Hljómsveitin Leaves vinnur að gerð nýrrar breiðskífu með stuðning Kraums.
Hljómsveitin Leaves hefur undanfarnar mánuði unnið að gerð nýrrar breiðskífu sem ylgja mun í kjölfar síðustu plötu sveitarinnar, We Are Shadows, sem kom út árið 2009. Upphaflega stefnt að því að nýja platan kæmi út áður en árið er liðið, en nú hefur markmið verið sett á útgáfu í upphafi næsta árs.
Leaves hefur fylgt íslenskri rokkmenningu í tæpan áratug og á að baki líflegan feril, hérlendis sem erlendis. Sveitin var stofnuð snemma árs 2001 og á að baki þrjár breiðskífur; Breathe (2002), The Angela Test (2005) og eins og áður sagði We Are Shadows (2009) - sem meðal annars hafa fengið lofsamlega dóma hjá Q Magazine, Uncut og Rolling Stone.
Að sögn meðlima Leaves gengur vinnan við nýju plötuna vel og verið er að plana útgáfu hérlendis sem erlendis.
Kraumur tónlistarsjóður styður við gerð plötunnar.
Kammerhópurinn Nordic Affect leggur lokahönd á nýja breiðskífu og leikur á tónleikumAemstelrande Concerten tónleikaraðarinnar í Amsterdam í nóvember.
Kammerhópurinn Nordic Affect er á síðustu metrunum með að klára nýja breiðskífu með tónlist úr Hymnodia Sacra handritinu. Upptökur fóru fram í Skálholtskirkju síðasta sumar og nú er hljóðvinnslu og frágangi á að ljúka. Enginn útgáfudagur er enn komin á hljómplötuna, en stefnt er á útgáfu fyrir árslok.
Nordic Affect hefur ekki staðið auðum höndum síðan upptökur fyrir plötuna fóru fram síðasta sumar.
Hópurinn hefur leikið á fjölda tónleika, m.a. á Listahátíð í Reykjavík 2009 og 2010, “Frá Putlandi til Parísar” í Þjóðmenningarhúsinu og Dönsku kirkjunni í París og “Händel endurunninn á Íslandi” á Vantaa tónlistarhátíðinni.
Tónleikar innan Aemstelrande Concerten tónleikaraðarinnar í Amsterdam eru áætlaðir 27. nóvember. Þar mun hópurinn flytja verk eftir Purcell, Pergolesi, Corelli, Tuma og Leclair.
Kammerhópurinn Nordic Affect var stofnaður árið 2005 með að markmiði að miðla ríkidæmi tónlistar 17.og 18.aldar og flytja samtímatónlist. Meðlimir hópsins eiga allir að baki nám í sagnfræðilegum hljóðfæraflutningi og koma reglulega fram víða um Evrópu. Nordic Affet hefur m.a. hljóðritað fyrir Ríkisútvarpið og Samband Evrópskra Útvarpsstöðva. Fyrsti geisladiskurinn með leik þeirra; Apocrypha eftir Huga Guðmundsson var tilnefndur til Íslensku Tónlistarverðlaunanna og hlaut Kraumsverðlaunin 2008.
Listrænn stjórnandi hópsins er Halla Steinunn Stefánsdóttir
Hljóðsetningu á væntalegri hljómplötu annaðist Georg Magnússon.
Kraumur tónlistarsjóður vinnur með hópnum og styður við upptökur og útgáfu nýrrar hljómplötu Nordic Affect. Tónlistarsjóður Menntamálaráðuneytisins styður jafnframt við verkefnið.
Nordic Affect skipa;
Halla Steinunn Stefánsdóttir, fiðla
Georgia Browne, þverflauta
Guðrún Hrund Harðardóttir, víóla
Hanna Loftsdóttir, selló og gamba
Karl Nyhlin, lúta
Guðrún Óskarsdóttir, semball
Víkingur Heiðar Ólafsson undirbýr upptökur og útgáfu fyrir nýja breiðskífu sem væntanleg er í nóvember.
Píanóleikarinn Víkingur Heiðar Ólafsson undirbýr þessa dagana upptökur fyrir aðra breiðskífu sína sem fylgja mun í kjölfarið á frumburðinum Debut. Platan mun innihalda verk Johann Sebastian Bach (Partitas No 2 and 5) og Frédéric Chopin (24 Preludes). Áætlað er að upptökur fari fram í lok október og að platan líti dagsins ljós þann 27. nóvember. Útgefandi er Hands on Music útgáfa Víkings sjálfs.
