötugerð) 500.000 kr
• For a Minor Reflection (Plötugerð) 500.000 kr
• Lay Low (Tónleikahald og kynning erlendis) 500.000 kr
• Mógil (Tónleikahald innanlands (Innrás) og á WOMEX) 500.000 kr

Samstarfsverkefni (1.800.000 kr)

• Stuðningur við tónleika ungra listamanna á Listahátíð í Reykjavík (Stofutónleikar) 1.000.000 kr
• Tónlistarhátíð unga fólksins 400.000 kr
• Reykjavik Jazz Performance Workshop 400.000  kr

Innrásin (1.600.000 kr)

Átak Kraums til stuðnings tónleikahalds á landsbyggðinni. Markmið Innrásarinnar er að auka við möguleika listamanna og hljómsveita til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni.

• Árstíðir, Svavar Knútur & Helgi Valur (Rás 2 plokkar hringinn) 400.000 kr
• Trúbatrix (ýmsir listamenn) 400.000 kr
• Sudden Weather Change, Retro Stefson o.fl. (Sumargleði, Lunga) - 400.000 kr
• Nögl og hljómsveitir á þeim stöðum heimsóttir eru - 200.000 kir
• Momentum og fleiri hljómsveitir Molestin Records á Eistnaflugi - 200.000 kr

Eigin verkefni Kraums (2.700.000 kr)

• Kraumsverðlaunin (stuðningur við plötuútgáfu)  1.200.000 kr
• Hljóðverssmiðjur Kraums og Tanksins (þremur verðlaunahöfum Músíktilrauna 2009 tryggt pláss) 1.000.000 kr
• Námskeiðahald og vinnusmiðjur á Aldrei fór ég suður 500.000 kr

>> Smelltu á hlekkinn hér að neðan til að lesa meira um fyrstu úthlutanir og stuðning Kraums við íslenskt tónlistarlíf 2009.

(more…)

Kraumur verðlaunar hljómsveitirnar sem lenda í fyrstu þrem sætunum á Músíktilraunum 2009 með plássi í Hljóðverssmiðjum Kraums og Tanksins á Flateyri.

Hljómsveitakeppnin og tónlistarhátíðin Músíktilraunir hefur verið einn helsti vettvangur ungra íslenskra tónlistarmanna til að koma sér og tónlist sinni á framfæri í yfir 25 ár. Listi hljómsveita og listamanna sem stigið hafa á svið á þessum árlega tónlistarviðburði er langur, en meðal sigurvegara síðustu ára eru hljómsveitirnar Jakobínarína, Mammút og Agent Fresco.

Kraumur styður við sigurvegara Músíktilrauna 2009 og sveitirnar sem lenda í 2. og 3. sæti með plássi í Hljóðverssmiðjum Kraums og Tanksins á Flateyri [mynd]. Um er að ræða eina vika í hljóðverinu, samtals 70 upptökutíma með hljóðmanni, auk leiðbeininga og kennslu frá reyndari listamamönnum. Gisting innifalin.

Markmiðið með hljóðverssmiðjunum er að styðja við grasrótina í íslensku tónlistarlífi, miðla reynslu og gefa þeim tækifæri á að taka upp efni sem nýst gæti hljómsveitinni við kynningu, t.a.m. dreifingar á netinu og til útvarpsstöðva, og/eða sem byrjun á upptökum á breiðskífu.

Undankvöld Músíktilrauna fara fram í Íslensku Óperunni, Ingólfsstræti 2a, 101 Rvk. Undankvöldin verða á eftirfarandi dögum: 27.mars, 28.mars, 29.mars og 30.mars og hefjast öll kl. 19.00.

Úrslitakvöldið verður haldið laugardaginn 4.apríl í Listasafni Reykjavíkur, og opnar húsið kl 17. Rás 2 mun vera með beina útsendingu frá kvöldinu. Miðasala er hafin í Hinu Húsinu,Pósthússtræti 3-5. Aðgangseyrir er 1000 kr.

Vefur Músíktilrauna: www.musiktilraunir.is
Vefur Tanksins: www.tankurinn.com