Tónlistarmaðurinn Ólafur Arnalds gefur út breiðskífu með stuðningi Kraums.

Önnur breiðskífa Ólafs Arnalds, ….and the have escaped the wieght of darkness, er komin út hérlendis sem og á erlendum vettvangi á vegum Erased Tapes. Platan fer með hlustandan í ferðalag gegnum ýmsar stefnur og strauma þar sem blandað er saman klassík, poppi, rokki og raftónlist.

Barði Jóhannsson, betur þekktur sem tónlistarmaðurinn Bang Gang,  var Ólafi til aðstoðar við upptökustjórn og hljóðblöndun. Á plötunni er m.a. að finna lagið ‘Hundred Reasons’ sem er samstarfsverkni Ólafs og Hauks Heiðars söngvara hljómsveitarinnar Dikta.

….and the have escaped the wieght of darkness kemur út með stuðningi Kraums tónlistarsjóðs - sem styrkti Ólaf við gerð plötunnar.

Plötunni hefur verið beðið með mikilli eftirvæntingu víða og er þegar farin að fá góða dóma hjá innlendum sem erlendum fjölmiðlum;

‘Precocious Nordic composer’s sumptuous second LP … Timeless and sublime’
**** – UNCUT

‘An artist of immense maturity’ (9/10)
– Drowned In Sound

Hlekkir
Ólafur Arnalds á MySpace
Ólafur Arnalds heimasíða

Ólafur Arnalds gefur lög á Twitter, hvetur til sköpunar við verk sín á Flickr og vinnur að nýrri breiðskífu

Tónlistarmaðurinn Ólafur Arnalds hefur verið iðinn við tónleikahald erlendis í ár og meðal annars komið fram á tónlistarhátíðunum SPOT í Árósum og núna nýlega Reeperbahn í Hamborg við góðan orðstír.  Ólafur undirbýr nú tónleikhald hérlendis og vinnur sömuleiðis að nýrri breiðskífu, sem nokkrar erlendar plötuútgáfur hafa sýnt áhuga á að gefa út.

Í vor og sumar gaf Ólafur aðdáendum sínum kost á að nálgast hjá sér frí lög gegnum aðgang sinn að samkskiptanetinu Twitter. Nokkur lagana gaf hann síðan út á EP plötunni Found Songs. Ólafur gaf fólki jafnframt kost á að gera myndir við lögin og setja á sérstaka Flickr síðu, en stefnt er að því að nota einhverjar myndana við sérstaka vínyl útgáfu af Found Songs.

Ólafur er ekki aðeins að búa til tónlist eins síns liðs því ásamt Janus Rasmussen úr Bloodgroup skipar hann elektró-teknó dúóið Kiasmos, sem er býsna frábrugðin klassískri/neó-klassískri sóló tónlist hans.

Ólafur tók þátt í You Are in Control ráðstefnu ÚTÓN / Iceland Music Export þar sem miðlaði reynslu sinni við að koma sér og tónlist sinni á framfæri á netinu sem ræðumaður í panelnum ‘Live Work And Digital Promotion’.

Ólafur Arnalds var tilnefndur til Kraumsverðlaunanna árið 2008 fyrir breiðskífu sína Variations of Static.

Kraumur styður og vinnur með Ólafi Arnalds við gerð hans nýjustu breiðskífu og tónleikahald á landsbyggðinni

Næstu tónleikar
Sep 24 2009      NASA, Reykjavík, IS
Sep 25 2009     Uppsala Konsert & Kongress, Uppsala, SE
Sep 26 2009     Reeperbahn Festival     Hamburg, DE
Oct 13 2009     Saddler’s Wells Theatre (’Dyad 1909’ ballet PREMIERE), London, UK
Oct 14 2009     Saddler’s Wells Theatre (’Dyad 1909’ ballet performance), London, UK
Oct 15 2009     Saddler’s Wells Theatre (’Dyad 1909’ ballet performance), London, UK
Oct 16 2009     Saddler’s Wells Theatre (’Dyad 1909’ ballet performance), London, UK
Oct 17 2009     Iceland Airwaves Festival, Reykjavík, IS
Dec 16 2009     Grimaldi Forum (’Dyad 1909’ ballet performance), Monaco
Dec 17 2009     Grimaldi Forum (’Dyad 1909’ ballet performance), Monaco

Hlekkir:

Ólafur Arnalds á MySpace
Kiasmos á MySpace
Ólafur Arnalds á Twitter
Ólafur Arnalds á LoFi.tv
Ólafur Arnalds á Wikipedia
Ólafur Arnalds’ Found Songs on Erased Tapes
Found Songs á Flickr

Hljómsveitin For a Minor Reflection og tónlistarmaðurinn Ólafur Arnalds á einni stærstu tónlistarhátíð Norðurlanda; SPOT Festival 21.-23. maí.