Víkingur Heiðar lauk námi til meistaragráðu frá Juilliard Listaháskólanum vorið 2008. Hann hefur komið fram á fjölda tónleika frá unglingsaldri, m.a. Í Bandaríkjunum, Kína, Kanada, Lettlandi, Rúmeníu, Ítalíu, Belgíu, Spáni og Frakklandi auk þess að leika einleik m.a. með Sinfóníuhljómsveit Íslands, Juilliard Orchestra, New Juilliard Ensemble, Caput og Kammersveit Reykjavíkur.
Víkingur hefur hlotið fjölmörg verðlaun og viðurkenningar fyrir leik sinn. Hann hefur unnið Íslensku Tónlistarverðlaunin sem besti flytjandi og bjartasta vonin, sigrað í konsertkeppni Juilliard skólans og hlotið Menningarverðlaun Ameríska-Skandinavíska félagsins. Víkingur var tilnefndur til Tónlistarverðlauna Norðurlandaráðs 2009.
Kraumur styður Víking Heiðar og Hands on Music við gerð, vinnslu og útgáfu plötunnar.
Ólöf Arnalds frumsýnir nýtt myndband við lagið “Crazy Car” og heldur í tónleikaferð þar sem hún leikur meðal annars með stórstjörnunum í Air í Frakklandi og Blonde Redhead í Bandaríkjunum.
Tónlistarkonan Ólöf Arnalds heldur í heilmikla tónleikaferð um Evrópu og Bandaríkin í vetur í kjölfar útgáfu annarrar breiðskífu sinnar; Innundir skinni, sem kemur út þann 13. september hérlendis sem erlendis. Í tónleikaferðinni mun Ólöf meðal annars leika á undan stórstjörnunum í Air á fernum tónleikum í Frakklandi í nóvember og vítt og breytt um Bandaríkin með Blonde Redhead í nóvember og desember.
Alls er búið að staðfesta 32 tónleika fyrir ferðina, sem hefst á End of the Road Festival í Bretlandi 12. september og lýkur Austin, Texas.
Nýtt myndband við lag á plötunni, “Crazy Car”, hefur nú verið frumsýnt á bandarísku tónlistarsíðunni Stereogum. Lagið er eitt af þremur lögum plötunnar sem Ólöf syngur á ensku. Listamaðurinn Ragnar Kjartansson leggur Ólöfu lið í laginu og myndbandinu, sem hann leikstýrir ásamt Asdís Sif Gunnarsdóttir. Mynbandið má finna hér að neðan.
Innundir skinni kemur út mánudaginn 13. september hjá One Little Indian plötuútgáfunni erlendis og hjá Smekkleysu hér á Íslandi. Meðal þeirra sem leggja Ólöfu lið á plötunni eru Skúli Sverrisson, Davið Þór Jónsson, María Huld Markan Sigfúsdóttir, Daníel Bjarnason, Matthías Hemstock, Róbert Reynisson, Ragnar Kjartansson og Björk. Kjartan Sveinsson úr Sigur Rós stjórnar upptökum á plötunni, klíkt og hann gerði á síðustu og fyrstu plötu Ólafar, Við og við, sem kom út hjá 12 tónum árið 2007.
Kraumur tónlistarsjóður hefur unnið með Ólöfu Arnalds og stutt við tónleikhald hennar, kynningu á erlendum vettvangi og plötugerð Innundir skinni frá árinu 2008.
Innundir skinni - Tónleikferð:
09/12 – Salisbury, UK @ End of the Road Festival
09/14 – London, UK @ Bush Hall
09/15 – Bristol, UK @ Louisiana
09/16 – Manchester, UK @ Dulcimer
09/18 – Glasgow, UK @ Captain’s Rest
09/20 – Brussels, Belgium @ Botanique
09/21 – Berlin, Germany @ Private Club
09/23 – Hamburg, Germany @ Reeperbahm
09/24 – Dublin, Ireland @ Dublin Fringe Festival
09/25 – Paris, France @ Eustache
10/08 - Philadelphia, PA @ First Unitarian Chapel
10/09 - NY, NY @ Joe’s Pub
10/11 - Washington DC @ IOTA
10/15 - Columbus, OH @ Wexner Center
10/18 - Chicago, IL @ Schubas
11/03 – Brest, France @ La Carene *
11/04 – Caen, France @ Le Cargo *
11/05 – Paris, France @ Le Manege *
11/06 – Firminy, France @ De La Maison De La Culture *
11/14 – San Diego, CA @ House Of Blues ^
11/15 – Pomona, CA @ The Glass House ^
11/16 – Los Angeles, CA @ The Music Box ^
11/19 – San Francisco, CA @ Warfield Theater ^
11/20 – Portland, OR @ Roseland Theater ^
11/21 – Vancouver, BC @ Commodore Ballroom ^
11/24 – Seattle, WA @ Showbox at the Market ^
11/26 – Salt Lake City, UT @ The Depot ^
11/27 – Denver, CO @ Ogden Theater ^
11/29 – Houston, TX @ Warehouse Live Studio ^
11/30 – Dallas, TX @ Granada Theater ^
12/01 – Austin, TX @ La Zona Rosa ^
Kraumur óskar Hljómsveitinni Dikta til hamingju með gullið.
