Trúbatrix í samvinnu við Kraum leita af nýjum tónlistarkonum fyrir tónleikaferð um landið og nýja safnplötu sumarið 2010.

Trúbatrixur eru komnar á kreik á ný eftir velheppnaðan tónleikaferð í vor til Bretlands  og eru nú að setja í gírinn fyrir sumarið 2010.  Er stefnan tekin á að fara í tónleikaferð um landið í ágúst  í samvinnu við Kraum tónlistarsjóð og gefa út nýja safnplötu; Trúbatrix Taka 2 stuttu eftir það. Platan fylgir eins og nafnið gefur til kynna í kjölfar Taka 1 sem innihélt m.a. lög frá; Pascal Pinon, Fabúla, Jara, Uni, Mysterious Marta, Elízu Newman og Myrra {mynd].

Trúbatrixur eru nú að leita af og auglýsa eftir nýjum og spennandi íslenskum tónlistarkonum til að taka þátt í tónleikaferðinni og plötunni í sumar;

“Ef þið flytjið frumsamda tónlist og getið komið fram og flutt 3-4 lög á tónleikum  endilega vera í sambandi. Allmenningur er líka kvattur til að benda á efnilegar tónlistarkonur og því fjölbreyttari tónlist  því betra!

Tónlistarkonur geta sent tengil á vefsíðu eða mp3 með tóndæmi  á  :

trubatrix@gmail.com

og við verðum svo í sambandi !”

Hlekkir
Trúbatrix á MySpace
Trúbatrix á Facebook
Kraumur - Innrás

Kraumur tónlistarsjóður kynnir úthlutanir og stuðning við íslenskt tónlistarlíf og eigin verkefni.

Fimmtudaginn 15. apríl, klukkan 16.00
á Kaffi Rósenberg, Klapparstíg 25

Léttar veigar.

kveðja,

- stjórnin

Öllum umsóknum til Kraums tónlistarsjóð fyrir verkefni ársins 2010 verður svarað í byrjun apríl.

Kraumur þakkar öllum þeim sem sendu inn umsóknir í umsóknarferli sjóðsins fyrir árið 2010. Því miður sjáum við okkur ekki fært að svara umsækjendum lok mars mánðar eins og stefnt var að, heldur munum við svara umsækjendum í byrjun apríl. Stefnt er að því að allir umsækjendur hafi fengið svar eigi síðar en 10. apríl.

Alls bárust umsóknir frá 193 aðilum, aðallega listamönnum og hljómsveitum, í umsóknarferli Kraums fyrir árið 2010. Heildarfjöldi umsókna er 208 talsins. Umsóknirnar eru af ýmsum toga, og úr öllum geirum tónlistar.

Framkvæmdastjóri og stjórn Kraums hefur allt frá umsóknarferlinu lauk staðið í ströngu við að fara yfir þær umsóknir sem bárust. Sú vinna hefur tekið meiri tíma en ráðgert var. Við þökkum þolinmæðina og munum, eins og áður sagði, svara öllum umsækjendum í byrjun apríl. Ef einhverjar spurningar hafið endilega samband við undirritaðan.

- Eldar Ástþórsson
framkvæmdastjóri Kraums tónlistarsjóðs
S: 869 8179
E: eldar@kraumur.is

Yfir 193 umsóknir bárust í umsóknarferli Kraums tónlistarsjóðs sem lauk í vikunni.

Kraumur tónlistarsjóður þakkar frábærar viðtökur við umsóknarferli sínu fyrir árið 2010, sem kynnt var til leiks á Degi íslenskrar tónlistar þann 11. desember síðastliðinn. Umsóknarfresturinn rann út í vikunni, mánudaginn 1. febrúar.

Alls bárust 193 umsóknir í umsóknarferlinu. Umsóknirnar eru af ýmsum toga, og úr öllum geirum tónlistar. Flestar eru umsóknirar frá hljómsveitum og listamönnum, sem sækja um stuðning og samstarf fyrir margvísleg verkefni sín á árinu. Má þar nefna tónleikhald, kynningu á verkum sínum, tónsmíðar og plötugerð.