Emelíana Torrini, Dísa, Svavar Knútur, For a Minor Reflection [mynd] Ólafur Arnalds eru meðal þeirra 110 listamanna og hljómsveita sem koma fram á tónlistarhátíðinni SPOT í Árósum, Danmörku, um helgina.

SPOT Festival hefur farið fram árlega síðan árið 1994. Dagskrá hátíðarinnar samanstendur að mestu af hljómsveitum og listamönnum víðsvegar að frá Norðurlöndunum, aðallega nýjum hljómsveitum á uppleið - en einnig stærri númerum. Ýmsar smiðjur og ráðstefnur fara fram samhliða tónlistarhátíðinni.

Meðal þeirra sem hafa komið fram á SPOT snemma á ferli sínum eru Kashmir (DK, 1997), Sigur Rós (IS, 1999), The Raveonettes (DK, 2002), Junior Senior (DK, 2002), Mew (DK, 2005) og Oh No Ono (DK, 2007).

Kraumur tónlistarsjóður vinnur með og styður við For a Minor Reflection og Ólaf Arnalds, að gerð nýrra breiðskífna sem væntanlegar eru á árinu.

Tenglar
www.spotfestival.dk
Olafur Arnalds
For a Minor Reflection

Kraumur tónlistarsjóður kynnti í dag á Boston, Laugavegi, fyrstu úthlutanir sínar og stuðning við íslenskt tónlistarlíf, tónlistarmenn og hljómsveitir árið 2009.

Áhersla er lögð á innlend verkefni og starfsemi listamanna og hljómsveita hérlendis í stuðningi Kraums í ár, allt frá plötugerð til námskeiða- og tónleikahalds á landsbyggðinni.

Meðal þeirra listamanna sem Kraumur mun styðja og vinna með á árinu eru Hjaltalín, Lay Low, Sindri Már Sigfússon (Sin Fang Bous / Seabear), Ólafur Arnalds, Ólöf Arnalds, Mógil, For a Minor Reflection og Nordic Affect.

Kraumur mun jafnframt styðja við tónleika fjölda ungra listamanna á Stofutónleikum Listahátíðar í Reykjavík, námskeið og vinnusmiðjur á tónlistarhátíðinni Aldrei fór ég suður á Ísafirði, Tónlistarhátíð unga fólksins í Kópavogi og Reykjavik Jazz Performance vinnusmiðjur fyrir unga og upprennandi listamenn.

Kraumur mun  standa fyrir Hljóðverssmiðjum í Tankinum á Flateyri með verðlaunasveitum Músíktilrauna 2009 og þátttöku reyndari tónlistarmanna. Innrásin, átak Kraums til stuðnings tónleikahaldi á landsbyggðinni, heldur áfram af fullum krafti á árinu og að þessu sinni er kynntur stuðningur við hljómsveitirnar; Sudden Weather Change, Árstíðir, Nögl, Molestin o.fl. í tengslum við Innrásina, sem m.a. munu koma fram á tónlistarhátíðunum Eistnaflugi á Neskaupsstað og Lunga á Egilsstöðum.

Kraumur mun jafnframt styðja við Trúbatrix, nýtt tengslanet og tónlistarhóp sem samanstendur af íslenskum tónlistarkonum sem flytja frumsamda Íslenska tónlist, til tónleikahalds innanlands.

Alls hefur tæpum 11 milljónum nú verið úthlutað í beinan stuðing til listamanna og hljómsveita, eigin verkefna Kraums og samstarfsverkefna sjóðsins.

YFIRLIT ÚTHUTANA OG VERKEFNA

Samstarf og beinn stuðningur  við listamenn (4.700.000 kr)

• Hjaltalín (Plötugerð, tónleikahald & önnur starfsemi) 1.200.000 kr
• Nordic Affect (Plötugerð) 500.000 kr
• Sindri Már Sigfússon / Sin Fang Bous (Plötugerð) 500.000 kr
• Ólöf Arnalds (Plötugerð) 500.000 kr
• Ólafur Arnald (Plötugerð) 500.000 kr
• For a Minor Reflection (Plötugerð) 500.000 kr
• Lay Low (Tónleikahald og kynning erlendis) 500.000 kr
• Mógil (Tónleikahald innanlands (Innrás) og á WOMEX) 500.000 kr

Samstarfsverkefni (1.800.000 kr)

• Stuðningur við tónleika ungra listamanna á Listahátíð í Reykjavík (Stofutónleikar) 1.000.000 kr
• Tónlistarhátíð unga fólksins 400.000 kr
• Reykjavik Jazz Performance Workshop 400.000  kr

Innrásin (1.600.000 kr)

Átak Kraums til stuðnings tónleikahalds á landsbyggðinni. Markmið Innrásarinnar er að auka við möguleika listamanna og hljómsveita til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni.