Kraumur tónlistarsjóður óskar hljómsveitinni Dikta til hamingju með gullplötusölu á breiðskífunni Get it Together. Meðal laga plötunnar eru “From Now On” og “Thank You”, en um er að ræða þriðju breiðskífu sveitarinnar. Dikta þakkaði fyrir sig með ókeypis tónleikum á NASA á Austurvöll í síðasta mánuði þar sem fullt var út úr dyrum.
Kraumur studdi Dikta við gerð plötunnar Get it Together sem stuðnings- og samstarfsaðili.
Tónlistarmaðurinn Ólafur Arnalds gefur út breiðskífu með stuðningi Kraums.
Önnur breiðskífa Ólafs Arnalds, ….and the have escaped the wieght of darkness, er komin út hérlendis sem og á erlendum vettvangi á vegum Erased Tapes. Platan fer með hlustandan í ferðalag gegnum ýmsar stefnur og strauma þar sem blandað er saman klassík, poppi, rokki og raftónlist.
Barði Jóhannsson, betur þekktur sem tónlistarmaðurinn Bang Gang, var Ólafi til aðstoðar við upptökustjórn og hljóðblöndun. Á plötunni er m.a. að finna lagið ‘Hundred Reasons’ sem er samstarfsverkni Ólafs og Hauks Heiðars söngvara hljómsveitarinnar Dikta.
….and the have escaped the wieght of darkness kemur út með stuðningi Kraums tónlistarsjóðs - sem styrkti Ólaf við gerð plötunnar.
Plötunni hefur verið beðið með mikilli eftirvæntingu víða og er þegar farin að fá góða dóma hjá innlendum sem erlendum fjölmiðlum;
‘Precocious Nordic composer’s sumptuous second LP … Timeless and sublime’
**** – UNCUT
Þriðja breiðskífa hljómsveitarinnar Dikta, Get It Together, er komin út og í verslanir hérlendis.
Fjögur ár eru síðan hljómsveitin Dikta gaf út sína síðustu breiðskífu Hunting For Happiness. Mikið vatn hefur runnið til sjávar síðan þá, sveitin hefur verið iðinn við tónleikhald hérlendis og erlendis, samið tónlist fyrir ýmis verkefni og jafnframt sent frá sér nokkur lög - m.a. “Let Go” sem náði miklum vinsældum á útvarpsstöðvum fyrr í ár.
Aðdáendahópur Dikta hefur stækkað umtalsvert síðustu ár, bæði hér heima sem erlendis. Hunting For Happiness var valin ein af 100 bestu plötum Íslandssögunnar í vali Rás 2, Félags Íslenskra Hljómplötuútgáfna og Tonlist.is og ljóst að margir bíða með eftirvæntingu eftir þriðju breiðskífu sveitarinnar sem hlotið hefur titilinn Get It Together og er nú komin út.
Meðal þeirra sem koma að vinnslu plötunnar er sænski upptökustjórinn Jens Bogren.
Kraumur tónlistarsjóður styður við Dikta í plötugerð sinni og hefur tekið þátt í vinnslu plötunnar síðan í upphafi árs 2008.
Hljómsveitin Hjaltalín mun á næstu dögum og vikum leika á tónleikum í Reykjavík og víða á landsbyggðinni í tilefni af útgáfu sinnar annarar breiðskífu; Terminal.
Hljómsveitin Hjaltalín hefur ærlegt fagnaðarferðlag sitt um landið með tónleikum á Blönduósi fimmtudaginn 19. nóvember. Með í för eru Snorri Helgason og Sigríður Thorlacius & Heiðurspiltar sem eru að gefa út sínar fyrstu plötur; I’m Gonna Put My Name on Your Door og Á Ljúflingshól.
Hjaltalín hefur leikið á um eitt hundrað tónleikum síðastliðið ár, uaðallega á erlendri grundu. Tónleikar hljómssveitarinnar hérlendis á árinu eru teljandi á fingrum annarrar handar og hefur hún aldrei farið í tónleikaferð um Ísland. Því verður þessi tónleikaferð ekki eingöngu kjörið tækifæri fyrir fólk á landsbyggðinni til að upplifa tónleika Hjaltalín heldur er hér einnig á ferð langþráður draumur meðlima sveitarinnar til að sanna sig utan höfuðborgarsvæðisins og er tilhlökkunin mikil meðal hópsins.