Öllum umsækjendum verður svarað. Þónokkur vinna er nú framundan við að fara í gegnum umsóknirnar og verkefni ársins, en stefnt er að því að svara öllum umsækjendum mánaðarmótin mars/apríl.

Umsóknarfrestur framlengdur til 1. febrúar 2010.

Kraumur tónlistarsjóður auglýsir eftir umsóknum fyrir verkefni á sviði íslenskrar tónlistar sem ráðgert er að eigi sér stað árið 2010. Tónlistarmenn og hljómsveitir úr öllum geirum tónlistar eru hvattir til að sækja um fyrir sín verkefni.

Umsóknarferlið er einnig opið fyrir viðburði, námskeið og fræðsluverkefni. Umsækjendum er bent á að kynna sér markmið og samþykktir sjóðsins hér.

Opnað varfyrir umsóknarferlið á degi Íslenskrar tónlistar, föstudaginn 11. desember 2009, og áætlað var að því myndi ljúka 20. janúar 2010. Nú hefur umsóknarfresturinn verið framlengdur um 10 daga, til 1. febrúar 2010.

Kraumur notast ekki við umsóknareyðublöð, en allar umsóknir skulu innihalda;

• Yfirlit yfir verkefnið
• Upplýsingar um markmið þess
• Fjárhagsáætlun*
• Æskileg fylgigögn þar sem það á við; tónlist á CD og ferilskrá (CV)

*Fjárhagsáætlun skal innihalda yfirlit yfir alla þekkta innkomuliði og útgjöld, og útlistun hvernig stuðningur Kraums getur nýst. Vinsamlegast takið fram ef sótt er um styrki í aðra sjóði eða verkefnið nýtur stuðnings annarstaðar frá.

- Mælst er til þess að umsóknir séu ekki lengri en 2 síður, auk fjárhagsáætlunar.
- Umsóknum skal skila bréfleiðis.
- Umsækjendum er bent á að kynna sér markmið og samþykktir sjóðsin, sem og þau verkefni sem Kraumur hefur stutt og unnið með árin 2008 og 2009.

Umsóknarfrestur er til 1.febrúar
(Póststimpill gildir, og því hægt að setja í póst mánudaginn 1. febrúar)

Framkvæmdastjóri Kraums veitir fúslega upplýsingar um umsóknarferlið - og er umsækjendum til reiðu er varðar ráðgjöf við að skila inn umsókn.

Skil á umsóknum
Umsóknir skulu sendar:
Kraumur tónlistarjóður
PO Box 124
121 Reykjavík

*Hægt er að setja umsóknir í póst fram til og með mánudeginum 1. febrúar (póststimpill gildir)

Frekari upplýsingar veitir
Eldar Ástþórsson, framkvæmdastjóri Kraums
S: 869 8179 / eldar[a]kraumur.is

Kraumur tónlistarsjóður auglýsir eftir umsóknum fyrir verkefni á sviði íslenskrar tónlistar sem ráðgert er að eigi sér stað á næsta ári.

Tónlistarmenn og hljómsveitir úr öllum geirum tónlistar eru hvattir til að sækja um fyrir sín verkefni. Umsóknarferlið er einnig opið fyrir verkefnastjóra og viðburði.  Opnað verður fyrir umsóknarferlið á degi Íslenskrar tónlistar, föstudaginn 11. desember og því lýkur 20. janúar á næsta ári.

Kraumur notast ekki við umsóknareyðublöð, en allar umsóknir skulu innihalda;

• Yfirlit yfir verkefnið
• Markmið þess
• Fjárhagsáætlun.