• Árstíðir, Svavar Knútur & Helgi Valur (Rás 2 plokkar hringinn) 400.000 kr
• Trúbatrix (ýmsir listamenn) 400.000 kr
• Sudden Weather Change, Retro Stefson o.fl. (Sumargleði, Lunga) - 400.000 kr
• Nögl og hljómsveitir á þeim stöðum heimsóttir eru - 200.000 kir
• Momentum og fleiri hljómsveitir Molestin Records á Eistnaflugi - 200.000 kr

Eigin verkefni Kraums (2.700.000 kr)

• Kraumsverðlaunin (stuðningur við plötuútgáfu)  1.200.000 kr
• Hljóðverssmiðjur Kraums og Tanksins (þremur verðlaunahöfum Músíktilrauna 2009 tryggt pláss) 1.000.000 kr
• Námskeiðahald og vinnusmiðjur á Aldrei fór ég suður 500.000 kr

>> Smelltu á hlekkinn hér að neðan til að lesa meira um fyrstu úthlutanir og stuðning Kraums við íslenskt tónlistarlíf 2009.

(more…)

Jólarokk í Íslensku óperunni, sunnudaginn 28. desember. Fyrir alla aldurshópa.

Nokkrar af efnilegustu hljómsveitum Íslands hafa sameinað krafta sína og ákveðið að halda stórtónleika í Íslensku óperunni þann 28. desember næstkomandi. Þessu framtaki gæti verið lýst sem einskonar árshátíð tónlistarlífsins á Íslandi, en allar sveitirnar hafa verið áberandi uppá síðkastið.

Fram koma; For a Minor Reflection gaf út sína fyrstu plötu, ‘Reistu þig við, sólin er komin á loft…’ í fyrra og eru nýkomnir heim úr 3ja vikna tónleikaferðalagi með Sigur Rós. Ólafur Arnalds hefur verið á tónleikaferð erlendis meira og minna allt árið og vekur sífellt meiri athygli utan landsteinanna, loksins kominn aftur til landsins. Ultra Mega Technobandið Stefán gaf út sína fyrstu plötu ‘Circus’ í ár og hefur skapað sér orðspor fyrir einstaka frammistöðu á tónleikum. XXX Rottweiler hundar halda áfram að valda usla með beittum lögum á borð við “Reykjavík Belfast”. Retro Stefson gaf nýverið út frumraun sína ‘Montana’ sem hlaut Kraumsverðlaunin 2008, tilnefndir sem bjartasta vonin á Íslensku Tónlistarverðlaununum.

Miðasala fer fram í verslunum Skífunnar og á Midi.is. Miðaverð er 1.200 kr. í forsölu, en 1.500 við hurð á tónleikadag. Húsið opnar klukkan 19.30 og verða miðar seldir frá klukkan 14:30 í anddyri Íslensku óperunnar.

Kraumur styður tónleikana og kemur að undirbúningi þeirra ásamt Seltjarnarnesbæ.

Ólafur Arnalds lýkur 6 mánaða tónleikaferðalagi með tónleikum í Fríkirkjunni, fimmtudaginn 18. desember.

Þrátt fyrir ungan aldur hefur Mosfellingurinn Ólafur Arnalds vakið verðskuldaða athygli og fyllt tónleikahallir víðsvegar um heiminn, þar á meðal Barbican Hall í London. Hann hélt nýlega upp á 22 ára afmælisdaginn sinn í tónleikarútu, enda búinn að vera í nánast einni samfelldri tónleikaferð frá því í maí og leika á um 100 tónleikum í yfir 20 löndum.

Auk þess að spila á fjölda tónlistarhátíða hitaði Ólafur upp fyrir Sigur Rós á nokkrum tónleikum sveitarinnar í Evrópu. Á tónleikaferðinni hefur Ólafur leikið efni af breiðskífum sínum; ‘Eulogy for Evolution’ og ‘Variation of Static’.

Frumburður Ólafs Arnalds, ‘Eulogy for Evolution’, vakti mikla athygli í tónlistarpressunnin, fékk frábæra dóma í innlendum sem erlendum fjölmiðlum og endaði á fjölmörgum “Bestu plötur ársins 2007” listum. Í maí gaf Ólafur síðan út stuttskífuna ‘Variations of Static’, þar sem hann hélt í klassískan grunn frumburðar síns, en kynnti einnig til sögunnar elektróník. Ólafur vinnur nú að þriðju plötu sinni, en viðræður eru í gangi við nokkrar erlendar plötuútgáfur um útgáfu hennar.

Tónleikarnir í Fríkirkjunni hefjast klukkan 20:00. Sérstakur gestur á tónleikunum verður Ólöf Arnalds. Forsala er í verslunum Skífunnar og á Midi.is og er miðaverð aðeins 1.000 krónur í forsölu.

Kraumur styður við tónleika Ólafs Arnalds í Fríkirkjunni og kemur að undirbúningi þeirra. Plata Ólafs ‘Variations of Static’ var tilnefnd til Kraumsverðlaunanna 2008. Frekari upplýsingar; www.olafurarnalds.com