Tónleikarnir eru sem hér segir:
19. nóv Blönduós – Félagsheimilið (Forsala: Potturinn og pannan)
Kraumur tónlistarsjóður vinnur með og styður Hjaltalín til afreka innanlands sem utan á árinu, þar með talið tónleikahald sveitarinnar og gerð breiðskífunnar Terminal.
Kraumur er samstarfs- og styrktaraðili tónleikaferðarinnar um landið ásamt Rás 2. Tónleikarnir eru liðir í Innrásinni - átakst Kraums til stuðnings tónleikahalds innanlands.
Ólafur Arnalds gefur lög á Twitter, hvetur til sköpunar við verk sín á Flickr og vinnur að nýrri breiðskífu
Tónlistarmaðurinn Ólafur Arnalds hefur verið iðinn við tónleikahald erlendis í ár og meðal annars komið fram á tónlistarhátíðunum SPOT í Árósum og núna nýlega Reeperbahn í Hamborg við góðan orðstír. Ólafur undirbýr nú tónleikhald hérlendis og vinnur sömuleiðis að nýrri breiðskífu, sem nokkrar erlendar plötuútgáfur hafa sýnt áhuga á að gefa út.
Í vor og sumar gaf Ólafur aðdáendum sínum kost á að nálgast hjá sér frí lög gegnum aðgang sinn að samkskiptanetinu Twitter. Nokkur lagana gaf hann síðan út á EP plötunni Found Songs. Ólafur gaf fólki jafnframt kost á að gera myndir við lögin og setja á sérstaka Flickr síðu, en stefnt er að því að nota einhverjar myndana við sérstaka vínyl útgáfu af Found Songs.
Ólafur er ekki aðeins að búa til tónlist eins síns liðs því ásamt Janus Rasmussen úr Bloodgroup skipar hann elektró-teknó dúóið Kiasmos, sem er býsna frábrugðin klassískri/neó-klassískri sóló tónlist hans.
Ólafur tók þátt í You Are in Control ráðstefnu ÚTÓN / Iceland Music Export þar sem miðlaði reynslu sinni við að koma sér og tónlist sinni á framfæri á netinu sem ræðumaður í panelnum ‘Live Work And Digital Promotion’.
Ólafur Arnalds var tilnefndur til Kraumsverðlaunanna árið 2008 fyrir breiðskífu sína Variations of Static.
Kraumur styður og vinnur með Ólafi Arnalds við gerð hans nýjustu breiðskífu og tónleikahald á landsbyggðinni
Næstu tónleikar
Sep 24 2009 NASA, Reykjavík, IS
Sep 25 2009 Uppsala Konsert & Kongress, Uppsala, SE
Sep 26 2009 Reeperbahn Festival Hamburg, DE
Oct 13 2009 Saddler’s Wells Theatre (’Dyad 1909’ ballet PREMIERE), London, UK
Oct 14 2009 Saddler’s Wells Theatre (’Dyad 1909’ ballet performance), London, UK
Oct 15 2009 Saddler’s Wells Theatre (’Dyad 1909’ ballet performance), London, UK
Oct 16 2009 Saddler’s Wells Theatre (’Dyad 1909’ ballet performance), London, UK
Oct 17 2009 Iceland Airwaves Festival, Reykjavík, IS
Dec 16 2009 Grimaldi Forum (’Dyad 1909’ ballet performance), Monaco
Dec 17 2009 Grimaldi Forum (’Dyad 1909’ ballet performance), Monaco
Hljóðverssmiðjur Kraums haldnar í fyrsta sinn á Flateyri.
Hljóðverssmiðjur Kraums voru haldnar í hljóðverinu Tankinum á Flateyri dagana 11.-18. júní. Mikil ánægja var með hvernig til tókst, bæði meðal þátttakenda sem og þeirra sem tóku að sér kennslu að vinna með hljómsveitunum.
Nokkur lög voru kláruð í hljóðverinu og vel heppnað námskeið um upptökur, lagasmíðar og fyrstu skrefin í tónlistarbransanum haldið. Óvæntir tónleikar voru svo haldnir á Flateyri meðal listamannanna laugardagskvöldið 13. júní.
Hljómveitirnar sem tóku þátt í smiðjunum voru Bróðir Svartúlfs [mynd], Ljósvaki og The Vintage - sem skipuðu þrjú efstu sætin á Músíktilraunum 2009, en meðal verðlauna á Músíktilraunum í ár var þáttaka í smiðjunum.
Leiðbeinendur voru Mugison (Örn Elías Guðmundsson) tónlistarmaður, Páll Ragnar Pálsson tónlistarmaður með BA í Tónsmíði frá Listaháskóla Íslands og er að ljúka mastersnámi í vor frá Estonian Academi of Music og Tanks-foringinn Önundur Hafsteinn Pálsson, tónlistarmaður, upptökumaður og tónlistarkennari á Ísafirði og Flateyri.