- Mælst er til þess að umsóknir séu ekki lengri en 2 síður.
- Umsóknum má skila með tölvupósti eða bréfleiðis.
- Væntanlegum umsækjendum er bent á að kynna sér markmið og samþykktir sjóðsins hér, sem og þau verkefni sem Kraumur hefur stutt og unnið með árin 2008 og 2009.

Umsóknarfrestur er til 20. janúar.

Framkvæmdastjóri Kraums veitir fúslega upplýsingar um umsóknarferlið - og er umsækjendum til reiðu er varðar ráðgjöf við að skila inn umsókn.

Skil á umsóknum
Umsóknir skulu sendar:
Kraumur tónlsitarsjóður
PO Box 124
121 Reykjavík

Frekari upplýsingar veitir
Eldar Ástþórsson, framkvæmdastjóri Kraums
S: 869 8179 / eldar[a]kraumur.is

Metnaður og frumleiki í íslenskri plötugerð verðlaunaður með nýjum verðlaunum.

Kraumsverðlaunin eru ný plötuverðlaun, sett á fót í þeim tilgangi að kynna og styðja við plötuútgáfu íslenskra hljómsveita og listamanna - og verðlauna og vekja sérstaka athygli á þeim verkum sem skara fram úr í gæðum, metnaði og frumleika.

Dómnefnd Kraumsverðlaunanna hefur nú hafið störf. Hún skipuð 15 aðilum sem hafa reynslu af að fjalla um og spila íslenska tónlist á ýmsum sviðum fjölmiðlunar, í dagblöðum, útvarpi og á netinu. Formaður dómnefndar er Árni Matthíasson.

Kraumsverðlaunin snúast fyrst og fremst um þær plötur sem valdar eru og tilnefndar til verðlaunanna, frekar en eina einstaka verðlaunaplötu. Stefnt að því að tilkynna útnefningar síðar í nóvember.

Það er von aðstandenda verðlaunanna að þau verði liðsauki fyrir íslenska listamenn og íslenska plötuútgáfu, og veki athygli á þeirri grósku og fjölbreytni sem ár hvert er fest disk, vínyl og stafrænni útgáfu hér á landi. Tímasetning tilnefninga og úthlutunar Kraumsverðlaunanna er miðað við jólagjafaflóðið, þegar listamenn reiða sig hvað mest á plötusölu og ætla má að sóknarfæri séu fyrir íslenska tónlist að rata í fleiri jólapakka.

Kraumsverðlaunin eru ekki bundin neinni ákveðinni tónlistarstefnu og þeim fylgja engir undirflokkar. Verðlaunin hafa ekkert aldurstakmark, en markmið þeirra er engu að síður að einbeita sér að verkum yngri kynslóðar íslenskra tónlistarmanna og hljómsveita.

Markmið verðlaunana er;

• Að kynna og styðja við íslenska plötuútgáfu, þá sérstaklega verk ungra listamanna og hljómsveita.
• Verðlauna og verkja athygli á því sem er nýtt og spenanndi í íslenskri tónlist ár hvert á sviði plötuútgáfu.
• Verðlauna og vekja athygli á þeim verkum sem sem skara fram úr í gæðum, metnaði og frumleika.

Hlekkir;
Nánar um tilurð og markmið Kraumsverðlaunanna
Plötulisti 2008 (ábendingar um viðbætur vel þegnar)

Kraumur vekur athygli á auglýsingu frá Listahátíð í Reykjavík þar sem auglýst er eftir umsóknum um tónleikahald í heimahúsum í Reykjavík í maí 2009.

Óskað er eftir tónlistarfólki á öllum sviðum tónlistar. Fjöldi flytjenda má vera frá einum til fimm. Umsóknum fylgi upplýsingar um efnisskrá, flytjendur og húsnæði sem tekur að lágmarki 25 manns í sæti. Valið verður úr innsendum umsóknum og öllum umsækjendum svarað.

Umsóknir berist eigi síðar en 25. nóvember til Listahátíðar í Reykjavík, pósthólf 88, 121 Reykjavík, merktar “stofutónleikar”.