Markmiðið með Hljóðverssmiðjum Kraums er að styðja við grasrótina í íslensku tónlistarlífi, miðla reynslu og gefa hljómsveitunum tækifæri á að taka upp efni sem nýst gæti við kynningu á sér og sinni tónlist. Í smiðjunum gefst jafnframt tækifæri til að semja ný lög og vinna saman.
Kammerhópurinn Nordic Affect mun um mánaðarmótin hefja upptökur á sinni fyrstu breiðskífu í Skálholtskirkju.
Kammerhópurinn Nordic Affect var stofnaður 2005 með það að markmiði að miðla ríkidæmi tónlistar 17. og 18. aldar og flytja samtímatónlist. Nafn hópsins er tilvísun í þá yfirlýstu stefnu tónskálda fyrri alda að miðla ‘affect’ eða tilfinningu til áheyrandans með tónsmíðum sínum. Með stofnun hópsins myndaðist starfsvettvangur fyrir tónlistarmenn sem eiga það sameiginlegt að vilja með flutningi sínum varpa nýju ljósi á verk fyrri alda og halda á ókönnuð mið.
Kraumur tónlistarsjóður vinnur með hópnum og styður við upptökur og útgáfu fyrstu hljómplötu Nordic Affect.
Nordic Affect skipa;
Halla Steinunn Stefánsdóttir, fiðla
Georgia Browne, þverflauta
Guðrún Hrund Harðardóttir, víóla
Hanna Loftsdóttir, selló og gamba
Karl Nyhlin, lúta
Guðrún Óskarsdóttir, semball
Trúbatrixur fagna grósku íslenskra tónlistarkvenna með safndisk og tónleikaferð um landið - í samstarfi við Innrásarverkefni Kraums og Rás 2.
Tónleikaferð Trúbatrix hópsins um Ísland hefst í kvöld, miðvikudaginn 2. júní, á Kaffi Rósenberg í Reykjavík. Tónleikarnir eru jafnframt útgáfutónleikar safndisksins Taka 1 sem inniheldur 15 frumsamin lög eftir íslenskar tónlistarkonur.
Diskurinn er afar fjölbreyttur og inniheldur ný lög frá þekktari söngkonum á borð við Fabúlu, Elízu Geirsdóttir Newman og Þórunni Antóníu ásamt upprennandi stjörnum á borð við Elínu Ey, Mysterious Marta og stúlknasveitinni Pascal Pinon. Taka 1 er alfarið heima unninn á Íslandi og sjá trixurnar sjálfar um að skreyta og brenna diska . Smekkleysa sér um dreifingu disksins, sem fæst í öllum helstu plötuverslunum - og verður til sölu á hringferð Trúbatrix um landið.
Trúbatrix er nýtt tengslanet og tónlistarhópur sem samanstendur af ungum tónlistarkonum sem flytja frumsamda tónlist.
Innrásin er átak Kraums til stuðnings tónleikahalds á landsbyggðinni. Markmið Innrásarinnar er að auka við möguleika listamanna og hljómsveita til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni.
Þær sem eiga lög á Taka 2:
Miss Mount
Elín Ey
Mysterious Marta
Elíza Newman
Þórunn Antónía
Áslaug Helga
Fabúla
Jara
Pascal Pinon
Heiða Dóra
Joanne Kearney
Uni
Beta
Gunna Lára
Songbird
Lydía
Sigga Eyþórs
Hljómsveitin Hjaltalín hefur tónleikaferð sína um Bretlandseyjar í kvöld, leikur á tónlistarhátíðunum Great Escape í Brighton og Eurocultured í Manchester síðar í mánuðinum.
Hjaltalín hefur tónleikaferð sína með Bretland með tónleikum á Shakespeare í Sheffield í kvöld. Framundan eru tónleikar í fleiri borgum Englands, auk Edinborg og Glasgow í Skotlandi og Cardiff í Wales. Hápunktur ferðarinnar er vafalaust tónleikar á tónlistarhátíðinni Great Escape í Brighton 14. og 15. maí.
Meðal annarra listamanna sem koma fram á Great Escape 2009 eru The Black Lips, The Pipettes og Kasabian. Bretlands-túrnum lýkur síðan í Manchester á Eurocultured hátíðinni.
Hjaltalín leikur á Listahátíð í Reykjavík í Íslensku óperunni miðvikudaginn 27. maí ásamt kammersveit, undir stjórn Daníels Bjarnasonar. Mánuðinum lýkur sveitin síðan á Cooperative De Mai í Clermont-Ferrand, Frakklandi (29. maí) og Live Across Festival í Mílanó, Ítalíu.
Kraumur vinnur með og styður Hjaltalín til afreka innanlands sem utan á árinu, þar með talið tónleikahald sveitarinnar og gerð nýrrar breiðskífu.
Ólöf Arnalds hefur lokið við upptökum á nýrri breiðskífu, sefnt er á útgáfu síðar á árinu.
Ólöf Arnalds hefur lokið upptökum á sinni annarri breiðskífu. Platan er tekin er upp af Kjartan Sveinssyni (Sigur Rós), sem einnig leikur á plötunni ásamt konu sinni Maríu Huld Markan Sigfúsdóttur (Amiina). Fleiri koma fram á plötunni og má þar nefna; Skúla Sverrisson, Davíð Þór Jónsson og Shahzad Ismaily, sem unnið hefur með Tom Waits, Bonnie ‘Prince’ Billy o.fl. Platan mun fylga eftir frumburðinum einstaka; Við og við.
Kraumur heldur áfram að vinna með Ólöfu Arnalds og styðja við tónlistarferil hennar. Samstarfið hófst í fyrra við stuðings Kraums við plötugerðina, en verkefnið tók nokkrum breytingum eftir því sem leið á árið og ýmis tækifæri gáfust á innlendum og erlendum vettvangi. Hér er á ferð eina framhalds verkefni Kraums frá því í fyrra sem teygir sig fram á þetta ár.
Árið 2008 lék Ólöf Arnalds m.a. á Náttúru tónleikum Bjarkar og Sigur Rósar, nokkrum tónleikum í New York m.a. á Le Poisson Rouge - auk þess sem hún kom fyrst allra íslenskra listamanna fram á tónlistarhátíðinni WOMEX, fyrir tilstuðlan Útflutningsskrifstofu íslenskrar tónlistar (ÚTÓN/IMX). Tónleikar Ólafar þar vöktu verðskuldaða athygli hjá tónleikahöldurum, plötuútgáfum og fjölmiðlum og opnuðu leiðina fyrir fleiri listamenn við að koma fram á hátíðinni.
Ólöf Arnalds er þessa dagana stödd í New York. þar sem hún leikur m.a. á tónleikum með Björk og Dirty Projectors.
Ólöf Arnalds - 2009 Tour Dates
May 5 Union Hall - Brooklyn, New York
May 6 Sycamore - Brooklyn, New York
May 7 Scandinavia House - New York, New York
May 8 Housing Works Bookstore Cafe - New York, New York #
# w/Björk and The Dirty Projectors
Kraumur tónlistarsjóður kynnti í dag á Boston, Laugavegi, fyrstu úthlutanir sínar og stuðning við íslenskt tónlistarlíf, tónlistarmenn og hljómsveitir árið 2009.
Áhersla er lögð á innlend verkefni og starfsemi listamanna og hljómsveita hérlendis í stuðningi Kraums í ár, allt frá plötugerð til námskeiða- og tónleikahalds á landsbyggðinni.
Meðal þeirra listamanna sem Kraumur mun styðja og vinna með á árinu eru Hjaltalín, Lay Low, Sindri Már Sigfússon (Sin Fang Bous / Seabear), Ólafur Arnalds, Ólöf Arnalds, Mógil, For a Minor Reflection og Nordic Affect.
Kraumur mun jafnframt styðja við tónleika fjölda ungra listamanna á Stofutónleikum Listahátíðar í Reykjavík, námskeið og vinnusmiðjur á tónlistarhátíðinni Aldrei fór ég suður á Ísafirði, Tónlistarhátíð unga fólksins í Kópavogi og Reykjavik Jazz Performance vinnusmiðjur fyrir unga og upprennandi listamenn.
Kraumur mun standa fyrir Hljóðverssmiðjum í Tankinum á Flateyri með verðlaunasveitum Músíktilrauna 2009 og þátttöku reyndari tónlistarmanna. Innrásin, átak Kraums til stuðnings tónleikahaldi á landsbyggðinni, heldur áfram af fullum krafti á árinu og að þessu sinni er kynntur stuðningur við hljómsveitirnar; Sudden Weather Change, Árstíðir, Nögl, Molestin o.fl. í tengslum við Innrásina, sem m.a. munu koma fram á tónlistarhátíðunum Eistnaflugi á Neskaupsstað og Lunga á Egilsstöðum.
Kraumur mun jafnframt styðja við Trúbatrix, nýtt tengslanet og tónlistarhóp sem samanstendur af íslenskum tónlistarkonum sem flytja frumsamda Íslenska tónlist, til tónleikahalds innanlands.
Alls hefur tæpum 11 milljónum nú verið úthlutað í beinan stuðing til listamanna og hljómsveita, eigin verkefna Kraums og samstarfsverkefna sjóðsins.
YFIRLIT ÚTHUTANA OG VERKEFNA
Samstarf og beinn stuðningur við listamenn (4.700.000 kr)
Hjaltalín (Plötugerð, tónleikahald & önnur starfsemi) 1.200.000 kr
Nordic Affect (Plötugerð) 500.000 kr
Sindri Már Sigfússon / Sin Fang Bous (Plötugerð) 500.000 kr
Ólöf Arnalds (Plötugerð) 500.000 kr
Ólafur Arnald (Plötugerð) 500.000 kr
For a Minor Reflection (Plötugerð) 500.000 kr
Lay Low (Tónleikahald og kynning erlendis) 500.000 kr
Mógil (Tónleikahald innanlands (Innrás) og á WOMEX) 500.000 kr
Samstarfsverkefni (1.800.000 kr)
Stuðningur við tónleika ungra listamanna á Listahátíð í Reykjavík (Stofutónleikar) 1.000.000 kr
Tónlistarhátíð unga fólksins 400.000 kr
Reykjavik Jazz Performance Workshop 400.000 kr
Innrásin (1.600.000 kr)
Átak Kraums til stuðnings tónleikahalds á landsbyggðinni. Markmið Innrásarinnar er að auka við möguleika listamanna og hljómsveita til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni.
Kraumsverðlaunin 2008. Nýtt myndband Stuart Rogers um verðlaunin og Kraum komið á Kraumur TV @ LoFi.TV.Horfa má á myndbandið hér að neðan, einnig á Facebook og það er til niðurhals hér.
Meðal þeirra sem koma fram í myndbandinu eru; Agent Fresco, FM Beflast, Mammút, Retro Stefson, Árni Rúnar Hlöðversson (FM Belfast), Katrína Mogensen og Arnar Pétursson (Mammút), Daníel Bjarnason (Ísafold), Unnsteinn Stefánsson (Retro Stefson), Eldar Ástþórsson (framkvæmdastjóri Kraums), Árni Mattíasson (blaðamaður á Morgunblaðinu og formaður dómnefndar Kraumsverðlaunanna), Halla Steinunn Stefánsdóttir (þáttagerðarmaður á Rás 1 og meðlimur dómnefndar Kraumsverðlaunanna) og Ólafur Páll Gunnarsson (tónlistarstjóri Rásar 2 og meðlimur dómnefndar Kraumsverðlaunanna).
Kraumsverðlaunin 2008 afhent og tilkynnt í æfingahúsnæði að Smiðjustíg 4A.
Verðlaunin hlutu; Agent Fresco fyrir Lightbulb Universe, FM Belfast fyrir How to Make Friends, Hugi Guðmundsson fyrir Apocrypha, Ísafold fyrir All Sounds to Silence Come, Mammút fyrir Karkara og Retro Stefson fyrir Montaña. Frekari upplýsingar um verðlaunaplötur og tilnefningar má nalgast hér.
Kraumsverðlaunin eru á næsta leiti og verða afhent í fyrsta sinn í næstu viku, föstudaginn 28. nóvember.
Dómnefnd Kraumsverðlaunanna færist nær niðurstöðu og birtir nú úrvalslista, sem inniheldur 48 plötur sem koma til greina sem verðlaunaplötur Kraumsverðlaunanna 2008. Listinn er unninn úr fyrstu fundum dómnefndar Kraumsverðlaunanna og skilalistum dómnefndaraðila.
Dómnefnd Kraumsverðlaunnana er skipuð 15 aðilum sem hafa víðtæka reynslu af að fjalla um og spila íslenska tónlist á ýmsum sviðum fjölmiðlunar, í dagblöðum, útvarpi og á netinu.
Óhætt að segja að árið í ár sé öflugt hvað plötuútgáfu varðar, enda fjölmargir spennandi titlar sem ekki komast á úrvalslista Kraumsverðlaunanna. Dómnefnd vinnur nú það erfiða starf að velja af listanum útnefnda titla og þær 5 verðlaunaplötur sem Kraumur verðlaunar og kynnir til leiks í næstu viku. Eins og áður hefur komið fram snúast Kraumsverðlaunin fyrst og fremst um allar verðlaunaplöturnar, þá titla sem dómnefndin velur til Kraumsverðlaunanna, frekar en að einblína á eina einstaka Kraumsverðlaunaplötu.
Fyrsta breiðskífa FM Belfast ‘How to Make Friends’ er komin út. Kraumur hefur stutt FM Belfast við plötugerðina og óskar sveitinni hjartanlega til hamingju afrekið - og þá frábæru viðtökur sem platan hefur fengið.
Platan kemur út hjá eigin útgáfu FM Belfast, World Champion Records, og sér Kimi Records um dreifingu á hérlendis. Auk þess að vera fáanleg í plötuverslunum er hægt að versla ‘How to Make Friends’ gegnum iTunes, Tonlist.is og beint gegnum heimasíðu FM Belfast. Kaupum í kreppunni!
Ný plata Skakkamanage, All Over the Face, er væntanleg í verslanir í næstu viku. Platan fylgir í kjölfar kostagripsins ‘Lab of Love’ frá árinu 2006 - og er gefin út af eigin útgáfu Skakkamanage; Skakkapopp. Kimi Records sér um dreifingu. Kraumur styður framtakið. Ná má í tvö lög af plötunni, ‘Costa Bravo’ og ‘Good Times’, fríkeypis á netsíðu sveitarinnar hér.
Metnaður og frumleiki í íslenskri plötugerð verðlaunaður með nýjum verðlaunum.
Kraumsverðlaunin eru ný plötuverðlaun, sett á fót í þeim tilgangi að kynna og styðja við plötuútgáfu íslenskra hljómsveita og listamanna - og verðlauna og vekja sérstaka athygli á þeim verkum sem skara fram úr í gæðum, metnaði og frumleika.
Dómnefnd Kraumsverðlaunanna hefur nú hafið störf. Hún skipuð 15 aðilum sem hafa reynslu af að fjalla um og spila íslenska tónlist á ýmsum sviðum fjölmiðlunar, í dagblöðum, útvarpi og á netinu. Formaður dómnefndar er Árni Matthíasson.
Kraumsverðlaunin snúast fyrst og fremst um þær plötur sem valdar eru og tilnefndar til verðlaunanna, frekar en eina einstaka verðlaunaplötu. Stefnt að því að tilkynna útnefningar síðar í nóvember.
Það er von aðstandenda verðlaunanna að þau verði liðsauki fyrir íslenska listamenn og íslenska plötuútgáfu, og veki athygli á þeirri grósku og fjölbreytni sem ár hvert er fest disk, vínyl og stafrænni útgáfu hér á landi. Tímasetning tilnefninga og úthlutunar Kraumsverðlaunanna er miðað við jólagjafaflóðið, þegar listamenn reiða sig hvað mest á plötusölu og ætla má að sóknarfæri séu fyrir íslenska tónlist að rata í fleiri jólapakka.
Kraumsverðlaunin eru ekki bundin neinni ákveðinni tónlistarstefnu og þeim fylgja engir undirflokkar. Verðlaunin hafa ekkert aldurstakmark, en markmið þeirra er engu að síður að einbeita sér að verkum yngri kynslóðar íslenskra tónlistarmanna og hljómsveita.
Markmið verðlaunana er;
Að kynna og styðja við íslenska plötuútgáfu, þá sérstaklega verk ungra listamanna og hljómsveita.
Verðlauna og verkja athygli á því sem er nýtt og spenanndi í íslenskri tónlist ár hvert á sviði plötuútgáfu.
Verðlauna og vekja athygli á þeim verkum sem sem skara fram úr í gæðum, metnaði og frumleika.
Nóg að gerast hjá Celestine. Önnur breiðskífa sveitarinnar, sem Kraumur hefur stutt sveitina við að gera, er komin út og á að fást í öllum helstu búðum sem versla með tónlist. Útgáfa áætluð í Bandaríkjunum og Evrópu á næstu vikum. Sveitin mun fylgja útgáfunni eftir með tónleikahaldi.
Frá Celestine; “Ætlum að túra um Ísland í nóvember og kynna plötuna. Síðan erum við á fullu að vinna í live plötunni sem við tókum upp í ágúst. Hún verður vonandi komin út í byrjun næsta árs. Sjö tommu splittið okkar með þýsku hljómsveitinni er einnig að fara að líta dagsins ljós bráðlega sem og einnig þriðja platan okkar sem við erum að vinna í núna.
Svona er staðan hjá Celestine núna. Molestin Records er einnig að fara að gera helling af verkefnum á næstu vikum.”
Celestine spilar níðþungt síðþungarokk í anda Isis, þar sem gríðaröflugir mínimalískir kaflar eru brotnir upp með tilraunakenndum „atmosferískum” innslögum. Söngurinn er nístandi, svo tilfinningaþrunginn er hann, og tónlistin ryðst áfram líkt og hlustandinn standi berskjaldaður frammi fyrir beljandi Dettifossi.
Tónleikarnir framundan
Nov 8 2008 19.30 - Styrktartónleikar Dordingull.com Reykjavík
Nov 12 2008 20.00 - Félagsmiðstöðin OZ Vík í Mýrdal
Nov 13 2008 20.30 - Sláturhúsið Egilsstaðir
Nov 14 2008 22.00 - Blúskjallarinn Neskaupsstaður
Nov 15 2008 21.30 - Allinn (Norðurhhjarametall 2008) Akureyri
Nov 21 2008 20.00 - Gallerý Gónhóll Eyrarbakki
